Samayeli2 24:1 - LAWA A BOO SONBORE

¹ Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

LAWA A BOO SONBORE 2011

¹ Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Samayeli2 24:1 Iomraidhean Croise

Siin Giala 45:5

Sɛnɛ, sisia, ka baran n yɔrɔ kɔsɛ, ka foo busu ka dinin li, ka maa sã sii kɛ laanka maa tá kànaa kɛ-n wa. A giala, Lawa na á ma dia ka nyɛɛn kànaa, màn mɛn bɛ́ toɛ, ka kirisibaa.

Siin Giala 50:20

A na á goã ka gɔ́ɔ̃ nɛ, mà ka sii baraa zɛnaa ma nɛ, sɛnɛ, Lawa bɔyaa á baa sii bǐɛ̃ lɛa, á min gigiã nyin si, ka ka yii bɛ́ a ganaa lɔn pelo.

Samayeli2 12:11

Dɛnaa Lawa n kɛ pii: Á ke, man die toɛ n nɔmaa bɔ n din a kion kɛ lɛ nɛ. Masɛ n die n lɔn kɛn kuĩ n din yii ni, ma ǹ kɔ min kɔsɔ la. Bɛ á re giɛ̃ kun ka n lɔn lɛn nɛ wɔlɔ fúlu-a.

Samayeli2 16:10

Sɛnɛ kii pɛ nɛ: «Seruzaa a nɛnyaanan lɛn, kaa wàa mɛn sii n maa sii ni? Bɛ̀ a tá lɛn baraa bíi, a bíi. Bɛ̀ Dɛnaa Lawa na á pɛ nɛ mà a wo lɛn baraa bíi Davida li, die n boe la a pɛ nɛ mà wàa na á baa á kɛ zɛnaa?»

Kiin2 3:6

Kii Zoramu lɛ tɔ́n yoo gɔrɔ á soo á n bɔ Samarii, á Izirayeli a sɔraasin tumaa nimi.

KZS1 21:1

Bɛ kio, *Sɛtaan yoo Izirayeli gialaa, á Davida zulu á da minin nimii ganaa.

KZS1 7:2

Tolaa a nɛnyaanan man ka kɛn nɛ: Uzi ni, Refaya nɛ, Yeriyeli nim Yamayii ni, Yibusamu ni, ka Semuyeli ni. Maǹ nə́ goã Tolaa tɔrɔn kɛdɛnan lɛa, ǹ nə́ min zíndɛnan lɛa. Davida a biikoo li, ǹ tɔrɔ minin man nə́ goã min duu fuəwenpaa ka biɛsɔrɔ (22 600).

KZS1 7:40

Bɛa minin kɛn lɛn tumaa na á goã Asɛɛrɛ tɔrɔn lɛa. Maǹ nə́ goã kɛdɛnan lɛa ǹ yii n guguru, ǹ foo n tã, ǹ nə́ kiin nyɛɛnaandɛnan lɛa. Ǹ min mɛnɛn nimi ǹ tɔrɔn lɛn bii ǹ nə́ boe ziabaa la, bɛn nə́ dɔ min duu fuəwensɔrɔ (26 000).

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

Bɔ bɛ̀rɛbaa nɛ 7:3

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ,

Ezekieli 14:9

Ta Lawa a boo gii-dali ni, bɛ̀ á toa ǹ nə́ bebele ǹ nə́ da boo-diɛ ganaa, masɛ din Dɛnaa Lawa n má bɛa boo gii-dali kɛ lɛ sã. Ma á re yui bɛa dɛnaa gialaa, ma dɛ ma bɔ maa zaman, Izirayeli minin kɛn bii.

Ezekieli 20:25

Landa siin mɛnɛn bɛ́ ǹ ba re kuu biɛ ǹ nɛ wa, ka sii yɔrɔ bɔ ǹ boon mɛnɛn dɔn bɛ́ ǹ ba re toɛ ǹ yii goã koo wa, ma bɛn kɔ ǹ la.

Lawa a wúlu-bɔlen 10:6

Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Minin nimi 1:19

Muizu Izirayeli minin lɛn nimi Sinayii diə gole kɛ nɛ, ka Dɛnaa Lawa goã á wɔ a too-n lɔn.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Tesaloniki2 2:11

Bɛ lɛ na á toa, Lawa á yiri sã ǹ pàã diɛ ǹ la, màn mɛn bɛ́ toɛ, ǹ soɛ si sonbore lɛa.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 2:20

Dɛnaa Lawa foo yoo Izirayeli minin lɛn li, á tɔ́n pɛ: «Tɔrɔ kɛ lɛ a minin nə́ maa lɛ kɔ kɔn la ziziɛ̃, lɛ kɔ kɔn la kɛ lɛ má wɔ ka ǹ digolon ne. Ǹ nə n too kɔ maa boo-a wa.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.