Samayeli2 24:2 - LAWA A BOO SONBORE

² Zia baalin goledɛnaa Zoabu mɛn goã kun ka kii ni, kii pɛ bɛ nɛ: «Bǐɛ̃ kɔ n bɔ Izirayeli tɔrɔn lɛn tumaa li, a saa Dan ganaa gɔsɛ a lɛ̀gɔn la a wo Bɛɛr-Sebaa yaa, gusin a lɛ̀gɔn la n zia-baali zaman lɛ tumaa nimi, màn mɛn bɛ́ toɛ ma ǹ lɛ dɔ̃.»

LAWA A BOO SONBORE 2011

² Zia baalin goledɛnaa Zoabu mɛn goã kun ka kii ni, kii pɛ bɛ nɛ: «Bǐɛ̃ kɔ n bɔ Izirayeli tɔrɔn lɛn tumaa li, a saa Dan ganaa gɔsɛ a lɛ̀gɔn la a wo Bɛɛr-Sebaa yaa, gusin a lɛ̀gɔn la n zia-baali zaman lɛ tumaa nimi, màn mɛn bɛ́ toɛ ma ǹ lɛ dɔ̃.»

Samayeli2 24:2 Iomraidhean Croise

Siin Giala 21:14

Abrahamu yoo baayɛlɛ yiisoone, á màn-bii saa, á mu kaa mu bɔnaa nɛ, á ǹ kɔ Agaara la. Á nɛ lɛ saa á da a dɔ̀ɔ̃ nɛ, á da zii. Agaara woo n penpelen da Bɛɛr-Sebaa don.

Samayeli2 17:11

Sɛnɛ, ma bɛ́ yiri mɛn koe n la, bɛ n ka kɛ nɛ: Izirayeli minin lɛn, gigiã ka kɔ̀ mu lɛ-a ǹ nyɔɔsɔ̃ bɛ́ lɔn, a saa Dan kiwi ganaa gɔsɛ a lɛ̀gɔn la a wo Bɛɛr-Sebaa yaa, gusin a lɛ̀gɔn la, ǹ tumaa da n sɔkɔn n din li, n dinmaa tɔ wɔ ǹ nyɛɛnɛ, n wo zia lɛ la.

Samayeli2 2:13

Seruzaa a nɛgiĩ Zoabu laanka Davida a minin lɛn dɔn nə́ soo ǹ nə́ zii saa, ǹ nə́ woo kaa kɔn lɛ Gabawɔ̃ tà lɛ-a. Kɛn nə́ giã a paǹ kɛ li, kɛn dɔn nə́ giã a paǹ kɔsɔ li.

Samayeli2 20:23

Zoabu na á goã Izirayeli minin lɛn zia-baalin tumaa mìi la. Zoozadaa a nɛgiĩ Benaazaa na á goã Kerɛti minin laanka Pelɛti minin mìi la.

Samayeli2 23:37

Amɔn tɔrɔ Selɛki ni, Narayii ni boe Beerɔti, bɛ na á goã Seruzaa a nɛgiĩ Zoabu a ziabaa ǹ mànan guĩ.

Samayeli2 24:15

A kũ bɛa pinaa lɛ a baayɛlɛ ganaa, Dɛnaa Lawa piɛ̃ busu babaraa dia Izirayeli gána nɛ. Dɛnaa Lawa lɛawaa lɛ mɛn pɛ, busu lɛ na á minin dɛ miɛ̃ yǎa á woo kaa bɛ lɛ. A saa Dan ganaa a wo Bɛɛr-Sebaa kiwi yaa, minbuiin duu pɔsɔbaa (70 000) na á gã.

Samayeli2 3:10

Dɛnaa Lawa na á pɛ kɛnɛn: «Man die kiibaa lɛ sii Sayulu a kion minin la, ma Davida koa kii lɛa Izirayeli laanka Zudaa mìi la, a saa Dan ganaa gɔsɛ a lɛ̀gɔn la a wo Bɛɛr-Sebaa yaa gusin a lɛ̀gɔn la.»

Samayeli2 8:16

Seruzaa a nɛgiĩ Zoabu na á goã a zia-baalin mìi la. Ayiluudu a nɛgiĩ Zozafati na á goã sɛ́wɔn-tamaali lɛa.

KZS1 21:2

Davida pɛ Zoabu ni ka zaman nyɛɛnaandɛnan nɛ: «Ka wo Izirayeli minin nimi, a kũ Bɛɛr-Sebaa ganaa a wo Dan yaa, ka da a binyəə kɔ ma la ma boo la ma ǹ lɛ dɔ̃.»

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.