Sofonii 2:3 - LAWA A BOO SONBORE

³ Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

LAWA A BOO SONBORE 2011

³ Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Sofonii 2:3 Iomraidhean Croise

Samayeli2 12:22

Davida tɔ́n pɛ: «Taãn nɛ. Nɛ lɛ yii bɛ́ tɔn koo, má goã n lɛ soɛ, má goã wuu pii. A giala, man má goã pii ma din gɔ́ɔ̃ nɛ máa min ba doɛ̃ wa, máa kɔntan Dɛnaa Lawa á re makara boe ma ganaa, a nɛ lɛ yii toa koo.

Loen 105:4

Ka ga Dɛnaa Lawa lɛ li, ka ga a pàã kɛ dɔ li. Ka ga li, ka n mɔrɔ a ganaa biikoo tumaa li.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 31:20

Sonbore, n bǐɛ̃-zɛnaa á gole á la yii ni. Min mɛnɛn bɛ́ nyɛ́ɛ biɛ n nɛ, ma n koɛ bɛn lɛn nɛ. Min mɛnɛn bɛ́ kiɛ n yele, ma n koe bɛn lɛn la, min tumaa yii ni.

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 76:9

N din nə n toɛ lon, n kiri kuri, nyɛ́ɛ n tán minin kuĩ, ǹ golee ka kiĩni.

Loen 91:1

Min mɛn a duru ǹ bǎã bɛ́ Lon a Lawa Gole li, a ń kiɛ Lawa Pàãyiidɛnaa yele,

Bɔ bɛ̀rɛbaa nɛ 12:27

ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Zeremii 39:18

Sonbore, sàabaa ba la wa, ma á re n kirisibiɛ. N ba re gɔya sa gɛ̀ we wa, n yii á re goɛ̃ koo. N là á re goɛ̃ ka bɛ sɛ kɔn nɛ, a giala, n nə́ n foo doa masɛ ganaa. Dɛnaa Lawa a da ǹ boo ne.»

Zeremii 45:5

Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Ezekieli 13:5

Kungɔn lɛ a yalan mɛnɛn bɛ́ ǹ tan, ǹ bɛn tã wa, ǹ kungɔn dɔ ǹ nə́ Izirayeli tɔrɔn lɛn lɛnpɛnɛ nɛ wa, màn mɛn bɛ́ toɛ, ka n gòãn doa Dɛnaa Lawa a foo-yoo pinaa kɛ-n wa.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Zonaasi 3:9

Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa.

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Matiə 5:5

Min mɛnɛn bɛ́ sabarɛbaa nɛ, Lawa á re barka diɛ bɛn ganaa, a giala Lawa màn mɛn a lɛ kɔ ǹ la, á re bɛ lɛ koe ǹ la.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.