Samayeli2 9:10 - LAWA A BOO SONBORE

¹⁰ N din ni, n nɛgiĩn ni ka n bɛ̀rɛgiĩn ni, ka á re tán kɔsɛ, bɛ̀ màn mɛn yɛ a nɛ ka da bɛ kɔ kaa dɛnaagiĩ a nɛgiĩ lɛ la, a boo la a n din too ne. Ka bɛ tumaa nɛ, n dɛnaagiĩ a nɛgiĩ Mefibosɛti á die màn bii kun ka masɛ nɛ biikoo tumaa li.» Bɛ á zɛnɛɛ bɛ̀ nɛgiĩ fulusooro n Siibaa lon, ka bɛ̀rɛgiĩ fuə ne.

LAWA A BOO SONBORE 2011

¹⁰ N din ni, n nɛgiĩn ni ka n bɛ̀rɛgiĩn ni, ka á re tán kɔsɛ, bɛ̀ màn mɛn yɛ a nɛ ka da bɛ kɔ kaa dɛnaagiĩ a nɛgiĩ lɛ la, a boo la a n din too ne. Ka bɛ tumaa nɛ, n dɛnaagiĩ a nɛgiĩ Mefibosɛti á die màn bii kun ka masɛ nɛ biikoo tumaa li.» Bɛ á zɛnɛɛ bɛ̀ nɛgiĩ fulusooro n Siibaa lon, ka bɛ̀rɛgiĩ fuə ne.

Samayeli2 9:10 Iomraidhean Croise

Samayeli2 16:3

Kii tɔ́n nɔ̀n da la: «N dɛnaagiĩ Sayulu a nɔ̀ɔn Mefibosɛti lɛ á maa?» Siibaa kii lɛ si: «Á ke, a na á giã Zeruzalɛmu. A giala, a n taasɛ mà pelo, mà Izirayeli minin lɛn tá re asɛ digole Sayulu a kiibaa lɛ koe asɛ la.»

Samayeli2 19:18

Bɛnzamɛn tɔrɔn kɛn min duu goon (1 000) na á goã kun ni, ka Sayulu a kion dí-nyali Siibaa kɛ nɛ. Siibaa a nɛgiĩ fulusooro laanka a dí-nyali fuə dɔ́ goã kun ni. Bɛn nə́ n nanaa ǹ nə́ dɔ Zurdɛ̃ tà lɛ-a kii nyɛɛnɛ.

Samayeli2 19:28

Maa dí-nyali lɛ na á daa ma pɔpɔsɛ maa dɛnaagiĩ kii li. Sɛnɛ, maa dɛnaagiĩ kii n goon ka lon a dia dí-a wole ne. Sii mɛn bɛ́ kɔɔ̃n a din ganaa, a n bɛ zɛnɛɛ.

Samayeli2 21:7

Sɛnɛ, kii Mefibosɛti toa walan. Sayulu a nɛ Zonaatan a nɛgiĩ ni. Davida liɛ mɛn wɔ ka Dɛnaa Lawa tɔ nɛ, mà giaáraabaa n die goɛ̃ asɛ laanka Sayulu a nɛgiĩ Zonaatan bii, bɛ lɛ a lɛa nɛ, á Mefibosɛti toa walan.

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Kiin1 2:7

Sɛnɛ, Galaati min Barzilayii a nɛgiĩn lɛn sɛn, bɛn kũ doɛ̃, n toa ǹ goã n gɔn yɔrɔ bǐɛ̃ li. A giala, ma bɛ́ baa sii n dɔɔ̃ngiĩ Abusalɔn nyɛɛnɛ ǹ mɛn waáraa, maǹ nə́ daa n da ma lɛ.

Kiin2 25:29

Kòso mɔnaan mɛnɛn nə goã Zoakini ganaa, Evili-Merodaaki bɛn lon kɔ. Bɛ kio, Zoakini goã màn bii kun ka kii lɛ-n miɛ̃ duduu a yiikoonaabaa tumaa gɔ́ɔ̃ nɛ.

Zeremii 52:34

Bɛa yɔrɔ lɛ la, Zoakini laadoo goã màn mɛn tumaa ganaa baraabaraa a yiikoonaabaa tumaa gɔ́ɔ̃ nɛ, Baabiloniin kii bɛ tumaa kɔ la yǎa á woo kaa a gɛ̀ lɛ.

Luku 14:15

Bɛa boon kɛn lɛn ma kio, giĩ goon kɔ́n dɔ n màn bii ǹ bǎã lɛ nɛ, bɛ́ pɛ Yezu ni mà min mɛn bɛ́ re goɛ̃ *Lawa a kiibaa ǹ bǎã a màn bii ǹ bǎã kɛ nɛ, barka á re n diɛ bɛ ganaa.