Samayeli2 22:51 - LAWA A BOO SONBORE

⁵¹ Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

LAWA A BOO SONBORE 2011

⁵¹ Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

Samayeli2 22:51 Iomraidhean Croise

Samayeli2 22:2

Dɛnaa Lawa n ma tamaali lɛa, a din nə maa duru ǹ bǎã lɛa, a din nə maa si sii la wole lɛa.

Samayeli2 23:1

Davida n Zesee a nɛgiĩ lɛa, a n min lɛa Lawa koa gole. Zakɔba a Lawa lɛ na á bɔ á koa kii lɛa. Izirayeli minin bɛ́ loe kɔɔ̃nɔn mɛnɛn loe, a din na á bɛn bɔ. Davida lɛ a boo giala nyɔmiɛ̃n man ka kɛn nɛ.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Loen 144:10

N din nə gɔ̀lɔ̀baa koe kiin la, n din nə Davida kirisibiɛ,

Loen 18:50

Bɛ lɛ n ke, Dɛnaa Lawa, ma á re n tɔ boe tɔrɔn bii. Ma á re loe loe, ma n tɔ guguru kɔ nɛ.

Loen 21:1

LOE-saalin goledɛnaa loe mɛn lɔ. Davida a loe.

Loen 3:3

Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

Loen 48:3

Kele sasa siĩni, kanaa tumaa a nyɛnyɛɛ ǹ màn, *Siɔn kele lɛ nɛ, gɔsɛ a lɛ̀gɔn la kii gole a kiwi ni.

Loen 89:20

Ǹ kɔn pinaa, ń nə́ n din nyaa, ń boo da n lɛ-silin man kɛnɛn: Má n dɔ giĩ foo taãnaa kɔn lɛ, má tɔntɔraa goon mìi saa lon, maa zaman lɛ bii.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Loen 89:26

Ma á re pàã koe la yìsi mu la, ma á re koe la tàn dɔn la.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Loen 89:36

Man má bɛa liɛ kɛ lɛ wɔ, gunyin goon toto, má koa ma din Lawa a siĩnbaa kɛ la. A na a tan yǎa duduu, ma a re Davida bebele wa.

Loen 91:2

bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

Zeremii 30:9

Sɛnɛ, maǹ die dí nyɛɛ masɛ din Dɛnaa Lawa, ǹ Lawa nɛ. Ǹ tá re dí nyɛɛ ǹ kii Davida a kion min kɛ nɛ, ma á re koɛ ǹ mìi la.»

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»