Sofonii 2:13 - LAWA A BOO SONBORE

¹³ Dɛnaa Lawa n die yui gɔsɛ a lɛ̀gɔn la gialaa. Á re Asiirii bɔ̀n biɛ lenlen, a Ninivu ziziɛ̃ a baa bǎã gere lɛa ka diə gole bɛ́ lɔn.

LAWA A BOO SONBORE 2011

¹³ Dɛnaa Lawa n die yui gɔsɛ a lɛ̀gɔn la gialaa. Á re Asiirii bɔ̀n biɛ lenlen, a Ninivu ziziɛ̃ a baa bǎã gere lɛa ka diə gole bɛ́ lɔn.

Sofonii 2:13 Iomraidhean Croise

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 14:26

Kɛ n gɔn waa ǹ boo lɛa kanaa tumaa wɔ lɛa, a gɔn munii n lon, tɔrɔn tumaa wɔ lɛa.

Izayii 37:37

Bɛ lɛ na á toa Asiiriin kii Senankeribu na a zìãn tumaa fore, á n bɔyaa á woo Ninivu, á giã walan.

Zeremii 49:33

Asɔɔrɔ kiwi á re tolokan susu ǹ bǎã biɛ, kɛbɔlɔ lɛa yǎa duduu. Min goon ba re goɛ̃ kaa kiwin ni wa, minbuiin nɛ goon din ba re goɛ̃ ǹ nɛ wa.

Zonaasi 1:2

«Yoo, n wo Ninivu kiwi gole kɛ nɛ n paraa ǹ li. A giala, ǹ baraabaa lɛ dɔ yǎa masɛ li.»

Zonaasi 3:2

«Masɛ bɛ́ boo mɛn pii n ni, yoo, n wo Ninivu kiwi gole kɛ nɛ, n pɛ ǹ nɛ ka paraa nɛ.»

Misee 5:6

Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.

Nahumu 1:1

Boo mɛn nə n da Ninivu wɔ paǹ li, Elkɔɔsi min Nahumu a sii-yɛn manɛ.

Nahumu 3:15

Tɛ n die ka kuĩ ka gã walan hinlaa zia n die ka nyin boe. Kaa zɔ́ɔn man die ka soɛ̃ ka bisin bɛ́ màn soɛ̃ lɔn. Ninivu minin, ka bulubɔ, ka bulubɔ ka bisin bɛ́ lɔn.

Nahumu 3:7

Màn mɛn bɛ́ toɛ, bɛ̀ min mɛn nə́ n yɛ a baa si, a nə́ n lɛ dii: «Ninivu ziziɛ̃! Die n die makara boe a ganaa?» Die n die yii a gu wɔ la?

Sofonii 1:4

Dɛnaa Lawa a da ǹ boo á ke: Ma á re n gɔn siɛ Zudaa laanka Zeruzalɛmu kiwi minin kɛn li. Ma á re ǹ dì *Baali gialakun kɛ tumaa bɔ̀n biɛ, ma á re a wúlu-bɔlen dinin tɔ papaɛ̃.