Loe kɔɔ̃n kɔɔ̃n 5:2 - LAWA A BOO SONBORE

² Man má goã nyuù we, sɛnɛ, ma gɔ́ɔ̃ na á goã koo. Má ma din foo dùũ wɔ lɛ gɔn wuu ma kiɛnlɛ dii. Á pɛ: Miãnɛn, maa paa ǹ wɔ, maa kɔnbɔlɔn, maa yii màn, kiɛnlɛ bũ ma nɛ. A giala, ma mìi yii n pele lɛa, ma mìi ka n tèlò a mu bisin lɛa.

LAWA A BOO SONBORE 2011

² Man má goã nyuù we, sɛnɛ, ma gɔ́ɔ̃ na á goã koo. Má ma din foo dùũ wɔ lɛ gɔn wuu ma kiɛnlɛ dii. Á pɛ: Miãnɛn, maa paa ǹ wɔ, maa kɔnbɔlɔn, maa yii màn, kiɛnlɛ bũ ma nɛ. A giala, ma mìi yii n pele lɛa, ma mìi ka n tèlò a mu bisin lɛa.

Loe kɔɔ̃n kɔɔ̃n 5:2 Iomraidhean Croise

Siin Giala 29:20

Zakɔba dí nya Laban nɛ lɛ̀ sɔbaa gɔ́ɔ̃ nɛ, Raseli a lɛa. Sɛnɛ, bɛa lɛ̀ sɔbaa lɛ nə́ n baa laan paa dinsɔɔ̃ lɛa Zakɔba yii li. A giala, á goã Raseli narɛ parsiini.

Loen 119:1

Min mɛnɛn tɔ wɔ ǹ gɔn bɛ́ pepere, ǹ nə́ tɔ we á n kɔnpii ka Dɛnaa Lawa a landa boon kɛn nɛ, Lawa á re barka diɛ bɛn ganaa.

Loen 81:10

bǎã ba re yii n li lawa kɔsɔ wɔ lɛa wa. N ba re n musin koɛ tán, n lawa kɔsɔ guguru kɔ wa.

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Loe kɔɔ̃n kɔɔ̃n 1:16

N dɔ á siĩni dɛ, ma din foo dùũ wɔ, n tá siĩni á là da. Wɔa waa ǹ piì n buu buruu lɛa.

Loe kɔɔ̃n kɔɔ̃n 2:10

Ma din foo dùũ wɔ lɛ lɛ dia ma la, á pɛ ma-n kɛnɛn: «Yoo n daa, maa paa ǹ wɔ, maa paa ǹ wɔ siĩni, yoo n da kiɛ̃.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Loe kɔɔ̃n kɔɔ̃n 2:8

Ma din foo dùũ wɔ lɛ lɛ á boe! Á ke yii die! A n pipiɛ̃ kelen la, paparɛ tentenen la,

Loe kɔɔ̃n kɔɔ̃n 3:1

Min mɛn lɛ sii bɛ́ kɔɔ̃n ma ganaa, bɛ̀ ma á tán maa pii la tèlò-n, ma nə n gɔn talɛɛ bɛ li, ma nə n gɔn talɛɛ li, sɛnɛ a wɔlɔ banban.

Loe kɔɔ̃n kɔɔ̃n 4:7

Maa paa ǹ wɔ, n siĩnbaa lɛ pã. Haalɛ wɔ̀lɔ̀ boɛɛnɛ, a ba n-a wa.

Loe kɔɔ̃n kɔɔ̃n 4:9

Miãnɛn, maa nɛniɛ, n sii n ka a gàã yoo ma li. N ga ma-a gunyin goon din ni, a n ka a gàã yoo ma li. N nyaǹ mànan kɛn n bɔlɔ-a, bɛn goon dinsɔɔ̃ n ka a gàã yoo ma li.

Loe kɔɔ̃n kɔɔ̃n 5:11

A mìi n sana yoreen lɛa. A mìi ka n pɔsiaã, tì biribiri, ka zankoo bɛ́ lɔn.

Loe kɔɔ̃n kɔɔ̃n 5:6

Má kiɛnlɛ bũ ma din foo dùũ wɔ lɛ nɛ, sɛnɛ á woo, a bii-a doo wa. Ma gɔ̀nɔn yii nə́ n si ma la, má ga li, man na a-n wa. Má lɛ dia la, a ma lɛ si wa.

Loe kɔɔ̃n kɔɔ̃n 6:9

Sɛnɛ ma yii li, lɔ lɛ n goon toto kanaa, bɛ n ka maa kɔnbɔlɔn kɛ nɛ, bɛ n ka maa yii màn kɛ nɛ. A din nə ǹ dan a nɛlɔ lɛa, a sii n kɔɔ̃nɛ a yɛ ǹ dan lɛ-a. Bɛ̀ nɛlɔ kɔsɔn nə́ yɛ ǹ yɔrɔ-a, mà asɛ wɔ bǐɛ̃ kɔ! Kii a kɔn wɔ ǹ lɔn nɛ, ka a lɔ kɔsɔn nɛ, bɛn maǹ na a laakalɛɛ kɛnɛn:

Loe kɔɔ̃n kɔɔ̃n 7:9

Má pɛ ma din gɔ́ɔ̃ nɛ: máa yǎa ma dii sèwo da kɛ la, man gɔn diɛ a nɛ ganaa. N nyɔn kɛn die n lùlùù kɔ ma gɔn, ka *rezɛ̃ da nɛ bɛ́ lɔn. Piɛ̃ mɛn bɛ́ soe n lɛ-n, bɛ gìĩn kɔɔ̃nɛ ka da nɛ kɔɔ̃n gìĩ bɛ́ lɔn.

Loe kɔɔ̃n kɔɔ̃n 8:7

Mu dadaran ba boe kɔn-narɛɛ a tɛ kɛ la, ǹ nimi wa. Tà mun ba boe la ǹ bii wa. Ta min mɛn nə n gɔn màn tumaa siɛ, mà a na a lonkoe ka kɔn-narɛɛ nɛ, a min kɔn din yii wa.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 52:14

Min mɛn tumaa yɛ, nyɛ́ɛ nə́ ǹ tumaa kũ. A giala, a yɔrɔ nə́ n bɔyaa á la yii ni. A minbuiin nɛ a kɔnboe lɛa doo wa.

Zakarii 4:1

Lon a dia dí-a wole mɛn lɛ da boo da ma nɛ, á wusoo á daa ma bũ ka min bɛ́ nyuù-n lɔn.

Matiə 7:8

A giala, min mɛn bɛ́ màn nyankoe Lawa la, Lawa á re màn koe bɛa dɛnaa la. Min mɛn bɛ́ giɛ màn li Lawa li, bɛa dɛnaa á die màn yii. Min mɛn dɔ bɛ́ kiɛnlɛ dii, Lawa á die kiɛnlɛ buĩ bɛa dɛnaa nɛ.

Matiə 8:17

A ná a zɛnaa màn mɛn bɛ́ toɛ Lawa a boo gii-dali Izayii boo mɛn da, bɛ lɛ lɛ pã: «Wɔ dinin busun man nə́ goã a mìi ni, a na á wɔa fuun si a din ganaa.»

Marki 1:35

Bɛ lɛ a lɛawaa, baayɛlɛ yiisoon ne, bɛ̀ wɔlɔ bɛ́ tɔn tì, Yezu yoo á woo Lawa nyankɔ don.

Luku 22:44

Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]

Luku 6:12

Bɛa biikoo kɛ lɛ li, Yezu woo Lawa nyankɔ kele mìi ni, á Lawa nyankɔ ka tèlò tumaa nɛ.

Luku 9:32

Piɛrɛ laanka ǹ miãn man nə́ goã nyuù we taãn-taãnɛ. Sɛnɛ, ǹ yii bɛ́ á kaa ǹ nə́ Yezu a siĩnbaa kɛ yɛ ka min paa lɛ nɛ a li.

Zaã a sɛ́wɔ 10:4

Bɛ̀ á soo ka ǹ tumaa nɛ ǹ mɛn waáraa, a n miɛ ǹ nyɛɛnɛ, ǹ dɔn man koe a kio lɛ, a giala, ǹ tá a lɛn doɛ̃.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.

Sii-nyaan 3:4

«Ka bɛ tumaa nɛ, min tɛnɛn tá tɔn Sardə, ǹ tɔ́n *gɔ̀ sii kɔ́n zɛnaa ǹ nə́ n dinin tii-n wa. Bɛn tá re goɛ̃ kun ka ma nɛ, biikoo tumaa li ka mɔnaa fufun ni ǹ ganaa, a giala mà ǹ tá kɔnboe ne.