Sofonii 1:10 - LAWA A BOO SONBORE

¹⁰ Dɛnaa Lawa a da ǹ boo á ke: Bɛa pinaa kɛ lɛ nɛ, Zeruzalɛmu kiwi, lɛ dɛ gole tá re boe zɔ̀nɔn kiɛnlɛ-a. Bubui á re boe dala dii kɛ nɛ, ka màn wuu gole ne tentenen mìi ni.

LAWA A BOO SONBORE 2011

¹⁰ Dɛnaa Lawa a da ǹ boo á ke: Bɛa pinaa kɛ lɛ nɛ, Zeruzalɛmu kiwi, lɛ dɛ gole tá re boe zɔ̀nɔn kiɛnlɛ-a. Bubui á re boe dala dii kɛ nɛ, ka màn wuu gole ne tentenen mìi ni.

Sofonii 1:10 Iomraidhean Croise

Samayeli2 5:7

Davida *Siɔn kiwi a duru ǹ bǎã kaka kɛ kũ á si. A din lɛ nɛ ǹ tá bii "Davida a kiwi".

Samayeli2 5:9

Davida giã bɛa duru ǹ bǎã kaka kɛ lɛ nɛ, á bii "Davida a kiwi". Bɛ kio, Davida kionən dɔdɔ á ná a lɛnpɛnɛ nɛ, a saa Miiloo bǎã kɛ ganaa, a wo kiwi lɛ a gɔ́ɔ̃ yaa.

Kiin2 22:14

Lawa a wúlu-bɔle Ilkia nɛ, ka Ayikaamu ni, ka Akibɔɔrɔ nɛ, ka Safan laanka Asayia nɛ, ǹ nə́ tɔ́n kiɛ̃ ǹ nə́ woo Huldaa yaa, lɔ ke Lawa a boo gii-dali lɛa. Huldaa lɛ n Saalumu a lɔ lɛa. Saalumu n Tikva a nɛ lɛa, Araasi a nɔ̀ɔn lɛa, a n dí-nya ǹ mɔnaan mìi la. Huldaa na á goã Zeruzalɛmu dala dii kɛ nɛ. Ń bɛ́ ǹ nə́ boo da nɛ á nya,

KZS2 3:1

Kii Salomɔn Lawa a kion lɛ a doe giala kɔ Zeruzalɛmu, Moriya kele la. Dɛnaa Lawa na á n din nyaa ǹ dí Davida nɛ walan, Ornan a *belee duwəə ǹ bǎã nɛ, ke Zebuzu tɔrɔ lɛa.

KZS2 32:22

Dɛnaa Lawa Ezekiasi kirisibaa lɔn kɔnlɛ ka Zeruzalɛmu minin ni, Asiiriin kii Senankeribu a pàã ganaa ka ǹ zɔ́ɔ kɔsɔn pàã nɛ, bɛ n ka kɛ nɛ. Á yii-nyɛɛ kɔ ǹ la ǹ gèlè tumaa la.

KZS2 33:14

Bɛa siin kɛn kio, Manaasee kungɔn dɔ á woo lon, "Davida a kiwi" lɛ a kanaa la. Bɛa kungɔn lɛ-n boe Giɔn mu yala kɛa lɛ̀nyɛɛn gɔn la, a n kiɛ̃ woe boe Sedrɔn a nyankɔrɔ basa kɛ nɛ yǎa zɔ̀nɔn kiɛnlɛ-a, a Ofɛli dala kɛ lɛnpɛnɛ. Manaasee sɔraasin nyɛɛnaandɛnan koa Zudaa kiwi kɛn tumaa nɛ tamaa nɛ.

KZS2 34:22

Ilkia laanka kii a dia dí-a wolen lɛn nə́ woo Lawa a boo gii-dali lɔ Huldaa li, ke giã nɛ Zeruzalɛmu dala dii kɛ nɛ. Huldaa lɛ n Saalumu a lɔ lɛa. Saalumu n Tikva a nɛ lɛa, Araasi a nɔ̀ɔn lɛa, a n dí nya ǹ mɔnaan mìi la. Huldaa na á goã Zeruzalɛmu dala dii kɛ nɛ. Kii a dia dí-a wolen lɛn nə́ ǹ boo nyaa Lawa a boo gii-dali lɔ lɛ nɛ.

Nehemii 12:39

Bɛ kio, wɔ́ bɔ Efrayimu kiɛnlɛ kɛ lalan, ka kiɛnlɛ zizi kɛ nɛ, zɔ̀nɔn kiɛnlɛ kɛ nɛ, Hananeyeli a sanabolo kɛ nɛ, Meya a sanabolo kɛ nɛ, wɔ́ woo yǎa sèren kiɛnlɛ kɛ li. Wɔ́ tɔ́n golee wɔlɔ lɛduə̃ ǹ kiɛnlɛ kɛ lɛ-a.

Nehemii 3:3

Kiɛnlɛ ke ǹ nə́ bíi "zɔ̀nɔn kiɛnlɛ", Senaa tɔrɔn man nə́ bɛ dɔ. Ǹ nə́ zũ, ǹ ná a goon wɔ lɛ, ka a tã a sɔɔ ǹ mànan nɛ.

Izayii 59:11

Wɔ tumaa n lɛ biɛ ka don màn babaraa bɛ́ lɔn. Wɔ n gini ka zɛrɛkatoãnən bɛ́ lɔn. Wɔ nə n yii diɛ sonborebaa la, sɛnɛ, màn kɔn. Wɔ nə n yii diɛ kirisibaa la sɛnɛ, a nə n wɔlɔ lui wɔ ganaa.

Zeremii 39:2

Sedekiasi a kiibaa lɛ̀ fulugoonbaa ǹ wɔ a mui siibaa ǹ wɔ a lɛawaa manangɔrɔbaa ǹ wɔ li, Baabilonii minin nə́ Zeruzalɛmu lɛnpɛnɛ ǹ kungɔn kolo fɔ̃.

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Ezekieli 6:13

Ǹ geren tá re goɛ̃ tán kun ka ǹ dìn lɛn nɛ, ǹ wúlu bɔ ǹ bǎãn kɛn lɛnpɛnɛ, tenten sɔsɔrɔn tumaa laanka kelen tumaa mìi ni, da tumaa giulun ǹ mɛnɛn bɛ́ luu buruu lɛa ka kɛkɛ, ǹ goã wúlu boe bǎã mɛn tumaa nɛ ka màn gìĩ kɔɔ̃ nɛ ǹ dì kɔrɔn ganaa.

Amɔɔsi 8:3

Dɛnaa, maa Lawa n kɛ pii: «Bɛa pinaa kɛ lɛ nɛ, ǹ bɛ́ loe mɛn loe kii a kion, bɛ á re n bɔyɛɛ a gɛ̀ wuu baa. Gere gigiã á re boe, ǹ tá re geren lɛn zuĩ tán kanaa bǎã yii ni. Bǎã lɛ á re goɛ̃ kiĩn ni.»

Sofonii 1:15

Foo-yoo lɛawaa nɛ, bɔ̀n ka nyɛ́ɛ lɛawaa nɛ, ziziɛ̃ nɛ, ka gɛ̀ nɛ, tèlò ka wɔlɔ tì lɛawaa nɛ.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.