Samayeli2 7:10 - LAWA A BOO SONBORE

¹⁰ Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

LAWA A BOO SONBORE 2011

¹⁰ Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

Samayeli2 7:10 Iomraidhean Croise

Kiin2 21:8

Ka bɛ dɔ nɛ, mà asɛ ba re Izirayeli minin lɛn kiɛ binbirin bɔ ganaa, ǹ wɔlɔ n lui ni tán kɛ ganaa asɛ kɔ ǹ digolon la wa. Mà asɛ gɔn waa ǹ boon mɛnɛn tumaa pɛ ǹ nɛ, mà yǎa ǹ nə n yiri koɛ bɛn lɛn li, ǹ nə ǹ tamaa, ka dí-pɛn kɛn tumaa nɛ asɛ a dí-nyali Muizu kɔ ǹ la.

KZS1 17:9

Man die bǎã goon boe Izirayeli, ma zaman wɔ lɛa, man die ǹ gòã we tán walan ǹ goã walan, ǹ bǎã lɛa. N gɔ̀nɔn ba re bìn diɛ doo wa, min baraan kɛn ba re wusii ǹ da bɔ n yii-n doo wa,

KZS2 33:8

Ma a re Izirayeli zaman lɛ diɛ paǹ yii li doo wa, ǹ nyan sɔsɔɔ kɔ gána lɛa má kɔ ǹ digolon la wa. Ma a re bɛ zɛnɛɛ doo wa. Sɛnɛ yǎa ǹ koe dí-pɛn kɛn tumaa lɛ, gɔn waa ǹ boo kɛn nɛ ka landa boon kɛn nɛ má ǹ kɔ Muizu la.»

Loen 44:2

Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 44:4

Ǹ gɔya sa bie á ǹ baa gána lɛ a dɛnan lɛa wa, ǹ dinin pàã bie á ǹ baa gɔ̀lɔ̀n lɛa wa, sɛnɛ, n din a dɔmalɛ pàã nɛ, n din yɔrɔ bɛ́ á goã ǹ la, a giala ń goã ǹ narɛ.

Loen 80:8

Lawa Pàãyiidɛnaa, wusoo n barka wɔ wɔ nɛ, n wɔ kũ doɛ̃, wɔ á re kirisibiɛ.

Loen 80:9

N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Bɔ bɛ̀rɛbaa nɛ 15:17

N nə n die woe ǹ ne, n nə́ ǹ kaa kele kɛ la, kele mɛn lɛ bɛ́ n din wɔ lɛa. Dɛnaa, n din nə n bɛa bǎã kɛ lɛ zɛnaa, mà nsɛ n die giɛ̃ a nɛ, n nə n din guguru kɔ ǹ bǎã koa a nɛ.

Izayii 5:2

Á wuru lɛ kɔsɔ. Kɔlɔn mɛnɛn bɛ́ a nɛ, á bɛn waa, á da tɔrɔ sonboren zumu a nɛ. Á sanabolo dɔ a nɛ, bǎã-lɛduəlin wɔ lɛa, á rezɛ̃ mu bɔ ǹ bǎã fɔ̃. A na á goã n yii diɛ rezɛ̃ nɛ sonbore la. Sɛnɛ, *rezɛ̃ da lɛ nɛ mɛn kɔ, nɛ pipiã nɛ.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Zeremii 18:9

Biikoo tɛn li, má màn doe laanka màn zumii boo da tɔrɔ kɔn hinlaa gána kɔn a paǹ li.

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Ezekieli 28:24

Bɛ kio, nyan ba re Izirayeli minin kɛn toɛ̃ doo wa, nyan ba re ǹ gòã foɛ̃ doo wa, min mɛnɛn dɔn bɛ́ ǹ lɛnpɛnɛ, bɛn kɔn dɔ a re ǹ puusə koe doo wa. Ǹ tá re doɛ̃ ka bɛ lɛ-n kəni, mà masɛ din nə Dɛnaa Lawa gole lɛa.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Amɔɔsi 9:15

Ma á re wusii ma da ǹ nɛ ǹ gána nɛ, ma gána mɛn lɛ kɔ ǹ la. Ǹ gòãn tá re we tán walan, min ná a re boe la a ǹ loo doo wa. Masɛ, kaa Dɛnaa Lawa lɛ a da ǹ boo n ka bɛ nɛ.

Sii-nyaan 21:4

Á re ǹ yii mu tumaa tuturi a bɔ ǹ yɔrɔ nɛ, gɛ̀ ná a banban doo wa, gɛ̀-koa banban doo wa, duwəə ka là-paparɛɛ banban doo wa. Màn zizin kɛn nə́ papaã ǹ nə́ nya.»

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.

Samayeli1 13:17

Sɔraasi kuru sɔɔ nə́ n toa Filisiti minin giã ǹ bǎã lɛ nɛ, ǹ nə́ die basaã koe. Kuru goon nə́ n yɔrɔ dia Ofra li, Suwali gána nɛ,