Samayeli2 22:1 - LAWA A BOO SONBORE

¹ Dɛnaa Lawa Davida si a zɔ́ɔn tumaa la ǹ mɛn pinaa, a si Sayulu din la ǹ mɛn pinaa, Davida na á bɛ lɛ a loe lɔ á pɛ:

LAWA A BOO SONBORE 2011

¹ Dɛnaa Lawa Davida si a zɔ́ɔn tumaa la ǹ mɛn pinaa, a si Sayulu din la ǹ mɛn pinaa, Davida na á bɛ lɛ a loe lɔ á pɛ:

Samayeli2 22:1 Iomraidhean Croise

Samayeli2 12:7

Natan tɔ́n pɛ Davida nɛ: – Giĩ mɛn bɛa sii lɛ zɛnaa, n din ni. Dɛnaa Lawa mɛn bɛ́ Izirayeli minin Lawa lɛa, bɛa da ǹ boo n ka kɛ nɛ: «Ma din ni má n bɔ má n koa Izirayeli minin kii lɛa, ma din ni má n si kii Sayulu la.

Samayeli2 22:49

Dɛnaa Lawa, n din nə ma kanbiɛ maa zɔ́ɔn ganaa, n din nə ma biɛ gɔ̀lɔ̀ lɛa maa zɔ́ɔn kɛn mìi la, n din nə ma kanbiɛ min kakaarɛn kɛn ganaa.

KZS1 16:7

A din pinaa kɛ lɛ dɔ nɛ a bibinaa lɛa, Davida zii kɔ Asaafu la ka ǹ dɔɔ̃nɔn nɛ, mà ǹ loe lɔ ǹ Dɛnaa Lawa tɔ bɔ nɛ.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Loen 50:14

Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Korɛnti2 1:10

A din na á ma kirisibaa bɛ miã gɛ̀ kɛ lɛ ganaa. Á re ma kirisibiɛ doo dinin. Hiĩ, man má n foo doa a din lɛ ganaa, á tɔn die ma kirisibiɛ doo.

Timəə dí-pɛn 31:30

Bɛ kio, Muizu bɛa loe lɛ lɔ Izirayeli zaman lɛ tumaa yii ni, yǎa á nya. LOE lɛ á ke:

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Sii yɔrɔ-bɔlen 5:1

Bɛa pinaa lɛ nɛ, Deboraa laanka Abinoamu a nɛgiĩ Baraki loe lɔ kɛnɛn:

Samayeli1 23:14

Davida giã Ziifu diə gole ne, á goã duru ǹ bǎãn nɛ, kele yii ni. Bɛa biikoo kɛ lɛ yii gɔ́ɔ̃ nɛ, Sayulu goã giɛ Davida li, sɛnɛ, Lawa wɔ a gɔn wa.

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.

Samayeli1 25:29

Min nə́ yoo n gialaa, á n giɛ li a n dɛ, n gã, sɛnɛ n Lawa, Dɛnaa Lawa lɛ á die n tamaɛ, ka min bɛ́ pàãmabaa ǹ màn tamaɛ lɔn, màn kɔn ná a ba toɛ̃ n ganaa wa. N zɔ́ɔn kɛn sɛn, Dɛnaa Lawa á re ǹ lɛ koe, ka min bɛ́ kɔlɔ diɛ baragii ni a zũ lɔn.

Samayeli1 26:24

Ma bɛ́ ma sàn kɔ ka n yiikoonaabaa n lɔn pelo ke wa, Dɛnaa Lawa die a masɛ dɔ wɔ lɛ kũ miɛ̃, ka bɛ dɔ nɛ, Dɛnaa Lawa die a ma kanbaa foo ziziɛ̃ ǹ sii tumaa ganaa.»

Samayeli1 27:1

Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»