Sofonii 1:6 - LAWA A BOO SONBORE

⁶ Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

LAWA A BOO SONBORE 2011

⁶ Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Sofonii 1:6 Iomraidhean Croise

Samayeli2 22:22

A giala, má kɔ Dɛnaa Lawa a zii lɛ, má kɔ lɛ ka bɔlɔgoondɛnaabaa nɛ, man piã ka maa Lawa lɛ-n wa.

KZS2 15:13

Min woo min, nɛ ten lɛa hinlaa min gole lɛa, giĩ hinlaa lɔ lɛa a na a ga Dɛnaa Lawa, Izirayeli a Lawa li wa, bɛa dɛnaa nyin tá re n boe.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 43:22

Dɛnaa Lawa pɛ: Zakɔba, n lɛ dia ma la wa. Izirayeli, ma nə n nɔmaa ka ma nɛ.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Ozee 7:7

Ǹ tumaa n kakaarɛ ka kùsì fuu bɛ́ lɔn. Maǹ nə́ ǹ sii yɔrɔ-bɔlen dii, ǹ kiin tumaa n kiɛ. Sɛnɛ, ǹ kiin lɛn bii, min goon din yɛ, á ma bii wɔ wa.

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Rɔmu minin 3:11

Yiridɛnaa kɔ́n banban, bɛ n giɛ Lawa foo sii li wa.

Ebrəə 2:3

wɔsɛn dɔn kəni, wɔ ǹ die liɛ lɔn, bɛ̀ wɔ́ sàn kɔ ka kirisibaa gole kɛ nɛ? Kirisibaa mɛn bɛ́ Dɛnaa din ná a boo da bɔrɔ, bɛ kio, min mɛnɛn na a boo ma ka ǹ too ne, bɛn dɔn nə́ wusoo ǹ ná a sonborebaa pɛ.

Zozoe 23:12

Sɛnɛ, bɛ̀ ka wusoo ka ka kio ne, ká woo n paraa tɔrɔ kɔsɔn kɛn ganaa, giã nɛ ka bii, bɛ̀ ka kɔn wɔ ma ka ǹ minin ni, bɛ̀ ka n lɔlɔkɔn-a ǹ nɛ,

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.