Sofonii 1:13 - LAWA A BOO SONBORE

¹³ Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

LAWA A BOO SONBORE 2011

¹³ Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

Sofonii 1:13 Iomraidhean Croise

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Zeremii 15:13

Zudaa, ǹ tá re n naforo laanka n gɔn màn giɔ̀mɔ kakaan kɛn kokoe. N ba re màn kɔn yii ǹ dòo wa. N sii baraa mɛn tumaa zɛnaa n gána lɛ nɛ, bɛn lɛn lɛa nɛ.

Zeremii 17:3

ka ǹ kele mìin kɛn nɛ don. Nsɛ Zudaa, ma á re n naforon laanka n gɔn màn giɔ̀mɔ kakan kɛn kokoe, kɔnlɛ ka n wúlu bɔ ǹ bǎãn nɛ. Man die bɛ zɛnɛɛ n siɛ̃n kɛn tumaa a lɛa ń zɛnaa gána lɛ paǹ tumaa nɛ.

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Zeremii 9:19

Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Ezekieli 7:19

Ǹ tá re ǹ wɔrɔ kɛ pɛsɛ̃ tán zii la, ǹ sana kɛ á re màn kooro biɛ ǹ yii li. Lawa a foo-yoo kɛa pinaa, ǹ wɔrɔ laanka ǹ sana kɛ nɛ, bɛn ba re boe la ǹ nə ǹ kirisibaa wa. Ǹ nɔ̀ a re kiɛ̃ wa, ǹ nàn ba re kiɛ̃ wa. A giala, maǹ nə́ n saa sana laanka wɔrɔ li, ǹ nə́ sii baraa zɛnaa.

Ezekieli 7:21

Man die n koe tiin la, ǹ nə ǹ saa ǹ wo ǹ ne. Man die ǹ koe gána lɛ a min baraan la, ǹ bɔ zia la ǹ mànan lɛa. Bɛn tá re gɔ̀ diɛ ǹ ganaa.

Ezekieli 7:24

Tɔrɔ mɛnɛn bɛ́ babaraa, man die die ka bɛn nɛ, ǹ tá re minin kionən sii ǹ la. Ma á re min kakan kɛn din gole kɔ nyɛɛ, ǹ wúlu bɔ ǹ bǎãn kɛn, ǹ tá re gɔ̀ diɛ bɛn ganaa.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Misee 6:15

Kasɛn kɛn, ka á re màn diɛ kaa wuru-n, sɛnɛ, ka n ka a re kuri wa. Kasɛn kɛn, ka á re *olivie nyɔɔ boe, sɛnɛ, ka n ka a re loe ka ganaa wa. Ka á re rezɛ̃ mu boe, sɛnɛ, ka n ka a re a duvɛ̃ mii wa.

Sofonii 1:9

Bɛa pinaa lɛ nɛ, min mɛnɛn bɛ́ kion kiɛnlɛ lɛ lanparɛ ma á re yui bɛn gialaa. Min mɛnɛn dɔn bɛ́ ǹ dɛnaa a kion piɛ̃ ka kakaarɛbaa laanka wurumubaa ǹ mànan nɛ ma á re dɔlɔ boe ǹ ganaa.

Timəə dí-pɛn 28:30

Ta kaa min mɛn na á san bɔ, min kɔsɔ n die kuĩ a waa nɛ. Ta kaa min mɛn na á kion dɔ, min kɔsɔ n die giɛ̃ a nɛ. Ta kaa min mɛn na á *rezɛ̃ da wuru bɔ, haalɛ a nɛ bibinaa din, a re niɛ wa.

Timəə dí-pɛn 28:39

Ka á re rezɛ̃ da zumi ka ga a walan, sɛnɛ, ka n ka a re a duvɛ̃ mii wa. Ka a re a nɛ din niɛ ka da-n piɛ wa, a giala, nyuunun man die a tumaa soɛ̃.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.