Samayeli2 22:29 - LAWA A BOO SONBORE

²⁹ Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

LAWA A BOO SONBORE 2011

²⁹ Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

Samayeli2 22:29 Iomraidhean Croise

Samayeli2 21:17

Sɛnɛ, Seruzaa a nɛgiĩ Abisayii daa n dɔ Davida lɛ, á Filisiti min lɛ dɛ á gã. Bɛ kio, Davida a zia-baalin nə́ n liɛ nɛ ǹ nə́ pɛ nɛ mà a ba woe ziabaa ǹ bǎã-n kun ka ǹsɛn nɛ doo, n Izirayeli minin yaa kiɛ̃ goɛ̃ kii wɛɛ̃ nɛ ǹ kɔn pinaa wa.

Kiin1 11:36

Sɛnɛ ma á die tɔrɔn lɛn goon toɛ Salomɔn a nɛgiĩ gɔn, màn mɛn bɛ́ toɛ, maa dí-nyali Davida lɛ tɔrɔ die a goã kiibaa la miɛ̃, ma yɔrɔ-a Zeruzalɛmu kiwi kɛ nɛ, má bɔ má n tɔ da la.

Zɔbu 29:3

A din a bolon kɛ bɛ á goã ma mìi la, má goã tɔ we bɛ lɛ a fúlu li tèlò-n.

Loen 112:4

Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Loen 18:28

Ǹ bɛ́ koe boe min mɛnɛn ganaa, n din nə bɛn kirisibiɛ. Min mɛnɛn bɛ́ n dinin gole koe, n din nə bɛn gisĩ.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 4:6

Ka wúlu mànan kɔ Dɛnaa Lawa la, ká a din pɛ lɔn. Ka n foo doa Dɛnaa Lawa ganaa.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 97:11

Lawa a bǐɛ̃baa n yui, min pepere a lɛa, ka tɛ fúlu bɛ́ lɔn, bɛ n nyɛnyɛɛ koe gɔ́ɔ̃ fudɛnan la.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Misee 7:9

Wɔ bɛ́ n wɔ́ sii la Dɛnaa Lawa la, bɛ lɛ n ke, a foo yoo wɔ li. Wɔ doamaa-n wɔ bɛ lɛ a dɔlɔ si wɔ ganaa. Sɛnɛ, a pinaa á die, á die n mìi koɛ wɔa sii li, á die sonbore koe wɔ la. Á die wɔ wɛɛ a wɔ kaa wɔlɔ fúlu li, wɔ á die giɛ a peperebaa ǹ dí kɛ ganaa.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.