Samayeli2 22:3 - LAWA A BOO SONBORE

³ Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

LAWA A BOO SONBORE 2011

³ Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Samayeli2 22:3 Iomraidhean Croise

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Samayeli2 22:31

Lawa din a zii lɛ n pepere, bɛ̀ Dɛnaa Lawa boo mɛn da a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

Samayeli2 22:47

Dɛnaa Lawa á boe sii la. Ma tamaali ni, ma á barka diɛ nɛ. Lawa n ma kirisibaali lɛa, ma na a din tɔ boe.

Samayeli2 22:49

Dɛnaa Lawa, n din nə ma kanbiɛ maa zɔ́ɔn ganaa, n din nə ma biɛ gɔ̀lɔ̀ lɛa maa zɔ́ɔn kɛn mìi la, n din nə ma kanbiɛ min kakaarɛn kɛn ganaa.

Samayeli2 22:51

Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Loen 14:6

Min baraan lɛn man doobaan laadoo siin ziziɛ̃, sɛnɛ, Dɛnaa Lawa din nə ǹ kaamayele wole lɛa.

Loen 140:1

LOE-saalin goledɛnaa loe mɛn lɔ. Davida a loe.

Loen 140:11

Toa tɛ nàn nə kaa ǹ la, ǹ nyɛnaa ǹ nə ǹ zũ tɛ-n, n nə ǹ zũ nyankɔrɔ zuzulu kɛ nɛ, ǹ baran boo la ǹ soo duduu wa.

Loen 140:4

Maǹ nə́ n lɛ loe sii baraa li, ka miɛ̃ bɛ́ lɔn, sèwò baraa nə n lɛ giulun, ka miɛ̃ baraa bɛ́ lɔn. *Doa

Loen 142:4

Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

Loen 144:2

A din nə maa dàã lɛa, ma gòãn doa ǹ bǎã kaka nɛ. A din nə ma tamaɛ, a din nə ma boe sii ni. Maa goóro ne, ma nə n duri a din li. A din na á tɔrɔ kɔsɔn kɛn kaa maa pàã giulun.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 27:5

A giala, bɛ̀ koe daa ǹ mɛn pinaa, a din nə ma duri a giã ǹ bǎã nɛ. A din nə n koe ma lɛ a kion kɛa dɔndɔɔn nɛ. A din nə ma koɛ kele lalan, sii kɔn ná a doe ma ganaa wa.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 3:3

Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

Loen 32:7

N din nə ma duru ǹ bǎã lɛa ma zɔ́ɔn la, n din nə ma kanbiɛ fuu ganaa, n din nə toɛ ma á kirisibaa ǹ loe loe bǎã yii ni. Doa.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:2

Wɔsɛn man kiɛ Lawa yele, a din nə wɔ pàã lɛa, a din nə dɔmalɛ wole lɛa biikoo tumaa li nɔmaa gɔ́ɔ̃ nɛ.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 5:12

Sɛnɛ, min mɛn tumaa bɛ́ kiɛ n yele, bɛn foo á re kɔɔ̃n koe. Ǹ tá re n nyɛnyɛɛ biikoo tumaa li. N din tá re ǹ tamaɛ. N tɔ kɛ bɛ́ kɔɔ̃n min mɛnɛn ganaa, n tá re nyɛnyɛɛ koe bɛn la.

Loen 55:9

Bɛ̀ ma á re duru ǹ bǎã yii fufuu, a ma si piɛ̃ gole kɛ la.

Loen 59:16

Maǹ giɛ paǹ din tumaa li, màn li ǹ tá bii. Bɛ̀ ǹ màn yɛ á ǹ kã wa, maǹ zùũzùũ sii.

Loen 61:3

Bɛ̀ ma á sɔsɔɔ maa gána ganaa, má n ma a boe sii kɔn la wa, man lɛ diɛ n la. Ma din bɛ́ ma a doe kele mɛn mìi-n, man duru wa, wo ma-n walan.

Loen 71:7

Min gigiã yɔrɔ-a, man má goã gama-a ǹ màn lɛa, a giala, n din nə́ ń goã ma tamaali sonbore lɛa.

Loen 72:14

Min mɛnɛn bɛ́ n kakaarɛ koe ǹ ganaa, ǹ nə́ ǹ nɔmɛɛ, á re ǹ sii bɛn la, a giala, mà ǹ nyin lɛ barka á gole a yii li.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 84:9

Dɛnaa Lawa, Lawa Pàãyiidɛnaa, n too kɔ maa nyankɔ li. Zakɔba a Lawa, n too da ma lon. Doa

Loen 86:14

Lawa, din-koalin nə́ yoo ma gialaa, min babaraan nə́ n lɛ kaa kun, ǹ nə́ giɛ maa gɛ̀ li, ǹ ba n yiri koɛ nsɛ Lawa din li wa.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Loen 9:9

A n gánan sii yɔrɔ boe ka sonborebaa nɛ, a n min tumaa a kiri we ka peperebaa nɛ.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Suusun 30:5

Dɛnaa Lawa a boo tumaa na á kɔnbɔ ka foo doa ma-a nɛ, min mɛnɛn bɛ́ ǹ nə́ baa ǹ foo doa ǹ bǎã lɛa, a n goóro lɛa ǹ tamɛɛ.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Zeremii 16:9

Masɛ Pàãyiidɛnaa Lawa, Izirayeli a Lawa a da ǹ boo á ke: «Ma á re zɔ́n bìn diɛn lɛ kuri, foo kɔɔ̃n lɛ-dɛn nɛ ka kɔn-wɔle tiin loen ne. Bɛ n die n zɛnɛɛ ka yii ni kaa yiikoonaabaa gɔ́ɔ̃ nɛ kànaa dinin.»

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Luku 1:69

A na á nyin-sili kɔ wɔ la, bɛ n nyin-sili pàãdɛnaa lɛa. Bɛ na a din a dí-nyali Davida a nɔ̀ɔn lɛa, Davida mɛn bɛ́ á goã wɔa kii gole lɛa.

Luku 1:71

mà asɛ á re wɔ boe wɔa zɔ́ɔn gɔn, mà asɛ á re wɔ kirisibiɛ wɔa zɔ́ɔn ganaa.

Timəə dí-pɛn 32:37

Bɛa biikoo li, á re pii: «Kaa lawan lɛn nə́ maa, ka bɛ́ ká goã n foo doɛ ǹ mɛnɛn lɛn ganaa, mà ǹ tá re ka tamaɛ, ǹ nə́ maa?

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Tiitii 3:4

Sɛnɛ, wɔ Kirisibaali Lawa bɛ́ a ná a sonborebaa laanka a minin narɛ ǹ sii zɛnaa minbuiinin ni,

Tiitii 3:6

Lawa na á bɛa Yiri Fu lɛ gisĩ wɔ la gigiã, wɔ Nyin-sili Yezu *Krita barka nɛ.

Ebrəə 2:13

Á pɛ doo: «Man die n foo doɛ Lawa din ganaa.» Ka bɛ dɔ-n doo: «Ma á ke, n din Lawa minin mɛnɛn kɔ ma la, ma laanka bɛn manɛ.»

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.