Samayeli2 7:23 - LAWA A BOO SONBORE

²³ Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

LAWA A BOO SONBORE 2011

²³ Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

Samayeli2 7:23 Iomraidhean Croise

Samayeli2 7:24

N din ni ń nə́ n zaman Izirayeli minin lɛn koa, màn mɛn bɛ́ toɛ, ǹ goã n din a zaman lɛa yǎa duduu. N din Dɛnaa Lawa n nə́ ǹ Lawa baa.

KZS1 17:21

Tɔrɔ kɔn tá yii tán la a n kɔnboe ka n zaman Izirayeli ni? Ń wɔ si, ń wɔ baa n din a zaman lɛa. Ń kaãbaa ǹ siin dadaran zɛnaa wɔ a lɛa, ń nə́ n din tɔ bɔ nɛ. Ń nə́ n zaman lɛ si Ezipti minin la, ń tɔrɔn loo ǹ nyɛɛnɛ.

Nehemii 1:10

Wɔ nə n din a dí-nyalin lɛa, wɔ nə n din a zaman lɛa! Wɔ dinin lɛn manɛ, ń wɔ bɔ sii ni ka n pàã gole laanka n boo sii la nɛ.

Loen 106:22

kaãbaa ǹ siin manɛ, á goã á ǹ zɛnaa walan, Kaamu tɔrɔn kɛn bii. Nyɛ́ɛ da ǹ wɔn manɛ, á ǹ zɛnaa Sawɛɛ tà lɛ-a.

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 145:6

Minin tá re n kaãbaa ǹ sii dadaran kɛn boo diɛ, ma á die n sii dadara zɛnaan kɛn laakalɛɛ.

Loen 147:20

A kɛ miã zɛnaa tɔrɔ kɔsɔ kɔn nɛ wa, Tɔrɔn mɛnɛn bɛ́ ǹ ba a dí-pɛn doɛ̃ wa. Aleluya, ka Dɛnaa Lawa tɔ bɔ!

Loen 40:5

Min mɛn bɛ́ á n foo doa Dɛnaa Lawa ganaa, Lawa á re barka diɛ bɛa dɛnaa ganaa. A koa kun ka din gole-kɔlen ne wa, a n saa ǹ soɛ boon li wa.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Bɔ bɛ̀rɛbaa nɛ 12:12

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Bɔ bɛ̀rɛbaa nɛ 33:16

Man die doɛ̃ wàa dɔ li dɔn, mà wɔ tá kɔɔ̃nɛ n ganaa, ma din laanka maa zaman kɛ nɛ? Bɛ̀ n din tá tɔ we wɔ nyɛɛnɛ, wɔ bie re doɛ̃ bɛ lɛ li wa? Hiĩ! N nə n die nyɛɛ wɔ-n dɔn, mà wɔ ba goon ka tɔrɔ gialakun kɛ kɔ́n nɛ kanaa kɛ gɔ́ɔ̃-n wa, ma din laanka maa zaman kɛ nɛ.»

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 9:15

Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Zeremii 32:20

«Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

Zeremii 32:21

N nə́ n zaman Izirayeli minin waa n soo ǹ ne Ezipti gána nɛ ń sii kakan zɛnaa, kaãbaa sii dadaran lɛa, ń nyɛ́ɛ gole da ǹ nɛ.

Ezekieli 20:9

Sɛnɛ, ma din tɔ taman yii, ma sii kɔn zɛnaa ǹ nɛ wa, màn mɛn bɛ́ toɛ, ka digolon bɛ́ giã-n tɔrɔn mɛnɛn bii, bɛn baran ma tɔ ziziɛ̃ wa. A giala, ma lɛ kɔ mɛn wɔ ǹ nɛ máa ma á re ǹ wɛɛ ma ǹ bɔ Ezipti gána nɛ, bɛa tɔrɔn kɛn lɛn tá a siére-a.

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Timəə dí-pɛn 10:21

Ka a din lɛ tɔ saa lon, a dinsɔɔ̃ lɛ n kaa Lawa lɛa. A din na á nyɛ́ɛ da ǹ sii dadaran kɛn zɛnaa kaa lɛa, ka yii nə ǹ mɛnɛn lɛn yɛ.

Timəə dí-pɛn 15:15

Ka n yiri koa li, mà ka n ká goã bɛ̀rɛ lɛa Ezipti gána nɛ, mà kaa Lawa, Dɛnaa Lawa lɛ na á ka bɔ a nɛ. Bɛ lɛ na á toa, ma á n gɔn wɛɛ ka nɛ ka bɛa sii lɛ-n pelo.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Timəə dí-pɛn 9:26

Má gòã-kũ da Dɛnaa Lawa ganaa, má pɛ kɛnɛn: «Dɛnaa Lawa, n baran n minin lɛn dɛ wa! Tɔrɔn kɛn lɛn manə n din wɔn lɛa, ń nə́ ǹ si ka n din a boo sii la nɛ, ń nə́ ǹ waa ka pàã nɛ Ezipti ń soo ǹ ne.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.