Sofonii 1:3 - LAWA A BOO SONBORE

³ Man die minbuiin nɛn laanka tɔɔn bɔ̀n biɛ. Man die lon a bàanan laanka mu li ǹ zɔ̀nɔn bɔ̀n biɛ, man die min baraan bɔ̀n biɛ, kɔnlɛ ka màn mɛn tumaa bɛ́ minin boe ǹ kiɛ. Man n die minbuiin nɛn papaɛ̃ ma ǹ bɔ tán la. Dɛnaa Lawa a da ǹ boo ne.

LAWA A BOO SONBORE 2011

³ Man die minbuiin nɛn laanka tɔɔn bɔ̀n biɛ. Man die lon a bàanan laanka mu li ǹ zɔ̀nɔn bɔ̀n biɛ, man die min baraan bɔ̀n biɛ, kɔnlɛ ka màn mɛn tumaa bɛ́ minin boe ǹ kiɛ. Man n die minbuiin nɛn papaɛ̃ ma ǹ bɔ tán la. Dɛnaa Lawa a da ǹ boo ne.

Sofonii 1:3 Iomraidhean Croise

Siin Giala 6:7

á tɔ́n pɛ kɛnɛn: «Ma minbuiin nɛ mɛn zɛnaa, man die papaɛ̃ ma bɔ tán la, a saa minbuiinin ganaa, a wo màn yiikoonaa tumaa yaa, a dadaran nɛ ka a bisinin ni, ka bàanan nɛ. A giala, man má n gɔ́ɔ̃ bii ka wàa na á baa má zɛnaa.»

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 6:12

Sonbore, Dɛnaa Lawa á re kiwi kɛa minin pɛsɛ̃ bǎã sɔsɔɔn nɛ. Wuru gigiã á re goɛ̃ tán kooro.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Ezekieli 44:12

A giala, ǹ nə́ wúlu bɔ dìn ganaa zaman lɛ a lɛa, ǹ nə́ Izirayeli minin lɛn nyanaa, ǹ nə́ ǹ kaa sii baraa nɛ. Bɛ lɛ na á toa masɛ Dɛnaa Lawa a da ǹ boo á ke: Ǹ tá re n toɛ̃ ka ǹ sii baraa a guĩ ni.

Ezekieli 7:19

Ǹ tá re ǹ wɔrɔ kɛ pɛsɛ̃ tán zii la, ǹ sana kɛ á re màn kooro biɛ ǹ yii li. Lawa a foo-yoo kɛa pinaa, ǹ wɔrɔ laanka ǹ sana kɛ nɛ, bɛn ba re boe la ǹ nə ǹ kirisibaa wa. Ǹ nɔ̀ a re kiɛ̃ wa, ǹ nàn ba re kiɛ̃ wa. A giala, maǹ nə́ n saa sana laanka wɔrɔ li, ǹ nə́ sii baraa zɛnaa.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Zakarii 13:2

Dɛnaa Lawa Pàãyiidɛnaa a da ǹ boo á ke: – Bɛa waáraa, lawa kooron kɛn, ma á re bɛn boe ma ǹ bɔ gána lɛ nɛ, ǹ tɔ a re n pii doo wa. Yiri din ba re gisĩ ǹ ni doo wa. Man die Lawa a boo gii-dali soɛ-bɔlen kɛn dɔn lui ma ǹ bɔ gána lɛ nɛ, kɔnlɛ ka dì guguru kɔ ǹ taasiɛ nɛ.

Matiə 13:41

Masɛ Min a Nɛgiĩ á re maa dia dí-a wolen diɛ. Min mɛnɛn dinin tumaa bɛ́ sii baraa zɛnɛɛ, ǹ nə́ ǹ miãn dɔn nyanɛɛ ǹ kiɛ a nɛ, ǹ tá re bɛn wɛɛ ǹ nə ǹ bɔ Lawa a kiibaa ǹ bǎã lɛ nɛ,

Matiə 23:39

Masɛ n pii ka nɛ, a giala, a saa sisia ganaa, ka a re masɛ yii doo wa, yǎa ka bɛ́ re pii ǹ mɛn pinaa: «Min mɛn bɛ́ die ka wɔa Dɛnaa tɔ nɛ, Lawa die a barka wɔ bɛ nɛ!»

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.