Loe kɔɔ̃n kɔɔ̃n 1:3 - LAWA A BOO SONBORE

³ á soɛ n nyɔɔn kɛn gìĩ ni. N tɔ nə́ n da wɔlɔ la ka nyɔɔ gìĩ kɔɔ̃n bɛ́ lɔn. Bɛ lɛ din taãn nə ke toɛ, nɛnɛn yii á boe n li.

LAWA A BOO SONBORE 2011

³ á soɛ n nyɔɔn kɛn gìĩ ni. N tɔ nə́ n da wɔlɔ la ka nyɔɔ gìĩ kɔɔ̃n bɛ́ lɔn. Bɛ lɛ din taãn nə ke toɛ, nɛnɛn yii á boe n li.

Loe kɔɔ̃n kɔɔ̃n 1:3 Iomraidhean Croise

Loen 133:2

A n ka nyɔɔ gìĩ kɔɔ̃n kɛ bɛ́ lɔn, bɛ̀ ǹ kaa Aarɔn mìi ni, bɛ̀ a gisĩ a mìi ni, a wo a lɛtoro ka yaa, bɛ̀ a gisĩ a lɛtoro ka ganaa, a wo a dɔnkɛ wìi yaa.

Loen 45:14

Siĩnbaa kii a lɔ kɛ gɔ̀nɔn bɔ kii a kion, a mɔnaa lɛ n sana lɛa, tɛ pii yoloyolo.

Bɔ bɛ̀rɛbaa nɛ 33:12

Muizu pɛ Dɛnaa lɛ nɛ: «Á ke, n din nə ń pɛ masɛ nɛ, mà ma wo ka zaman kɛ lɛ nɛ. Sɛnɛ, n bɛ́ re min mɛn diɛ kun ka masɛ nɛ dɔmalɛ wole lɛa, n bɛ nyaa ma-n wa. A da yaa, n din dɔ nə ń goã ń pɛ mà n tá ma doɛ̃ ka ma tɔ nɛ, mà ma kɔɔ̃n kɔ n ganaa.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Suusun 27:9

Nyɔɔ laanka màn gìĩ kɔɔ̃n nə foo kɔɔ̃n koe. Giaára a sonborebaa á soɛ n din doroo ǹ boon kɛn manɛ.

Boo-laakalaali 7:1

Tɔ sonbore á soɛ nyɔɔ gìĩ kɔɔ̃n sonbore ne. Min a gɛ̀ pinaa á soɛ a yɛ pinaa nɛ.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Loe kɔɔ̃n kɔɔ̃n 4:10

Miãnɛn, maa nɛniɛ, n kɔn-narɛɛ á kɔɔ̃nɛ á la yii ni, n sɔɔ min ni á kɔɔ̃nɛ á la duvɛ̃ nɛ. N nyɔɔ gìĩ á kɔɔ̃nɛ, á la nyɔɔ gìĩ kɔɔ̃n tumaa nɛ.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Loe kɔɔ̃n kɔɔ̃n 5:5

Má yoo máa man kiɛnlɛ buĩ ma din foo dùũ wɔ lɛ nɛ. Ma bɛ́ kiɛnlɛ lɛ kuĩ a kũ ǹ bǎã ganaa, bɛ̀ ma gɔnɔn man *miíri nyɔɔ gìĩ kɔɔ̃n lɛa.

Loe kɔɔ̃n kɔɔ̃n 6:8

Lɔ pɔsɔrɔ á boe la a goã kii lɛ lon dinin, a lɔ kɔsɔn dɔn nə dɔ pɔkiwisi, a nɛnɛn nə́ n ba n nimii wa.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Matiə 25:1

Bɛ̀ Lawa ná a kiibaa ǹ dí lɛ nya a ná a lɛ pã ǹ mɛn waáraa, a kɔnbɔ ǹ sii n ka kɛ nɛ: Nɛniɛ fù kɔ́n nɛ, ǹ nə́ bólonən goa, mà ǹsɛn man woe n diɛ lɔ tii ǹ zuũ lɛ.

Zaã a sɛ́wɔ 12:3

Mariya donkolon kɔ́n saa á daa nɛ. Nyɔɔ gìĩ kɔɔ̃n ná a nɛ, a giɔ̀mɔ n kaka parsiini, a yii n ka yoreen yoreen, a n zɛnaa ka da mɛn yon ne, a tɔ n naára. Á bɛa nyɔɔ lɛ kaa Yezu gòãn ganaa, á ǹ tuturu ka a din mìi ka nɛ. A gìĩ kion lɛ gɔ́ɔ̃ tumaa si á n kɔ lɛ.

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.