Loe kɔɔ̃n kɔɔ̃n 1:4 - LAWA A BOO SONBORE

⁴ Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

LAWA A BOO SONBORE 2011

⁴ Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Loe kɔɔ̃n kɔɔ̃n 1:4 Iomraidhean Croise

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 119:32

Man baa sii n dí-pɛn kɛn kio, a giala ń ma yiri bũ.

Loen 119:60

Ma nə n nanaɛ ma tá n dí-pɛn kɛn tamaɛ. Ma ba n lɔloɛ ǹ li wa.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 48:9

Wɔ goã wɔ́ màn mɛn ma, wɔ́ yɛ ka wɔ yii ni, Dɛnaa Lawa Pàãyiidɛnaa a kiwi kɛ nɛ, wɔa Lawa a kiwi kɛ nɛ, bɛ n ka kɛ nɛ: Lawa á die tamaɛ yǎa duduu.

Loen 63:5

Man die barka diɛ n nɛ maa yiikoonaabaa tumaa gɔ́ɔ̃ nɛ. Man die ma gɔnɔn goɛ lon, ma n din nyankɔ.

Loe kɔɔ̃n kɔɔ̃n 3:4

Ma din bɛ́ má ǹ na boɛɛn lɔn gɔrɔ, min mɛn lɛ bɛ́ kɔɔ̃n ma-a, bɛ̀ bɛ á ke má kaa lɛ. Má kũ, ma a n gɔn boe-a doo wa, yǎa ma woo we ne ma dan a kion, maa yɛ ǹ dan a waa ǹ kion.

Loe kɔɔ̃n kɔɔ̃n 4:10

Miãnɛn, maa nɛniɛ, n kɔn-narɛɛ á kɔɔ̃nɛ á la yii ni, n sɔɔ min ni á kɔɔ̃nɛ á la duvɛ̃ nɛ. N nyɔɔ gìĩ á kɔɔ̃nɛ, á la nyɔɔ gìĩ kɔɔ̃n tumaa nɛ.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Izayii 63:7

Man ka yiri gisĩ Dɛnaa Lawa a bǐɛ̃ nɛ, ka sii mɛnɛn bɛ́ re ka diɛ a tɔ laakalaa ganaa: A sii mɛn tumaa zɛnaa wɔ nɛ, a bǐɛ̃ gole mɛn baa Izirayeli a zaman nɛ, a màn mɛn tumaa zɛnaa a kɔn-narɛɛ gole kɛ gɔ́ɔ̃ nɛ, ka a bǐɛ̃ damata kɛ nɛ á zɛnaa.

Zeremii 31:3

Zaman lɛ na á goã pii: «Dɛnaa Lawa nə́ n din nyaa wɔ nɛ tiã lɛ-a.» Ǹ lɛ si kɛnɛn: Man ka narɛ ka kɔn-narɛɛ nɛ, kɔn-narɛɛ mɛn nə́ ke a nyɛɛ duduu wa. Bɛ lɛ nɛ, ma á n gɔn parɛɛ ka ganaa.

Ozee 11:4

Má kũ má mɔrɔ ma ganaa ka foo basiɛ̃ nɛ, a giala, kɔn narɛ wɔ doa kɔn. A wɔ paǹ li man má goã ka min bɛ́ a nɛnyaan siɛ bɛ̀ a naa a pàã ganaa. Man má goã n zumii bɛ̀ ma màn-bii kɔ la.

Sofonii 3:14

LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 25:10

Baãnaan lɛn bɛ́ nyɔɔ pii ǹ bǎã nɛ, lɔ tii ǹ zuũ lɛ daa ǹ kio. Nɛniɛ sooro mɛn bɛ́ ǹ nə́ n yii toa koo, bɛn nə́ kaa kun ni kɔn wɔ ǹ kion, ǹ nə́ kiɛnlɛ kũ ǹ nə́ sɔɔ.

Luku 2:10

Lon a dia dí-a wole lɛ mà ǹ ganaa: «Ka baran nyɛ́ɛ baa wa! Á ke, masɛ n má daa boo kɔɔ̃n pɛ ka nɛ, màn mɛn nə́ die gána kɛ a minin tumaa foo kɔɔ̃n koe parsiini.

Luku 22:19

Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Zaã a sɛ́wɔ 12:32

Bɛ̀ ǹ nə́ masɛ saa lon ǹ nə́ ma bɔ tán biikoo mɛn li, ma á die min tumaa bíi ma da nɛ ma din li.»

Zaã a sɛ́wɔ 6:44

Min kɔ́n ba boe la a da masɛ li a din ganaa wa, maa Díi mɛn ma dia, yǎa bɛ lɛ diɛ zii. Ma dɔ á re bɛa dɛnaa yii kiɛ kanaa a nya pinaa.

Efɛɛzi minin 2:6

Wɔa tá kun ka Yezu Krita-n lɛ a lɛa, Lawa wusoo á yiikoonaabaa kɔ wɔ la kun ka a din ni, mà wɔ die wɔ boo la, wɔ goã pàã la kun ka a din ni lon.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,