Loe kɔɔ̃n kɔɔ̃n 4:4 - LAWA A BOO SONBORE

⁴ N wìi n siĩni ka Davida a sanabolo kɛ bɛ́ lɔn. N bɔlɔ-a ǹ gii kɛn man a ganaa ka góoro gigiã bɛ́ lɔn. N bɔlɔ-a ǹ gii n zɔɔzaa, n bɔlɔ ganaa, ka zia-baali zanbian ǹ góoro ne.

LAWA A BOO SONBORE 2011

⁴ N wìi n siĩni ka Davida a sanabolo kɛ bɛ́ lɔn. N bɔlɔ-a ǹ gii kɛn man a ganaa ka góoro gigiã bɛ́ lɔn. N bɔlɔ-a ǹ gii n zɔɔzaa, n bɔlɔ ganaa, ka zia-baali zanbian ǹ góoro ne.

Loe kɔɔ̃n kɔɔ̃n 4:4 Iomraidhean Croise

Samayeli2 1:21

Gilboa kelen lɛn, pele nyan kɔ ka la doo wa, la nyan kaa ka la doo wa. Wuru nyan yɛ walan doo, ǹ màn lɛ bibinaa bɔ a-n wa. A giala, walan lɛ nɛ, zia-baalin goóro *gɔ̀ baa. Sayulu a goóro ke, nyɔɔ goã n loe a ganaa wa,

Samayeli2 22:51

Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

Nehemii 3:19

A dɔ genli, Zozoe a nɛgiĩ Ezɛɛrɛ ke Mispaa kiwi a kii lɛa bɛ dɔ goã kungɔn lɛ a paǹ kɔsɔ zɛnɛɛ. Bɛ̀ n tá woe ziabaa ǹ mànan koa ǹ kion kɛ nɛ, bɛa bǎã lɛ tá n yɔrɔ-a kungɔn lɛ a gùrù pusu ǹ bǎã nɛ.

Loen 144:12

Toa wɔa nɛgiĩn kɛn nə goã ka dan manɛ, ǹ yoo tán waáraa gɔrɔ, ǹ too pololo pololo. Toa wɔa nɛlɔn nə siĩn kɔ ka bìbìn bɛ́ lɔn, ǹ bɛ́ ǹ nə́ bìbìn mɛnɛn nyaǹ kɔ kiin kion.

Loe kɔɔ̃n kɔɔ̃n 1:10

Too kaaranan kɛn nə́ na n ganaa, bɔlɔ ganaa ǹ giin kɛn nə́ n wìi si.

Loe kɔɔ̃n kɔɔ̃n 7:4

N nyɔ màn paa ke, bɛn maǹ ka yuùn nɛ màn paa bɛ́ lɔn, ǹ dan nə́ ǹ yɛ bɛlɛmanan lɛa.

Loe kɔɔ̃n kɔɔ̃n 7:5

N wìi n paraa nɛ, pepere, ka sanabolo siĩn bɛ́ lɔn. N yii nànan man ka Ɛsibɔn a pɛrɛn kɛn mu bɛ́ lɔn, kunu Bati-Rabimu a wɔ ǹ kiɛnlɛ ganaa. N nyin gòã n pɔrɔɔ nɛ, ka Liban a sanabolo kɛ bɛ́ lɔn, a yɔrɔ ń dia-n Damaasi kiwi la.

Loe kɔɔ̃n kɔɔ̃n 8:10

Masɛ, man kungɔn lɛa. Ma nyɔn kɛn man sanabolon lɛa. Bɛ lɛ n ke á giɛ ma-a, mà ma din na asɛ wɔ bǐɛ̃ koe.

Misee 4:8

Nsɛ Siɔn kele lɛ, maa zaman kɛa daa ǹ bǎã, Zeruzalɛmu kiwi a lɛduə̃ ǹ bǎã, n lɛlɛ a pàã lɛ á re wusii a dɔ n-a, kiibaa lɛ á re wusii a da Zeruzalɛmu kiwi.»

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.