Samayeli2 9:1 - LAWA A BOO SONBORE

¹ Ǹ kɔn pinaa, Davida nɔ̀n da: «Min tá tɔn yii Sayulu a kion a yii n koo má n boe la ma bǐɛ̃ zɛnaa nɛ, Zonaatan taman yii?»

LAWA A BOO SONBORE 2011

¹ Ǹ kɔn pinaa, Davida nɔ̀n da: «Min tá tɔn yii Sayulu a kion a yii n koo má n boe la ma bǐɛ̃ zɛnaa nɛ, Zonaatan taman yii?»

Samayeli2 9:1 Iomraidhean Croise

Samayeli2 1:26

Ma dɔɔ̃n Zonaatan, ma foo ziziɛ̃maa-n parsiini n din a lɛa. N sii goã kaka ma ganaa á la yii ni. N giaárabaa lɛ na á goã kaãbaa diɛ ma ganaa. Á goã siĩni á la giĩ a lɔ narɛɛ nɛ.

Samayeli2 21:7

Sɛnɛ, kii Mefibosɛti toa walan. Sayulu a nɛ Zonaatan a nɛgiĩ ni. Davida liɛ mɛn wɔ ka Dɛnaa Lawa tɔ nɛ, mà giaáraabaa n die goɛ̃ asɛ laanka Sayulu a nɛgiĩ Zonaatan bii, bɛ lɛ a lɛa nɛ, á Mefibosɛti toa walan.

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Kiin1 2:7

Sɛnɛ, Galaati min Barzilayii a nɛgiĩn lɛn sɛn, bɛn kũ doɛ̃, n toa ǹ goã n gɔn yɔrɔ bǐɛ̃ li. A giala, ma bɛ́ baa sii n dɔɔ̃ngiĩ Abusalɔn nyɛɛnɛ ǹ mɛn waáraa, maǹ nə́ daa n da ma lɛ.

Suusun 27:10

N nyan nə n na n giaáran ganaa kɔnlɛ ka n di á giaáran nɛ wa. Bɛ̀ nɔmaa tá n mìi ni, n nyan wo n dɔɔ̃n li wa. Miãkɛn sonbore á soɛ dɔɔ̃n mɛn bɛ́ dɔmɔla nɛ.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Marki 9:41

Min mɛn bɛ́ re mu sii paan din ni kooro a kɔ ka la a giala mà ka ǹ masɛ wɔn lɛa, man pii ka nɛ sonbore ne, ǹ dɛnaa ba re foɛ̃ a saraa li wa.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Samayeli1 20:42

Zonaatan pɛ Davida nɛ: «Wo ka là nyantoro ne. Wɔsɛn dinin min paa lɛ-kɔ mɛn wɔ kɔn la ka Dɛnaa Lawa tɔ nɛ, Dɛnaa Lawa die a goã siére lɛa miɛ̃ duduu masɛ laanka n din biin ni, n nɛnyaanan laanka maa nɛnyaanan biin ni!»