Sofonii 1:14 - LAWA A BOO SONBORE

¹⁴ Dɛnaa a lɛawaa gole lɛ diri. Á diri ka foɛɛ̃. Bɛa pinaa kɛ lɛ nɛ, lɛ dɛ gole á re boe, footaãnaa din tá re gú diɛ.

LAWA A BOO SONBORE 2011

¹⁴ Dɛnaa a lɛawaa gole lɛ diri. Á diri ka foɛɛ̃. Bɛa pinaa kɛ lɛ nɛ, lɛ dɛ gole á re boe, footaãnaa din tá re gú diɛ.

Sofonii 1:14 Iomraidhean Croise

Izayii 15:4

Ɛsibɔn laanka Elaalee kiwi, minin man gú diɛ. Ma nə n toɛ Yaasi n tá ǹ lɛ miɛ. Haalɛ Moabu sɔraasin tá n lɛ dii, ǹ foo n ziziɛ̃ nɛ.

Izayii 33:7

Zeruzalɛmu minin nə́ ke n lɛ dii ziin la. Là nyantoro boo-dalin man wusii die ka wuu-n kɔsɛkɔsɛ.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Izayii 8:22

bɛ kio, ǹ tá re n yɔrɔ diɛ tán: Sɛnɛ á ke, maǹ die koe dinsɔɔ̃ yii, wɔlɔ tì biribiri ni, nyɛ́ɛ gole ne ka tèlò tì biribiri ni, ǹ bɛ́ re ǹ noɛ̃ ǹ nə ǹ zũ bǎã mɛn nɛ.

Zeremii 25:36

Máa ǹ lɛ-dɛ miɛ, máa ǹ ginii miɛ. A giala, Dɛnaa Lawa nə́ ǹ tɔɔn buu sɔ̃ ǹ bǎã ziziɛ̃.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Ezekieli 12:23

A pɛ ǹ nɛ, mà masɛ Dɛnaa Lawa n kɛ pii: «Man die zɛnɛɛ ǹ nyan bɛa suusu kɛ boo da Izirayeli gána-n doo wa. Sɛnɛ, a pɛ ǹ nɛ mà siinyaa lɛ tumaa a zɛnaa ǹ lɛawaan nə́ diri.

Ezekieli 30:3

A giala, lɛawaa lɛ diri, Dɛnaa a lɛawaa lɛ diri. A n die labara lɛawaa biɛ, a n die tɔrɔn sii yɔrɔ bɔ pinaa biɛ.

Ezekieli 7:12

A pinaa á die, bɛa sàabiɛ wa. Màn-piili baran n nyɛnyɛɛ wa, a sãli dɔ baran n yɔrɔ kɔsɛ wa. A giala, ma foo n yoo-n gána lɛ a minin tumaa li.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Amɔɔsi 8:2

Á tɔ́n nɔ́n da ma la: «Amɔɔsi, n yii n wàa mɛn ganaa?» Má tɔ́n pɛ nɛ: «Ma yii n da nɛ mərə ganaa, kaka piɛ̃.» Dɛnaa Lawa tɔ́n pɛ ma-n kɛnɛn: – Maa zaman, Izirayeli minin lɛn goa biikoo dɔ, ka da nɛ mərə kɛ wɔ bɛ́ lɔn ma a re ǹ toɛ walan doo wa.

Sofonii 1:10

Dɛnaa Lawa a da ǹ boo á ke: Bɛa pinaa kɛ lɛ nɛ, Zeruzalɛmu kiwi, lɛ dɛ gole tá re boe zɔ̀nɔn kiɛnlɛ-a. Bubui á re boe dala dii kɛ nɛ, ka màn wuu gole ne tentenen mìi ni.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.

Nya ǹ dín 2:20

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Filipi minin 4:5

Ka sii zɛnaa ka foo-basiɛ̃-n min tumaa nɛ. Dɛnaa lɛ a daa a sɔsɔɔ doo wa.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Ebrəə 12:26

Asɛ mɛn bɛ́ a lɛn bìn da tán ganaa, a din lɛ n boo kɛ pii wɔ-n kanna: «Masɛ n die wusii ma bìn da tán lɛ ganaa gunyin goon doo. Bɛ dinsɔɔ̃ bie wa, ma á re bìn diɛ lon dɔ ganaa.»

Zaaki 5:9

Ma dɔɔ̃nɔn lɛn, ka nyan kiri da kɔn la wa, màn mɛn bɛ́ toɛ Lawa baran kiri wɔ ka ganaa wa. Min mɛn bɛ́ kiri kuri, bɛa daa dɔ á nya.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.