Samayeli2 7:8 - LAWA A BOO SONBORE

⁸ Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

LAWA A BOO SONBORE 2011

⁸ Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

Samayeli2 7:8 Iomraidhean Croise

Samayeli2 12:7

Natan tɔ́n pɛ Davida nɛ: – Giĩ mɛn bɛa sii lɛ zɛnaa, n din ni. Dɛnaa Lawa mɛn bɛ́ Izirayeli minin Lawa lɛa, bɛa da ǹ boo n ka kɛ nɛ: «Ma din ni má n bɔ má n koa Izirayeli minin kii lɛa, ma din ni má n si kii Sayulu la.

Samayeli2 14:13

Lɔ lɛ tɔ́n pɛ nɛ: – Wàa na á baa, n tá bɛ miã sii kɛa taasiɛ we Lawa a zaman wɔ paǹ li. N boo mɛn da sisia ke, a n goon ka ma nə n din a sã pii. A giala, n min mɛn na ń bɔ n din ganaa, ń wusoo ń lɛ dia la wa.

Samayeli2 23:1

Davida n Zesee a nɛgiĩ lɛa, a n min lɛa Lawa koa gole. Zakɔba a Lawa lɛ na á bɔ á koa kii lɛa. Izirayeli minin bɛ́ loe kɔɔ̃nɔn mɛnɛn loe, a din na á bɛn bɔ. Davida lɛ a boo giala nyɔmiɛ̃n man ka kɛn nɛ.

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Samayeli2 6:21

Davida tɔ́n pɛ Mikaali ni: «Dɛnaa Lawa mɛn ma soɛ kɔ n díi laanka ka kion minin tumaa nɛ, á masɛ bɔ á má koa a zaman Izirayeli minin kɛn mìilandɛnaa lɛa, man maa bɛ̀ lɛ biɛ Dɛnaa Lawa din yɔrɔ-a.

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

KZS1 17:7

Kanna kəni, kɔ pɛ maa dí-nyali Davida nɛ mà Dɛnaa Lawa Pàãyiidɛnaa n kɛ pii: «Man má n kũ tɔɔn lɛduə̃ ǹ bǎã nɛ, tɔɔn kio, máa n maa zaman, Izirayeli mìilandɛnaa baa.

KZS1 21:17

Davida pɛ Lawa nɛ: «Ma din ni má pɛ máa ǹ zaman lɛ nimi. Má din ni má sii baraa zɛnaa, ma din ni ma baraa zɛnaa. Maa zaman a minin kɛn, bɛn nə sii kɔn zɛnaa baraa wa. Dɛnaa maa Lawa, toa dɔlɔ lɛ goã ma din mìi ni ka maa kion minin ni. Sɛnɛ bǐɛ̃ kɔ n nyan koe kɛ da n zaman mìi-n wa!»

Amɔɔsi 7:15

Sɛnɛ, Dɛnaa Lawa masɛ kũ tɔɔn kio, á tɔ́n pɛ ma nɛ mà ma wo asɛ a boo gii da asɛ a zaman, Izirayeli tɔrɔn kɛn manɛ.

Nya ǹ dín 7:46

Bɛa Davida lɛ kɔɔ̃n kɔ Lawa ganaa. A ná a nyankɔ mà Izirayeli a Lawa lɛ toa asɛ giã ǹ kion dɔ a kɔ la.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.

Samayeli1 9:16

«Biɛ̃ kɛnɛn yirəə, ma á die giĩ goon diɛ n li, a n Bɛnzamɛn tɔrɔ lɛa. N die n nyɔɔ lɔ a ganaa, màn mɛn bɛ́ toɛ, a maa zaman Izirayeli lɛ a kii baa, a ǹ si Filisiti minin lɛn la. A giala, má maa zaman lɛ a nɔmaa yɛ, ǹ lɛ-dɛ dɔ ma ganaa.»