Loe kɔɔ̃n kɔɔ̃n 4:3 - LAWA A BOO SONBORE

³ N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

LAWA A BOO SONBORE 2011

³ N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

Loe kɔɔ̃n kɔɔ̃n 4:3 Iomraidhean Croise

Siin Giala 32:10

Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Ɛsidrasi 9:6

má pɛ nɛ: – Maa Lawa, ma yiri lɔlɔkɔnmaa nɛ. E maa Lawa, sìi dɔ n ma ganaa man yɔrɔ saa ma dia n la. A giala, wɔa sãn lɛn nə́ kaa kɔn la wɔ mìi ni, wɔ zɛ̀rɛ dɔ gole kɔ yǎa á dɔ lon.

Loen 119:13

N sii yɔrɔ bɔ ǹ boon kɛn, má ǹ tumaa pɛ ka ma lɛ nɛ.

Loen 37:30

Min sonbore n sii-doɛ̃ boo diɛ, peperebaa ǹ boon n soe a lɛwɔn la.

Loen 45:2

Boo sonbore ma gɔ́ɔ̃ pã, man die loe loe ma kii tɔ bɔ nɛ. Toa ma lɛwɔn lɛ bɔ li, ka sɛ́wɔ-kiɛ̃li sonbore a sɛ́wɔ kiɛ̃ ǹ màn bɛ́ lɔn.

Suusun 10:13

Yiridɛnaa n sii-doɛ̃ boo diɛ. Sɛnɛ min mɛn bɛ́ yiriwɛɛnaa lɛa dɔ̀rɔ̀ wuu n die boe bɛ ganaa.

Suusun 31:26

A n boo diɛ ka sii-doɛ̃ nɛ, a n doroo koe ka foo basiɛ̃ nɛ.

Loe kɔɔ̃n kɔɔ̃n 1:5

Zeruzalɛmu nɛnɛn lɛn, masɛ gɔ̀nɔn nə tì birəəne, sɛnɛ ma á siĩni. Kedaara minin kionən kɛn, ma gɔnɔn lɛ n tì birəə miɛ̃. A laanka bɛ yii ni, masɛ n siĩni, ka Salomɔn a kion mɔnaa nyaǹ dɛnan kɛn bɛ́ lɔn.

Loe kɔɔ̃n kɔɔ̃n 4:11

Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Loe kɔɔ̃n kɔɔ̃n 5:16

A sɔɔ min ni n nɔnɔɔ, ka min na a dinmaa tumu saa n mui. Zeruzalɛmu nɛlɔn lɛn, ma din foo dùũ wɔ lɛ n ka bɛ nɛ, maa paa ǹ wɔ lɛ n ka bɛ nɛ.

Loe kɔɔ̃n kɔɔ̃n 6:7

N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

Loe kɔɔ̃n kɔɔ̃n 7:9

Má pɛ ma din gɔ́ɔ̃ nɛ: máa yǎa ma dii sèwo da kɛ la, man gɔn diɛ a nɛ ganaa. N nyɔn kɛn die n lùlùù kɔ ma gɔn, ka *rezɛ̃ da nɛ bɛ́ lɔn. Piɛ̃ mɛn bɛ́ soe n lɛ-n, bɛ gìĩn kɔɔ̃nɛ ka da nɛ kɔɔ̃n gìĩ bɛ́ lɔn.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Lawa a wúlu-bɔlen 14:4

a gɔ̀ bɔma-a taman yii, wúlu-bɔle lɛ pɛ, mà ǹ da ka mànan kɛn nɛ: bàan yiikoonaa màn paa, ǹ mɛnɛn bɛ́ yoreene, *sɛdrə da kɛa gɔn nɛ, sère ka tã zenzen ne, ka *izopi da gùrù ni.

Lawa a wúlu-bɔlen 14:6

Bɛ kio, ǹ bàan yiikoonaa lɛ kũ, a sɛdrə da gɔn lɛ saa, ka gɛ̀sɛ tã zenzen lɛ laanka izopi gùrù lɛ nɛ. A bàan mɛn bɔlɔ kuru mu yoreen lɛ lalan, a bɛa mànan lɛ sã bɛ mà li, kun ka bàan yiikoonaa lɛ nɛ.

Minin nimi 19:6

Lawa a wúlu-bɔle lɛ die a *sɛdrə da gɔn saa, ka *izopi gùrù laanka gɛ̀sɛ tã bonbon ne, dii dan lɛ bɛ́ kuĩ tɛ mɛn nɛ, a ǹ kaa bɛ nɛ.

Minin nimi 4:8

Bɛ kio, ǹ mɔnaa tã bonbon kɔ a tumaa lɛ, ka siĩ ki kəkə ne, ǹ tabala lɛ a saa ǹ bàlàn kaa a ganaa.

Matiə 12:35

Boo sonbore n boe min sonbore lɛ-n, boo baraa n boe min baraa lɛ-n.

Luku 4:22

Min din tumaa na á goã Yezu laakalɛɛ. Bɛa Lawa a bǐɛ̃baa ǹ boo kɛ kaãbaa da min tumaa ganaa. Sɛnɛ, bɛa boo kɛ a bɔ asɛ lɛ-n kɛ lɛ na á ǹ tɔwaa. Maǹ nə́ goã pii kɔn nɛ mà Zozɛfu a nɛ kɛ lɛ bie wa?

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Kolɔɔsi minin 4:6

Ka toa kaa boo goã boo sonbore lɛa biikoo tumaa li, á n kɔɔ̃nɛ, ka bɛ dɔ nɛ, ka min gogoonmaa lɛ si sɔnbɔraanɛ.

Ebrəə 9:19

Muizu bɛ́ á Dí-pɛn lɛn gogoonmaa pɛ minin lɛn manɛ ǹ mɛn waáraa, a na á diin nɛn laanka butumun mà saa, á mu kaa li, *izopi luu mɛn bɛ́ yii-n ka gɛ̀sɛ tã nɛ, á bɛ sã li, á pɛpɛsɛ̃ Lawa a Boo Sɛ́wɔ lɛ laanka zaman lɛ ganaa.

Zozoe 2:18

Haya, bɛ̀ wɔ wɔ gána lɛ nɛ ǹ mɛn waáraa, fənɛtərə kɛ lɛ ń wɔsɛn gisĩ li, biɛ nàn tiɛɛ̃n kɛ yii bɛ ganaa. N di laanka ǹ dan nɛ, ǹ dɔɔ̃nɔn nɛ ka ǹ di kion minin tumaa nɛ, n bɛn lɛ sɔkɔn n din li kion lɛ nɛ.