Samayeli2 3:39 - LAWA A BOO SONBORE

³⁹ A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

LAWA A BOO SONBORE 2011

³⁹ A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

Samayeli2 3:39 Iomraidhean Croise

Samayeli2 16:10

Sɛnɛ kii pɛ nɛ: «Seruzaa a nɛnyaanan lɛn, kaa wàa mɛn sii n maa sii ni? Bɛ̀ a tá lɛn baraa bíi, a bíi. Bɛ̀ Dɛnaa Lawa na á pɛ nɛ mà a wo lɛn baraa bíi Davida li, die n boe la a pɛ nɛ mà wàa na á baa á kɛ zɛnaa?»

Samayeli2 19:13

Ka n masɛ dɔɔ̃nɔn lɛa, ma din wɔ taãnan man ka nɛ. Wàa na á baa ka dinin tá tɔn die wusii goɛ̃ kio ka masɛ a wusoo a da-piɛ kɛa sii yɔrɔ bɔ nɛ?»

Samayeli2 19:22

Seruzaa a nɛgiĩ Abisayii nə́ n zɔ̃ á dɔ á pɛ: «Ka ǹ die Simeyii toɛ walan bɛ lɛ sɛ a lɛa, ka n ka a dii wa? A da yaa, Dɛnaa Lawa min mɛn bɔ á koa kii lɛa, á lɛn baraa bíi bɛ li.»

Samayeli2 3:38

Kii tɔ́n pɛ a dí-nyalin manɛ: «Ka a doɛ̃ mà ǹ nə́ kaa nyɛɛnaandɛnaa gole goon dɛ Izirayeli gána-n pelo wa?

Kiin1 2:32

Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Kiin1 2:9

Sisia, n baran toa kooro dɔlɔ bɔ a ganaa baã wa. A giala, n tá sii doɛ̃, n din tá doɛ̃ n bɛ́ re sii mɛn zɛnɛɛ nɛ: A dɛ, a mìi ka fùliimaa, n da tii li.

KZS1 22:5

Davida na á goã pii: «Maa nɛgiĩ Salomɔn lɛ á tɔn nɛ ten lɛa, a tɔn sii dɔ̃ wa. Dɛnaa a kion ke die n doe, a tɔ doamaa nɛ a bɔ gána tumaa nɛ a golebaa laanka a siĩnbaa taman yii. Man die a mànan yɔrɔ boe ma ǹ koa nɛ.» Bɛ lɛ nɛ, Davida laan bɛ̀ a n giɛ̃, á sii gigiã yɔrɔ bɔ.

KZS2 13:7

Fɔ̃ ma din li wolen man nə́ goã kun ni. Min babaraan manɛ, ǹ nə́ kaka kɔ ǹ nə́ la Salomɔn a nɛgiĩ Roboamu ni, nɛ ten ke-a ná a tɔn sii dɔ̃ bɔrɔ wa. A boo la á gòã doa ǹ bǎã yɛ ǹ li wa.

Loen 101:8

Baraabaraa, baayɛlɛ, ma á re barka boe min baraan kɛn nɛ, gána lɛ gɔ́ɔ̃ nɛ. Ma á re baraa-zɛnaalin kɛn soe, ma ǹ bɔ Dɛnaa Lawa a kiwi kɛ nɛ.

Loen 28:4

Ǹ kũ ǹ dinin zɛnaa ǹ sii li, ǹ kũ ǹ dinin nya ǹ dí baraa li. Ǹ gɔn dòo saraa ǹ la, Dɛnaa Lawa, ǹ doamaa bɛ́-n ka màn mɛn nɛ, n bɛ kɔ ǹ la.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 7:16

Bɛ̀ min nyankɔrɔ zuzulu mɛn fɔ̃, a din nə die mɛnɛɛ bɛa nyankɔrɔ lɛ nɛ.

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Bɔ bɛ̀rɛbaa nɛ 21:12

«Bɛ̀ min mɛn min dɛ á gã, a dɔ nə n dii a gã.

Suusun 20:8

Bɛ̀ kii giã tán kiri wɔ ǹ bǎã nɛ, a n sii sonbore laanka sii baraa tumaa bɔkɔnlɛ doɛ̃.

Suusun 25:5

Min baraa loo n bɔ kii a sumu, a kiibaa lɛ gòã á re we tán ka peperebaa nɛ.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 7:4

N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

Zeremii 38:5

Kii Sedekiasi tɔ́n nə ǹ lɛ si: «Bɛ̀ sii mɛn kɔɔ̃n kɔ ka ganaa, ka bɛ zɛnaa nɛ. Ma din ni kii lɛa, sɛnɛ ma a boe la ma ka kurəə sii kɔn ganaa wa.»

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Rɔmu minin 13:4

Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.

Timote2 4:14

Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Sii yɔrɔ-bɔlen 9:57

Sisɛmu minin dɔn nə baraabaa mɛn zɛnaa, Lawa na á bɛ lɛ a dɔlɔ da ǹ mìi ni. Yerubaali a nɛgiĩ Zoatamu lɛn baraa mɛn bíi ǹ li, bɛ lɛ na á pã kɛnɛn.