Samayeli2 8:15 - LAWA A BOO SONBORE

¹⁵ Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

LAWA A BOO SONBORE 2011

¹⁵ Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

Samayeli2 8:15 Iomraidhean Croise

Samayeli2 15:3

Abusalɔn nə goɛ̃ bɛ̀ a pɛ nɛ: «Ga, n boo lɛ á kɔɔ̃nɛ, sonbore tá n lon. Sɛnɛ, min kɔn na a re yii kii a minin kɛn bii, a n too kɔ n lon wa.»

Samayeli2 20:23

Zoabu na á goã Izirayeli minin lɛn zia-baalin tumaa mìi la. Zoozadaa a nɛgiĩ Benaazaa na á goã Kerɛti minin laanka Pelɛti minin mìi la.

Samayeli2 3:12

Abnɛɛrɛ minin dia Davida li ka a din tɔ nɛ, mà ǹ pɛ-n kɛnɛn: «Gána lɛ n die kɔsɔ wɔ lɛa? Lɛ kɔ kɔn la wɔ ka masɛ nɛ, ma á re n doe n lɛ, ma Izirayeli minin lɛn tumaa bɔyaa ma ǹ kaa kunun n ni.»

Samayeli2 5:5

A bɛ́ Ebrɔn, a na á giã Zudaa minin mìi la lɛ̀ sɔbaa ka mui sɔrɔ. A bɛ́ Zeruzalɛmu, a na á giã Izirayeli minin tumaa laanka Zudaa minin mìi la yǎa lɛ̀ pɔsɔɔwensɔɔ.

Samayeli2 8:14

Á minin bɔ á ǹ koa Edɔmu. A na á ǹ koa Edɔmu minin lɛn tumaa mìi la, ǹ tumaa nə́ n bɔyaa ǹ nə́ Davida a dí-nyalin baa. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Samayeli2 8:16

Seruzaa a nɛgiĩ Zoabu na á goã a zia-baalin mìi la. Ayiluudu a nɛgiĩ Zozafati na á goã sɛ́wɔn-tamaali lɛa.

Kiin1 10:9

Barka á Lawa, Dɛnaa Lawa lɛ ganaa, kɛ lɛ á bǐɛ̃ kɔ n ganaa, á n da Izirayeli a kiibaa la. A giala Izirayeli sii n kɔɔ̃n Dɛnaa Lawa ganaa duduu, bɛ lɛ na á toa á n koa kii lɛa mà n minin sii yɔrɔ bɔ, n sii pepere nya ǹ nɛ.»

Kiin1 4:1

Kii Salomɔn lɛ na á goã kii lɛa Izirayeli gána kuturu mìi la.

KZS1 18:14

Davida giã Izirayeli minin lɛn tumaa mìi la. A na á goã a zaman lɛ tumaa a sii yɔrɔ boe ka peperebaa nɛ, a bɔ kɔnlɛ we wa.

Loen 119:121

Man má kɔ n sii yɔrɔ bɔ ǹ boon kɛn lɛ ka peperebaa nɛ. N nyan ma toa maa bɔ ma yii-n wolen kɛn gɔn wa.

Loen 72:2

Toa a giã n zaman kɛ mìi la ka peperebaa nɛ, a kiri wɔ doobaan ganaa ka telebaa nɛ.

Loen 75:2

Wɔ n barka diɛ n nɛ, Lawa, wɔ n barka diɛ n nɛ, a giala n wɔlɔ á kunu wɔ ganaa. Wɔ nə n kaãbaa da ǹ siin kɛn laakalɛɛ.

Loen 89:14

N din nə kaka, n din nə kaka taãn-taãnɛ, pàã tumaa nə́ n lon.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Amɔɔsi 5:24

Sɛnɛ ka toa kiri kiɛ̃ a zii li ka mu bɛ́ lɔn. Ka toa kaa sii pepere zɛnaa goã ka tà mu bɛ́ lɔn, a ná a nyɛɛ wa.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,

Samayeli1 14:47

Sayulu bɛ́ á pàã saa Izirayeli gána nɛ, a goã zɔ́ɔn mɛnɛn tumaa bii, á zia da bɛn ganaa. Á zia da Moabu gána ganaa, á zia da Amɔn tɔrɔn ganaa. Á zia da Edɔmu ganaa. Á zia da Sobaa a kiin ganaa ka Filisiti minin ni. A goã n boyɛɛ bǎã mɛn din tumaa li ka zia nɛ, á goã boe ǹ la.