Samayeli2 7:13 - LAWA A BOO SONBORE

¹³ Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

LAWA A BOO SONBORE 2011

¹³ Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Samayeli2 7:13 Iomraidhean Croise

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 22:51

Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Samayeli2 7:27

A giala, n dinmaa Dɛnaa Lawa, pàã tumaa a dɛnaa, Izirayeli a Lawa na á n din nyaa masɛ nɛ, ń pɛ ma nɛ mà n din nə die maa kion koɛ. Bɛ lɛ n ke, n dí-nyali lɛ foo tãbaa yɛ, á n bɛa nyankɔ we n lon.

Kiin1 2:24

Dɛnaa Lawa na á ma da ma di Davida a kiibaa lɛ la, á ma gòãn wɔ tán. Dɛnaa Lawa ná a lɛ-kɔ lɛ pã, á kiibaa lɛ kɔ masɛ laanka ma tɔrɔn la. Dɛnaa Lawa Yiikoonaa lɛ tɔ taman yii, a din pelo kɛ lɛ nɛ, Adoniya á giɛ̃.»

Kiin1 2:4

Bɛ lɛ n die toɛ dɔn, Dɛnaa Lawa na a boo lɛ pã, boo mɛn lɛ á ke á pɛ ma nɛ kɛnɛn: «Bɛ̀ n nɛgiĩn lɛn nə́ n doa ǹ nə́ ǹ dinin kɔ masɛ la ka ǹ foo din tumaa nɛ, ǹ nə́ ǹ tɔ wɔ ǹ gɔn tele masɛ yɔrɔ-a, n din a min ba re nyaabiɛ duduu Izirayeli a kiibaa lɛ la wa.»

Kiin1 2:45

Sɛnɛ, Dɛnaa Lawa tá re barka diɛ kii Salomɔn ganaa a na a kiibaa lɛ gòãn wɔ tán miɛ̃ duduu Dɛnaa Lawa din yɔrɔ-a.»

Kiin1 5:5

Salomɔn a yiikoonaabaa tumaa gɔ́ɔ̃ nɛ, a n kuĩ Dan ganaa, a wo Bɛɛr-Sebaa yia, Zudaa minin lɛn laanka Izirayeli minin lɛn didie na á goã yii nyɛɛ la, ǹ *rezɛ̃ da laanka ǹ gɔ́rɔ da giulun.

Kiin1 6:12

«Kion kɛ lɛ n tá doe, bɛ̀ ń tɔ wɔ á kɔnpɛ ka maa landa boon ne, ń maa sii yɔrɔ bɔ ǹ boon kɛn sii zɛnaa, ń maa gɔn waa ǹ boon kɛn tamaa ń kɔ ǹ lɛ, ma goã má boo mɛn pɛ n di Davida nɛ, ma á die bɛ zɛnɛɛ n din ni.

Kiin1 8:13

Sɛnɛ masɛ giã ǹ kion dɔ a wɔ lɛa turuu ni, màn mɛn bɛ́ toɛ a giã bɛ lɛ nɛ miɛ̃ yǎa duduu.»

Kiin1 8:15

Á n toa: – Maa barka tá Izirayeli a Lawa, Dɛnaa Lawa ganaa! A goã á n lɛ kɔ ma di Davida la ka sii mɛn nɛ, a din na á bɛ lɛ pã. A na á goã á pɛ-n kɛnɛn:

Kiin1 8:19

Sɛnɛ nsɛ bie re bɛa kion lɛ doe wa. Ń gɔ́ɔ̃gɔ́ɔ̃ ǹ nɛ n die kion lɛ doe ma tɔ la.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 21:7

A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

Kiin2 8:19

Sɛnɛ, Dɛnaa Lawa a dí-nyali Davida lɛ taman yii, Dɛnaa Lawa lɛ kɔ, á Zudaa gána bɔ̀n baa wa, a giala a na á goã á pɛ Davida lɛ nɛ mà a tɔrɔ tá re goɛ̃ kiibaa lɛ la miɛ̃ duduu.

KZS2 33:4

Á wúlu bɔ ǹ bǎãn kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: Man die n tɔ toɛ Zeruzalɛmu kiwi yǎa duduu.

KZS2 6:16

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a á kɔnpɛ ka n dí-pɛn kɛn nɛ, mà a din a min ba re nyaabiɛ duduu Izirayeli a kiibaa lɛ la wa.

Zɔbu 36:7

A ba n yɔrɔ bɔyɛɛ a bɔ min sonboren la wa. A n kiin koɛ kii dankan la, a ǹ koa kiibaa la yǎa duduu, màn mɛn bɛ́ toɛ ǹ gugurubaa yɛ.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 89:21

Man má maa bɛ̀rɛgiĩ Davida yɛ, má bɔ má koa kii lɛa, ka maa nyɔɔ sonbore kɛ nɛ.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Loen 89:4

N din nə́ n pɛ kɛnɛn: Ma maa bɛ̀rɛgiĩ Davida mɛn bɔ, má lɛ kɔ kɔn la wɔ ka bɛ nɛ, má n liɛ nɛ, má pɛ:

Izayii 49:8

Dɛnaa Lawa n pii kɛnɛn: Má n lɛ si biikoo sonbore li. Kirisibaa pinaa, má daa n gú ganaa. Ma á die n tamɛɛ, man koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n Izirayeli gána saa n da lon, màn mɛn bɛ́ toɛ didie na a wɔ gii yɛ tán kɛ nɛ á ziziɛ̃;

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 33:17

Dɛnaa Lawa n kɛ pii doo: «Davida tɔrɔ á re nyaabiɛ Izirayeli gána a kii dankan kɛ la wa.

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Zakarii 6:13

Sonbore, a din nə die Dɛnaa Lawa a kion lɛ doe. Á re kii dɔnkɛn we, a giã kii dankan la, a nyɛɛnaan bɔ. Lawa a wúlu-bɔle goon tá re giɛ̃ a genli, kii dankan la, ǹ tá re kɔn miɛ̃ parsiini.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Ebrəə 3:3

Sonbore, gugurubaa tá a wɔ lɛa á la Muizu ni, ka gugurubaa bɛ́ kion-dɔle wɔ lɛa lɔn, á la kion lɛ dinmaa nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.