Samayeli2 5:10 - LAWA A BOO SONBORE

¹⁰ Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

LAWA A BOO SONBORE 2011

¹⁰ Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

Samayeli2 5:10 Iomraidhean Croise

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Samayeli2 3:1

Zia lɛ belebɔ Sayulu a minin lɛn laanka Davida a minin lɛn bii. Màn na á goã miɛ Davida sɛ pàã li miɛ̃. Sɛnɛ màn na á goã n boe Sayulu a minin lɛn sɛn pàã lɛ miɛ̃.

Samayeli2 7:9

N wo bǎã mɛn tumaa nɛ, masɛ goã kunun n ni má n zɔ́ɔn tumaa dɛ má ǹ bɔ n nyɛɛnɛ. Má tɔ gole kɔ n la ka kanaa a min dadaran kɛn wɔ bɛ́ lɔn.

Samayeli2 8:14

Á minin bɔ á ǹ koa Edɔmu. A na á ǹ koa Edɔmu minin lɛn tumaa mìi la, ǹ tumaa nə́ n bɔyaa ǹ nə́ Davida a dí-nyalin baa. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Samayeli2 8:6

Davida minin bɔ á ǹ koa Siirii minin lɛn mìi la Damaasi kiwi. Siirii minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ sarɛɛ Davida la. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Loen 24:10

Die n ka bɛa kii gole kɛ lɛ nɛ? Dɛnaa Lawa Pàãyiidɛnaa kɛ lɛ nɛ, a din lɛ n kii gole lɛ lɛa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Luku 2:52

Yezu dinmaa lɛ sɛ na á goã gole koe, bɛ̀ á n gɔ̀nɔn yii, a yiri dɔ n gole koe woe nyɛɛnɛ. A sii na á goã kɔɔ̃n Lawa ganaa ka minbuiinin ni.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Samayeli1 18:12

Sayulu nyɛ́ɛ baa Davida nɛ, a giala, Dɛnaa Lawa goã kun ka Davida nɛ, á Sayulu toa walan.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.