Sofonii 2:5 - LAWA A BOO SONBORE

⁵ Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

LAWA A BOO SONBORE 2011

⁵ Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Sofonii 2:5 Iomraidhean Croise

Izayii 14:29

Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.

Izayii 14:30

Doobaan tá re màn-bii yii, nɔmaa wolen tá re wɛɛ tán n yiri ǹ bǎã goon ne. Sɛnɛ kasɛn Filisiti minin kɛn, bòo á re ka dii. Kaa min mɛnɛn yii goã koo, ǹ tá re bɛn dii.

Zeremii 47:7

Sɛnɛ, bɛa gɔya sa lɛn siɛ lɔn a n susu. Dɛnaa Lawa na á dí kɔ la, mà a wo yǎa Asikalɔn, yǎa yìsi mu lɛ-a. A dí mɛn kɔ la, bɛ n ka kɛ nɛ.

Ezekieli 25:16

masɛ Dɛnaa Lawa gole n kɛ pii: «Ma á re yui Filisiti minin lɛn gialaa. Ma min mɛnɛn tumaa bɔ Kafutɔɔrɔ ǹ nə́ daa giã yìsi mu kɛ lɛkoro-a, ma á re bɛn tumaa dii lenlen.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 5:1

Amɔɔsi tɔn pɛ: Izirayeli minin lɛn, ka n too kɔ boo kɛ li, ka n too kɔ gɛ̀ loe kɛ li, ma á loe kaa wɔ paǹ li:

Sofonii 1:11

Ka n lɛ dɛ, kasɛn mɛnɛn bɛ́ kiwi lɛa tán-a a lɛ̀gɔn la, a giala, pii-kɔle tumaa n die giɛ̃. Min mɛnɛn bɛ́ ǹ wɔrɔ zoɛ̃ bɛn man die giɛ̃.

Sofonii 3:6

Dɛnaa Lawa pɛ: Má tɔrɔn papaã, má ǹ lɛduə̃ ǹ kungɔnɔn kɛn wuru, má ǹ kiwi gɔ́ɔ̃ baa ka diə gole bɛ́, min kɔn din ba kiɛ̃ walan doo wa. Ǹ kiwin nə́ bɔ̀n baa lenlen, min goon din ba ǹ nɛ doo wa.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Marki 12:12

Zuifun goledɛnan nə́ ga Yezu kũ ǹ gɔn li, a giala, ǹ nə́ dɔ̃ mà a na á bɛa boo giməə lɛ da ǹsɛn ganaa. Sɛnɛ, ǹ bɛ́ ǹ nə́ goã nyɛ́ɛ biɛ zaman lɛ nɛ, ǹ nə́ toa walan ǹ nə́ woo.

Zozoe 13:2

Gána lɛ a paǹ mɛn goã, bɛ n ka kɛ nɛ: Filisiti minin bǎãn kɛn tumaa ka Gesuuru tɔrɔn kɛn bǎã tumaa nɛ.

Zozoe 13:3

A n siɛ Sikɔɔrɔ tà kɛ ganaa baa sii kiɛ̃ Ezipti gána yɔrɔ-a, a wo yǎa Ekrɔn lɛkoro-a, gɔsɛ a lɛ̀gɔn la. Bɛa bǎã lɛ doamaa nɛ a Kanaan minin kɛn bǎã baa. Filisiti minin kii sooro kɛ na á goã walan: Gaazaa kiwi wɔ nɛ, Asidɔdi kiwi wɔ nɛ, Asikalɔn kiwi wɔ nɛ, Gaadi kiwi wɔ nɛ, Ekrɔn kiwi wɔ nɛ, ka Avii tɔrɔn kɛn nɛ.

Sii yɔrɔ-bɔlen 3:3

Bɛa tɔrɔn lɛn nə́ ke: Filisitin kii sooro kɛa gána minin manɛ, Kanaan gána minin tumaa nɛ, Sidɔn kiwi minin ni, ka Ivii tɔrɔn mɛnɛn bɛ́ ǹ nə́ goã giã-n Liban kelen kɛn la, a saa Baali-Ɛrmɔn kele ganaa a wo yǎa Lebo-Amaati kiwi a wɔ ǹ bǎã nɛ.

Samayeli1 30:14

Wɔsɛn dinin man ke, wɔ́ goã wɔ kɔ Keriti minin bǎã a gusin a lɛ̀gɔn lɛ ka zia nɛ, Zudaa gána a gusin a lɛ̀gɔn la. Wɔ́ kɔ Kalɛbu a tanlɛ minin bǎã dɔ a gusin a lɛ̀gɔn lɛ, wɔ́ tɛ da Siklagi kiwi ganaa.»