Samayeli2 6:14 - LAWA A BOO SONBORE

¹⁴ Davida na á goã bɛ̀ biɛ ka a we tumaa nɛ Dɛnaa Lawa yɔrɔ-a ka wúlu-bɔlen mɔnaa yii nɔnɔɔ kɛ ná a ganaa.

LAWA A BOO SONBORE 2011

¹⁴ Davida na á goã bɛ̀ biɛ ka a we tumaa nɛ Dɛnaa Lawa yɔrɔ-a ka wúlu-bɔlen mɔnaa yii nɔnɔɔ kɛ ná a ganaa.

Samayeli2 6:14 Iomraidhean Croise

Samayeli2 6:15

Davida laanka Izirayeli minin lɛn tumaa woo ka Dɛnaa Lawa a lɛ kɔ kɔn la ǹ goo lɛ nɛ Zeruzalɛmu. Maǹ nə́ goã foo kɔɔ̃nbaa ǹ lɛ dii bɛ̀ ǹ nə́ bɛn pii.

Samayeli2 6:20

Davida kanaa á wɔ kion, mà a n barka diɛ a kion minin ganaa. Sayulu a nɛlɔ Mikaali soo á daa n da Davida lɛ, á n lɛ dɛ a ganaa á pɛ: «Izirayelin kii lɛ gugurubaa yɛ pelo koe! Á ke á n sɔlɔ a bɛ̀rɛgiĩn laanka a bɛ̀rɛlɔn yɔrɔ-a ka min kooro mɛn din bɛ́ ke a ná a sìi doɛ̃ wa.»

KZS1 15:27

Davida tuntun mɔnaa gole wɔ kɔnlɛ ka Levii tɔrɔn mɛnɛn bɛ́ goo lɛ guĩ, loe-lɔlin ni ka Kenaniya guĩ-gũlin goledɛnaa kɛ dɔ nɛ. Davida Lawa a wúlu-bɔlen mɔnaa yii nɔnɔɔ wɔ doo.

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 150:4

Ka maà dɛ, ka bɛ̀ baa ka a tɔ bɔ nɛ, ka tùtu dɛ, ka pìi pɛ ka a tɔ bɔ nɛ!

Loen 30:11

Dɛnaa Lawa, makara bɔ ma ganaa n nə n too kɔ! Dɛnaa Lawa, n din nə n baa maa dɔmalɛ wole lɛa!

Loen 87:7

Lawa a kiwi, minin man loe loe, ǹ nə́ bɛ̀ biɛ, mà Zeruzalɛmu, wɔsɛn man wɔ dinin piɛ kànaa.

Bɔ bɛ̀rɛbaa nɛ 15:20

Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li.

Bɔ bɛ̀rɛbaa nɛ 15:21

Miriamu loe saa á lɔ: Ka Dɛnaa tɔ bɔ, á sii gole zɛnaa, á sùin laanka ǹ lɛ-kũlin kaa tà mu li!

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Ezekieli 46:10

Goledɛnaa lɛ dɔ n die we kun ka zaman lɛ nɛ, bɛ̀ ǹ tá soe ǹ mɛn waáraa, a dɔ soo kunun ǹ ni.

Luku 15:25

Giĩ lɛ a nɛgiĩ goledɛnaa kɛ na á goã wuru-n. A bɛ́ boe don, á diri piɛ la, á maàn wuu ma ka bɛ̀-baan nɛ.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Kolɔɔsi minin 3:23

Ta dí lɛ n lɔn, ka nya ka foo sonbore ne, ka n pɛ mà ka ǹ nyɛɛ Dɛnaa nɛ, ka bie nyɛɛ minin man wa.

Sii yɔrɔ-bɔlen 11:34

Zɛftee bɛ́ boe Mispaa die piɛ, bɛ̀ a nɛlɔ á ke á soo a n maà dii, bɛ̀ biɛ, die n diɛ lɛ. A din lɛ dɔ na a nɛ lɛa, goon toto. Bɛ̀ á n bɔ bɛ lɛ nɛ, a ba a lon nɛgiĩ lɛa wa, a ba a lon nɛlɔ lɛa wa.

Sii yɔrɔ-bɔlen 21:21

Ka die ka ga, bɛ̀ ka Siiloo nɛlɔn kɛn yɛ, ǹ nə́ soo ǹ nə́ bɛ̀ biɛ kun, ka soo rezɛ̃ da wurun lɛn nɛ, didie goon kũ ǹ bii, a wo-n Bɛnzamɛn tɔrɔn gána nɛ, a baa a lɔ lɛa.

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.

Samayeli1 22:18

Kii lɛ tɔ́n pɛ Dowɛgi ni mà a n bɔyaa a ǹ dɛ! Dowɛgi lɛ, Edɔmu min lɛa, á n bɔyaa, a dinmaa Lawa a wúlu-bɔlen lɛn dɛ. Bɛa pinaa kɛ lɛ nɛ, Lawa a wúlu-bɔlen lɛn Lawa a dí nya ǹ mɔnaa we ǹ ganaa, a na á bɛn min pɔkiwisiwensooro (85) dɛ.