Samayeli2 5:7 - LAWA A BOO SONBORE

⁷ Davida *Siɔn kiwi a duru ǹ bǎã kaka kɛ kũ á si. A din lɛ nɛ ǹ tá bii "Davida a kiwi".

LAWA A BOO SONBORE 2011

⁷ Davida *Siɔn kiwi a duru ǹ bǎã kaka kɛ kũ á si. A din lɛ nɛ ǹ tá bii "Davida a kiwi".

Samayeli2 5:7 Iomraidhean Croise

Samayeli2 5:8

Davida pɛ bɛa pinaa kɛ lɛ nɛ: «Bɛ̀ min mɛn tá li a Zebuzu minin kɛn dɛ, ǹ dɛnaa doamaa nɛ a dɔ mu a baa si ǹ bǎã kɛ nɛ. Min mɛn bɛ́ re boe maa zɔ́ɔ yii tere-an kɛn laanka gɔ̀nàan kɛn la, áh!» Bɛ lɛ na á toa ǹ tá pii: «Yii tere-a laanka gɔ̀nàa ba re we kion lɛ-n wa.»

Samayeli2 5:9

Davida giã bɛa duru ǹ bǎã kaka kɛ lɛ nɛ, á bii "Davida a kiwi". Bɛ kio, Davida kionən dɔdɔ á ná a lɛnpɛnɛ nɛ, a saa Miiloo bǎã kɛ ganaa, a wo kiwi lɛ a gɔ́ɔ̃ yaa.

Samayeli2 6:10

Davida nɔmaa á n piã, a Dɛnaa Lawa a lɛ kɔ kɔn la ǹ goo lɛ saa á woo ne a piɛ, a din a kiwi kɛ-n doo wa. Sɛnɛ, a na á kanaa nɛ, á woo da Gaatin giĩ Obɛdi-Edɔmu a kion.

Samayeli2 6:12

Ǹ nə́ daa pɛ kii Davida nɛ mà Lawa barka da Obɛdi-Edɔmu laanka a gɔn màn tumaa ganaa, Lawa a lɛ kɔ kɔn la ǹ goo lɛ taman yii. Bɛ lɛ nɛ, Davida tɔ́n woo, á Lawa a lɛ kɔ kɔn la ǹ goo lɛ saa Obɛdi-Edɔmu a kion, á woo ne a din a kiwi kɛ nɛ, ka nyɛnyɛɛ nɛ.

Samayeli2 6:16

Dɛnaa Lawa a goo lɛ bɛ́ we "Davida a kiwi" lɛ nɛ, Sayulu a nɛlɔ Miikali dɔ na á n yii kɔ fənɛtrə ne. Á kii Davida yɛ bɛ̀ biɛ, bɛ̀ á n paparɛ Dɛnaa Lawa yɔrɔ-a. Mikaali ná a puusə kɔ a din foo ne.

Kiin1 2:10

Bɛ kio, Davida woo ǹ digolon li. Ǹ bɛ́ kiwi mɛn bíi "Davida a kiwi" ǹ nə́ bĩ walan.

Kiin1 3:1

Salomɔn lɛ kɔ wɔ ka Ezipti gána a kii ni, a ná a nɛlɔ wɔ lɔ lɛa. Ǹ bɛ́ kiwi mɛn bíi mà "Davida a kiwi", Salomɔn nɛlɔ lɛ koa walan, yǎa á ná a din gɔn tɔ kion dɔ á nya, ka Lawa a kion laanka kungɔn kɛ nɛ Zeruzalɛmu kiwi lɛnpɛnɛ.

Kiin1 8:1

Bɛa biikoo li, kii Salomɔn Izirayeli tɔrɔn min golen lɛ sɔkɔn ka ǹ nyɛɛnaandɛnan laanka ǹ kɛdɛnan nɛ, a din li Zeruzalɛmu, màn mɛn bɛ́ toɛ ǹ Dɛnaa Lawa a *lɛ kɔ kɔn la ǹ goo lɛ saa ǹ bɔ "Davida a kiwi", kiwi mɛn lɛ á ke ǹ tá bíi *Siɔn.

Kiin1 9:24

*Faarahɔn a nɛlɔ lɛ nə́ n toa "Davida a kiwi" á woo wɔ a kion kɛ nɛ, Salomɔn goã á dɔ, á kɔ la. Bɛ kio ne, Salomɔn tɔ́n bǎã kɛ dɔ, ǹ nə́ bii Miloo.

KZS1 11:7

Davida giã duru ǹ bǎã kaka lɛ nɛ; bɛ lɛn ke ǹ nə́ bíi mà "Davida a kiwi".

KZS2 24:16

Ǹ nə́ bĩ kiin yala bǎã nɛ "Davida a kiwi". Taãnɛ, á sii sonbore zɛnaa Izirayeli zaman nɛ, Lawa nɛ ka Dɛnaa Lawa a kion kɛ nɛ.

KZS2 5:2

Bɛ kio, Salomɔn tɔn Izirayeli zaman a min golen sɔkɔn a din li Zeruzalɛmu, Izirayeli tɔrɔ tumaa a nyɛɛnaandɛnan nɛ ka sumu tumaa a nyɛɛnaandɛnan nɛ, maǹ Dɛnaa Lawa a *lɛ kɔ kɔn la ǹ goo lɛ saa "Davida a kiwi" kɛ nɛ ǹ nə́ bíi *Siɔn.

Nehemii 3:15

Mu pìã bǎã a kiɛnlɛ ke, Kɔl-Hoze a nɛgiĩ Salumu mɛn bɛ́ Mispaa gána mìi la, bɛ na á bɛ zɛnaa. A din na á dɔ, á zũ, á ná a goon wɔ lɛ, ka a tã a sɔɔ ǹ mànan nɛ. Silowee pɛrɛ bǎã a kungɔn ke kii a dù gɔrɔ genli, á bɛ dɔ zɛnaa, yǎa á woo dɔ tɔ wɔ ǹ banbaranan kɛn ganaa, n toɛ "Davida a kiwi" li die.

Loen 132:13

A giala, Dɛnaa Lawa din na á Zeruzalɛmu bɔ, a n li *Siɔn na asɛ a giã ǹ bǎã baa.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 48:12

Siɔn kele kɛ nə n nyɛnyɛɛ, Zudaa a kiwin kɛn foo n kɔɔ̃nɛ, n kiri kuriin lɛn taman yii.

Loen 48:3

Kele sasa siĩni, kanaa tumaa a nyɛnyɛɛ ǹ màn, *Siɔn kele lɛ nɛ, gɔsɛ a lɛ̀gɔn la kii gole a kiwi ni.

Loen 51:18

N bie giɛ li, mà ma *wúlu màn kɔ n la wa. Haalɛ wúlu màn mɛn bɛ́ ǹ nə́ tã á kukũ lenlen, bɛ kɔn bie n yii kiɛ̃ wa.

Loen 87:2

Kiwi lɛ laanka a kiɛnlɛn tá kɔɔ̃n Dɛnaa Lawa ganaa, á la kiwin tumaa nɛ, Izirayeli gána lɛ nɛ.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 59:20

Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Sii-nyaan 14:1

Ma bɛ́ giɛ, má Sère Nɛ lɛ yɛ golee-n *Siɔn kele la, Zeruzalɛmu kiwi gɔ́ɔ̃ nɛ. Má minbuiin duu paabiɛ ka pusiwensii (144 000) kɛ dɔ yɛ kun ni, a din tɔ laanka ǹ Di Lawa tɔ n kiɛ̃ nɛ, didie tumaa nyanlɛ ganaa.