Samayeli2 6:21 - LAWA A BOO SONBORE

²¹ Davida tɔ́n pɛ Mikaali ni: «Dɛnaa Lawa mɛn ma soɛ kɔ n díi laanka ka kion minin tumaa nɛ, á masɛ bɔ á má koa a zaman Izirayeli minin kɛn mìilandɛnaa lɛa, man maa bɛ̀ lɛ biɛ Dɛnaa Lawa din yɔrɔ-a.

LAWA A BOO SONBORE 2011

²¹ Davida tɔ́n pɛ Mikaali ni: «Dɛnaa Lawa mɛn ma soɛ kɔ n díi laanka ka kion minin tumaa nɛ, á masɛ bɔ á má koa a zaman Izirayeli minin kɛn mìilandɛnaa lɛa, man maa bɛ̀ lɛ biɛ Dɛnaa Lawa din yɔrɔ-a.

Samayeli2 6:21 Iomraidhean Croise

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Samayeli2 6:14

Davida na á goã bɛ̀ biɛ ka a we tumaa nɛ Dɛnaa Lawa yɔrɔ-a ka wúlu-bɔlen mɔnaa yii nɔnɔɔ kɛ ná a ganaa.

Samayeli2 6:16

Dɛnaa Lawa a goo lɛ bɛ́ we "Davida a kiwi" lɛ nɛ, Sayulu a nɛlɔ Miikali dɔ na á n yii kɔ fənɛtrə ne. Á kii Davida yɛ bɛ̀ biɛ, bɛ̀ á n paparɛ Dɛnaa Lawa yɔrɔ-a. Mikaali ná a puusə kɔ a din foo ne.

Samayeli2 6:22

Á kɔɔ̃nɛ ma goã min kooro lɛa a la kɛ din ni, man kiɛɛrɛ ma din yii li. Sɛnɛ, n bɛ́ bɛ̀rɛlɔn mɛnɛn boo diɛ ke, bɛn yɔrɔ-a sɛn, ma á die goɛ̃ guguru.»

Samayeli2 6:5

Davida laanka Izirayeli minin lɛn tumaa na á goã bɛ̀ biɛ Dɛnaa Lawa yɔrɔ-a, bɛ̀ dɛ ǹ mànan tɔrɔ tumaa wuu li: gɔn sonbore wɔn nɛ, tùtu tɔrɔ tumaa laanka kɔnkoɛ̃nɛn nɛ, maàn nɛ, ka gɔn pere dɛ ǹ mànan nɛ.

Samayeli2 7:8

Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

KZS1 15:29

Dɛnaa Lawa a lɛ kɔ kɔn la ǹ goo lɛ bɛ́ á dɔ "Davida a kiwi", Sooli a nɛlɔ Mikaali nə n yii kɔ fenɛtərə ni, a yii kii Davida yɛ parɛ a n bɛ biɛ, a tìĩ bɔ a nyin ni ka a foo tumaa nɛ.

Nya ǹ dín 13:22

Lawa bɛ́ á Sayulu bɔ á bɔ ǹ mìi la, á Davida bɔ á koa ǹ kii lɛa. Lawa na á boo kɛ pɛ a din lɛ wɔ gɔn la: «Masɛ n má Zesee a nɛgiĩ Davida yɛ min lɛa, a sii n kiɛ ma foo la parsiini. A din lɛ n die ma foo dùũ siin tumaa zɛnɛɛ a nə ǹ lɛ pã.»

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Samayeli1 13:14

Sɛnɛ, sisia, n pàã lɛ ba re woe nyɛɛn wa. Dɛnaa Lawa min bɔ, min mɛn a sii bɛ́ kiɛ a foo la. Dɛnaa Lawa bɛa dɛnaa lɛ koa a zaman lɛ nyɛɛnaan-bole lɛa, a giala, Dɛnaa Lawa dí mɛn kɔ n la, n nə n piã nɛ.»

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:12

Zesee tɔ́n nə ǹ dia, ǹ nə́ woo kũ ǹ nə́ daa nɛ. A na á goã siĩni, a yɔrɔ n tɛ pii a gamaa n kɔɔ̃nɛ. Dɛnaa Lawa nə́ n toa Samayeli ganaa: «Yoo n nyɔɔ lɔ a ganaa, a giala, a din lɛ nɛ.»