Samayeli2 9:7 - LAWA A BOO SONBORE

⁷ Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

LAWA A BOO SONBORE 2011

⁷ Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Samayeli2 9:7 Iomraidhean Croise

Siin Giala 43:18

Ǹ bɛ́ ǹ nə́ wɔ ǹ nɛ Zozɛfu a kion, nyɛ́ɛ nə́ ǹ kũ. Maǹ nə́ goã pii: «Ǹ wɔrɔ mɛn kaa wɔa belee boroon ne, wɔa da lɛlɛ lɛ li, bɛ lɛ a boo ne. Maǹ nə́ daa ka wɔ nɛ, màn mɛn bɛ́ toɛ, ǹ fuu nyaa wɔ nɛ, ǹ yoo wɔ gialaa, ǹ wɔ dɛ ka bɛ̀rɛn bɛ́ lɔn, ǹ wɔa dundunun kɛn si.»

Siin Giala 43:23

Giĩ lɛ tɔ́n pɛ ǹ nɛ: «Ka baran n dinin yiri lɔlɔkɔn wa, ka baran nyɛ́ɛ baa wa. Ka dinin Lawa, ka digolon Lawa na á naforo kaa kaa belee boroon lɛn nɛ. Kaa wɔrɔ lɛ dɔ ma li.» Bɛ kio, á Simiɔn bɔ á kɔ ǹ la.

Samayeli2 12:8

Má n dɛnaagiĩ Sayulu a kion kɔ n la, má a lɔn kɛn wɔ n gɔn. Má n koa Izirayeli minin kɛn laanka Zudaa minin kɛn mìi la. Bɛ̀ bɛ n kiɛrɛ, bɛ̀ má wusoo má bɛ miã kɔsɔ da li.

Samayeli2 19:28

Maa dí-nyali lɛ na á daa ma pɔpɔsɛ maa dɛnaagiĩ kii li. Sɛnɛ, maa dɛnaagiĩ kii n goon ka lon a dia dí-a wole ne. Sii mɛn bɛ́ kɔɔ̃n a din ganaa, a n bɛ zɛnɛɛ.

Samayeli2 19:29

Sonbore ne, maa dɛnaagiĩ kii wɔ paǹ li, ma di kion minin kɛn tumaa bii, min kɔn din yii doamaa bie a goã koo wa. Ka bɛ tumaa nɛ, min mɛnɛn bɛ́ màn bii n goo la, ń lɛ kɔ ń masɛ da kun ka bɛn nɛ. Man die pii kii-n doo, yǎa a wàa mɛn sii zɛnɛɛ masɛ nɛ, a kiɛ̃ bɛ la?»

Samayeli2 19:33

Barzilayii goã á zizi kɔ parsiini. A lɛ̀ pɔkiwisi ni. A din na á goã á ga kii lɛ walan, bɛ̀ a bɛ́ Mahanayimu ǹ mɛn waáraa. A giala, gɔn màn gigiã goã Barzilayii lon.

Samayeli2 21:7

Sɛnɛ, kii Mefibosɛti toa walan. Sayulu a nɛ Zonaatan a nɛgiĩ ni. Davida liɛ mɛn wɔ ka Dɛnaa Lawa tɔ nɛ, mà giaáraabaa n die goɛ̃ asɛ laanka Sayulu a nɛgiĩ Zonaatan bii, bɛ lɛ a lɛa nɛ, á Mefibosɛti toa walan.

Samayeli2 9:1

Ǹ kɔn pinaa, Davida nɔ̀n da: «Min tá tɔn yii Sayulu a kion a yii n koo má n boe la ma bǐɛ̃ zɛnaa nɛ, Zonaatan taman yii?»

Samayeli2 9:10

N din ni, n nɛgiĩn ni ka n bɛ̀rɛgiĩn ni, ka á re tán kɔsɛ, bɛ̀ màn mɛn yɛ a nɛ ka da bɛ kɔ kaa dɛnaagiĩ a nɛgiĩ lɛ la, a boo la a n din too ne. Ka bɛ tumaa nɛ, n dɛnaagiĩ a nɛgiĩ Mefibosɛti á die màn bii kun ka masɛ nɛ biikoo tumaa li.» Bɛ á zɛnɛɛ bɛ̀ nɛgiĩ fulusooro n Siibaa lon, ka bɛ̀rɛgiĩ fuə ne.

Samayeli2 9:11

Siibaa tɔ́n pɛ kii ni: «Dɛnaagiĩ, n màn mɛn tumaa pɛ masɛ nɛ, ma á re bɛ zɛnɛɛ.» Ka n pɛ lɔn, Mefibosɛti lɛ á die goɛ̃ bɛ̀ a màn bii kunun n ni, ka n pɛ mà n din a nɛgiĩ goon ne.

Samayeli2 9:13

Mefibosɛti na á goã simii a gòãn paanan la, bɛ lɛ na á toa á goã giã-n Zeruzalɛmu, màn mɛn bɛ́ toɛ, a boo la a màn bii kun ka kii ni biikoo tumaa li.

Samayeli2 9:3

Kii lɛ tɔ́n nɔ̀n da: «Min na a ba Sayulu a kion lɛ-n doo, masɛ bǐɛ̃ zɛnaa nɛ, a kaa Lawa foo la wa?» Siibaa tɔ́n pɛ kii ni: «Zonaatan a nɛgiĩ goon tá tɔn a tan, ǹ mɛn lɛ bɛ́ a gòãn paanan nə́ ziziɛ̃.»

Kiin1 2:7

Sɛnɛ, Galaati min Barzilayii a nɛgiĩn lɛn sɛn, bɛn kũ doɛ̃, n toa ǹ goã n gɔn yɔrɔ bǐɛ̃ li. A giala, ma bɛ́ baa sii n dɔɔ̃ngiĩ Abusalɔn nyɛɛnɛ ǹ mɛn waáraa, maǹ nə́ daa n da ma lɛ.

Kiin2 25:29

Kòso mɔnaan mɛnɛn nə goã Zoakini ganaa, Evili-Merodaaki bɛn lon kɔ. Bɛ kio, Zoakini goã màn bii kun ka kii lɛ-n miɛ̃ duduu a yiikoonaabaa tumaa gɔ́ɔ̃ nɛ.

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Zeremii 52:33

Zoakini ná a kòso nɛ mɔnaa bɔ á bɔ a din ganaa, á goã màn bii kun ka kii-n miɛ̃ baraabaraa a yiikoonaabaa tumaa gɔ́ɔ̃ nɛ.

Zakarii 7:9

«Dɛnaa Lawa Pàãyiidɛnaa n ke pii: Ka kiri pepere wɔ, ka goã min sonboren lɛa, kɔn-narɛɛ n ka bii.

Matiə 6:11

Wɔa pelo a màn-bii kɔ wɔ la.

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!

Samayeli1 20:15

ta Dɛnaa Lawa n Davida a zɔ́ɔn bɔnbiɛ gogoon, ǹ boe tán kɛ la, n baran n bǐɛ̃ lɛ goa maa kion minin ganaa wa.»

Samayeli1 22:23

Nyɛ́ɛ baran n kũ wa, giã kun ka masɛ nɛ. Min mɛn bɛ́ re giɛ li, a n nyin bɔ, a n goon ka ǹ dɛnaa giɛ li a masɛ dɔ wɔ bɔ. Bɛ̀ n tá masɛ genli, n ta re goɛ̃ tamaa nɛ sɔnbɔraanɛ.»