Samayeli2 23:5 - LAWA A BOO SONBORE

⁵ Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

LAWA A BOO SONBORE 2011

⁵ Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

Samayeli2 23:5 Iomraidhean Croise

Siin Giala 9:16

Lamɛn lɛ bɛ́ re boe lon, bɛ̀ masɛ Lawa ga a ganaa, ma lɛ kɔ kɔn la mɛn wɔ ka màn yiikoonaa tumaa nɛ duduu wɔ lɛa, lɛ bɔ ná a ba a-n wa, ma á re n yiri koɛ bɛ nɛ.»

Samayeli2 12:10

Bɛ lɛ taman yii, zia ba re nyɛɛ n kion duduu wa. A giala, ma nə n masɛ puusə kɔ, ń Ɛti tɔrɔ Urii a lɔ saa ń baa n lɔ lɛa.

Samayeli2 13:14

Sɛnɛ, Amnɔn lɛ kɔ á n too kɔ a lon wa. Á kũ ka pàã nɛ, á giã kun ni.

Samayeli2 13:28

Abusalɔn pɛ a dí-nyalin manɛ: Ka n yiri koa Amnɔn li parsiini. Bɛ̀ yɔ da foo kɔɔ̃nbaa ganaa ǹ mɛn waáraa, ma á re pii ka nɛ: «Ka Amnɔn dɛ.» Ka baran nyɛ́ɛ baa wa, ka dɛ a gã, ma din tá golee ka a sii ni. Ka n gù we yii, ka n foo taã.

Samayeli2 18:14

Zoabu tɔ́n pɛ nɛ: «Biikoo ba masɛ gɔn ma golee n li kɛnɛn wa.» Á sɛmiɛ̃ sɔɔ goa a gɔn, á woo ǹ dere Abusalɔn tìãbii. Bɛ á zɛnɛɛ, bɛ̀ Abusalɔn yii á tɔn koo lon, da gole lɛ gùrù ganaa.

Samayeli2 7:12

Bɛ̀ n lɛawaan lɛ pã ǹ mɛn waáraa n papaã n nə́ n bɔ kanaa, ma á re n din gɔ́ɔ̃gɔ́ɔ̃ ǹ nɛ goon boe ma koa kii lɛa n bǎã nɛ. Ma á re pàã we a kiibaa lɛ nɛ.

Samayeli2 7:18

Bɛ kio, kii Davida daa giã tán Dɛnaa Lawa yɔrɔ-a á pɛ: – Dɛnaa Lawa, n din ni maa Lawa lɛa. Bɛ̀ bɛ bie wa, masɛ n wàa lɛa? Masɛ a kion minin man wàa lɛa? Ma bɛ́ bǎã mɛn nɛ pelo, ma bie má sii kɔn zɛnaa n nɛ, ń tɔn daa ka ma-n kànaa wa.

Kiin1 1:5

Bɛa waáraa, Agiti a nɛgiĩ Adoniya na á goã n yiri koɛ kiibaa ganaa bɛ̀ á n pii: «Masɛ din lɛ n die kii biɛ!» Á ga ziabaa ǹ wotoro goon li, ka sùidɛnan laanka min posooro ne, bɛn nə́ goã a nyɛɛnɛ baa sii.

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin1 12:14

Min tenən lɛn nə yiri mɛn kɔ la, a na á boo da ka zaman lɛ nɛ, á kɔnpɛ ka bɛ nɛ: «Maa díi guĩ guguru da ka mìi ni, masɛ n die màn diɛ bɛa guĩ lɛ li, maa díi na á ka duwəə ka sɛ̌n nɛ, masɛ n die ka duwii ka sɔsɔrɔ kiɛdɛnan nɛ.»

Loen 111:9

Dɛnaa Lawa din na á ná a minin si sii la, á lɛ kɔ kɔn la wɔ ǹ nɛ yǎa duduu. Dɛnaa Lawa tɔ lɛ n siĩni, a n gole.

Loen 119:81

Man má n foo doa n din a da ǹ boo ganaa. Má n yii da n kirisibaa kɛ la, má nɔmaa.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Loen 62:2

Man boe la ma goã là nyɛɛ la kun ka Lawa dinsɔɔ̃ nɛ, maa kirisibaa n boe a din li.

Loen 89:3

Hiĩ, man pii: N bǐɛ̃ duduu kɛ n goɛ̃ miɛ̃. Lon gɔ́ɔ̃ nɛ, ń nə́ n peperebaa koa. N kɔn-narɛɛ gole kɛ dɔ giala n we-n ka kaka, ka lon bɛ́ lɔn.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 27:6

Biikoo á re doe, Zakɔba a zaman tá re gòon dii boe. Izirayeli á re gùrù ten boe, a buũ kɔ. Kanaa á re piɛ̃ ka a nɛn nɛ.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 33:21

Bɛa yɔrɔ lɛ la, ma lɛkɔ mɛn wɔ maa dí-nyali Davida nɛ, bɛ dɔ a sàabiɛ doɛ̃ wa. Bɛ lɛ nɛ, duduu, min tá re yii Davida tɔrɔ lɛa a giã a kii dankan la. Duduu, Levii tɔrɔn tá re yii Lawa a wúlu-bɔlen lɛa ǹ dí nya ma nɛ.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Nya ǹ dín 13:34

Lawa bɛ́ a ná a yii kaa á bɔ geren bii ke, a gere ná a bɔɔ̃ duduu wa, bɛ na á n zɛnaa á kɔnpɛ ka boo kɛ nɛ á n pɛ: «Masɛ lɛ kɔ Davida la ka màn sonboren mɛnɛn nɛ, ǹ nə́ taãn-taãn dɔn, man die bɛn koe ka la.»

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.

Samayeli1 2:35

Masɛ n die bɔlɔgoondɛnaa koɛ maa wúlu-bɔle lɛa. A sii zɛnaa tá re kɔnpii ka ma foo dùũ ni. Ma á die toɛ a nɛnyaanan nə wúlu-bɔlen baa miɛ̃ duduu. Ma kii mɛn bɔ, á re tɔ we bɛ yɔrɔ-a biikoo yii li.

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.