Samayeli2 4:8 - LAWA A BOO SONBORE

⁸ Ǹ nə́ woo Isbosɛti mìi lɛ kɔ kii Davida la Ebrɔn, ǹ nə́ pɛ nɛ: «N zɔ́ɔ Sayulu mɛn lɛ goã giɛ li a n dɛ, a nɛgiĩ Isbosɛti lɛ mìi á ke. Dɛnaa Lawa na á maa dɛnaagiĩ kii a gɛ̀ dòo lɛpiɛ̃ bɔ Sayulu laanka a tɔrɔn ganaa pelo lɛawaa kɛ nɛ.»

LAWA A BOO SONBORE 2011

⁸ Ǹ nə́ woo Isbosɛti mìi lɛ kɔ kii Davida la Ebrɔn, ǹ nə́ pɛ nɛ: «N zɔ́ɔ Sayulu mɛn lɛ goã giɛ li a n dɛ, a nɛgiĩ Isbosɛti lɛ mìi á ke. Dɛnaa Lawa na á maa dɛnaagiĩ kii a gɛ̀ dòo lɛpiɛ̃ bɔ Sayulu laanka a tɔrɔn ganaa pelo lɛawaa kɛ nɛ.»

Samayeli2 4:8 Iomraidhean Croise

Samayeli2 18:19

Bɛ kio, Sadɔki a nɛgiĩ Ayimaasi pɛ Zoabu ni: «Toa ma baa si ma wo boo kɛ pɛ kii ni, mà Dɛnaa Lawa na á si a zɔ́ɔn lɛn la, á da.»

Samayeli2 18:31

Boɛɛnɛ, bɛ̀ Etiopii min lɛ dɔ á ke á dɔ. Á pɛ kii ni: «Maa dɛnaagiĩ kii, n too kɔ boo kɔɔ̃n kɛ li: Pelo, Dɛnaa Lawa nə n si n zɔ́ɔn lɛn tumaa la, á n da.»

Samayeli2 2:8

Nɛɛrɛ a nɛgiĩ Abnɛɛrɛ mɛn goã Sayulu a zia-baalin goledɛnaa lɛa, bɛ na á goã á Sayulu a nɛgiĩ Isbosɛti kũ á woo ne Mahanayimu kiwi.

Samayeli2 22:48

Bɛa Lawa lɛ n maa gɛ̀ dòo boe, a din na á ma koa tɔrɔ kɔsɔn mìi la.

Loen 71:24

Biikoo tumaa li, man die n peperebaa kɛ boo diɛ, a giala, mà min mɛnɛn bɛ́ giɛ maa bɔ̀n li, sìi bɛn kũ, ǹ nə́ puusə-kɔ dɔ yɛ.

Matiə 2:20

á pɛ nɛ: «Yoo, n nɛ lɛ laanka ǹ dan saa, n wusoo n wo ǹ ne Izirayeli gána nɛ, a giala, min mɛnɛn bɛ́ ǹ nə́ goã giɛ li mà ǹ nɛ lɛ dɛ, bɛn nə́ gã.»

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Samayeli1 18:11

Sayulu ná a sɛmiɛ̃ lɛ zũ. A na á goã pii a din gɔ́ɔ̃ nɛ: «Man die Davida foɛ̃, a dama kion gɔ̀nɔn ganaa.» Á sɛmiɛ̃ lɛ zũ gunyin paa, sɛnɛ, Davida nə́ n kanaa á n bɔ li.

Samayeli1 19:1

Sayulu pɛ a nɛgiĩ Zonaatan laanka a dí-nyalin tumaa nɛ, mà ǹ Davida dɛ a gã. Sɛnɛ, Davida sii goã kɔɔ̃n, Sayulu a nɛgiĩ Zonaatan lɛ ganaa parsiini.

Samayeli1 19:15

Sayulu wusoo á n dia, mà ǹ woo ǹ yii Davida yɛ. Á pɛ ǹ nɛ mà ǹ saa a piì la, ǹ da nɛ asɛ li asɛ dɛ a gã.

Samayeli1 20:1

Davida baa si á n bɔ Naayɔti, Ramaa genli. Á woo Zonaatan yaa á pɛ nɛ: «Ma n má wàa pɛ, ma zɛ̀rɛ n ka ǹ mɛn nɛ, man má wàa sii la n di lɛ la, á n giɛ li a tá ma nyin boe?»

Samayeli1 23:15

Davida daa dɔ̃, mà Sayulu na á woo ga asɛ li, mà a n die asɛ nyin boe. Davida na á goã daã nɛ, Ziifu diə gole lɛ nɛ.

Samayeli1 24:4

Sèren kaa ǹ bǎãn mɛnɛn bɛ́ zii genli, á dɔ walan. Yala goon tan bɛa bǎã lɛ nɛ. Sayulu wɔ a nɛ, mà a na a gòɛrɛ koe. Bɛ́ daa yaa, bɛ̀ Davida laanka a minin tá giã-n tán yala lɛ a kə́rən li.

Samayeli1 25:29

Min nə́ yoo n gialaa, á n giɛ li a n dɛ, n gã, sɛnɛ n Lawa, Dɛnaa Lawa lɛ á die n tamaɛ, ka min bɛ́ pàãmabaa ǹ màn tamaɛ lɔn, màn kɔn ná a ba toɛ̃ n ganaa wa. N zɔ́ɔn kɛn sɛn, Dɛnaa Lawa á re ǹ lɛ koe, ka min bɛ́ kɔlɔ diɛ baragii ni a zũ lɔn.