Samayeli2 21:16 - LAWA A BOO SONBORE

¹⁶ Yiisibii-Benɔbu mɛn bɛ́ Harafaa tɔrɔn kɛn min goon lɛa, a na á goã bɛ gɔ́ɔ̃ nɛ, mà a Davida dɛ. Gɔya sà dii na á goã a ganaa ka sɛmiɛ̃ nɛ. Bɛa sɛmiɛ̃ lɛ nàn na á n zɛnaa ka zan nɛ, a gugurubaa á doe kilo sɔɔ.

LAWA A BOO SONBORE 2011

¹⁶ Yiisibii-Benɔbu mɛn bɛ́ Harafaa tɔrɔn kɛn min goon lɛa, a na á goã bɛ gɔ́ɔ̃ nɛ, mà a Davida dɛ. Gɔya sà dii na á goã a ganaa ka sɛmiɛ̃ nɛ. Bɛa sɛmiɛ̃ lɛ nàn na á n zɛnaa ka zan nɛ, a gugurubaa á doe kilo sɔɔ.

Samayeli2 21:16 Iomraidhean Croise

Siin Giala 14:5

A lɛ̀ fulusiibaa ǹ wɔ, Kedɔrlomɛɛrɛ laanka ǹ miã kiin mɛnɛn bɛ́ kun ni, ǹ nə́ daa kɔ Astaarɔti-Karnayimu kiwi lɛ, ǹ nə́ Refaa tɔrɔn dɛ walan. Bɛ kio, ǹ nə́ Zuzu tɔrɔn dɛ Hamu kiwi. Ǹ nə́ Emu tɔrɔn dɛ Kiriata a diə fúlu ni.

Siin Giala 6:4

Bɛa waáraa, haalɛ bɛ dɔ din kio, min sasa gegeren nə́ goã kanaa lɛ nɛ. Lawa a nɛnyaanan nə minbuiinin nɛlɔn mɛnɛn bɔ, ǹ nə́ nɛnyaanan yɛ ǹ la, bɛn lɛn tɔrɔn manɛ. Ǹ dinin lɛn man nə́ goã min gegere pàãdɛnan lɛa lɛlɛ, ǹ tɔ bɔ parsiini.

Samayeli2 21:18

Bɛ dɔ kio, ǹ nə́ zia kɔsɔ baa Filisiti minin lɛn ganaa Gɔbu kiwi. Sibekayii na á Usaa tɔrɔ Saafu dɛ bɛa zia lɛ gòã wuu li. Saafu lɛ n Harafaa tɔrɔ min goon lɛa.

Samayeli2 21:20

Zia kɔsɔ dɔ́ yɛ Gaati kiwi. Giĩ sasa gegere goon goã walan, zawaa lɛa. Gòon sɔsɔrɔ na a gɔnɔn ganaa, sɔsɔrɔ na a gòãn ganaa. Ǹ tumaa a kaa kun nə fuəwensii. A dɔ na á goã Harafaa tɔrɔ lɛa.

Samayeli2 21:22

Bɛa min sii kɛ lɛ na á goã Gaati min Harafaa tɔrɔn lɛa. Davida laanka a zia-baalin lɛn man nə́ bɛn lɛn dɛ.

Samayeli2 5:18

Filisiti minin lɛn bɛ́ ǹ nə́ dɔ, ǹ nə́ n nyɔmaa Refayimu tɔrɔn nyankɔrɔ basa kɛ nɛ.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Minin nimi 13:28

Sɛn kəni, pàã tá gána lɛ a minin lon, ǹ kiwin nə́ dadara, kungɔn nə́ pɛnɛɛ nɛ ǹ ganaa sɔnbɔraanɛ. Wɔ Anaaki tɔrɔn dinin yɛ a nɛ.

Timəə dí-pɛn 1:28

Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Timəə dí-pɛn 2:10

Emimu tɔrɔn man nə́ goã gána lɛ-n lɛlɛ. Pàã goã ǹ lon, ǹ nə́ gigiã sɔsɔrɔ ka Anaaki tɔrɔn kɛn bɛ́ lɔn.

Timəə dí-pɛn 2:11

Maǹ nə́ goã ǹ dɔn bíi Refaa tɔrɔn ka Anaaki tɔrɔn kɛn bɛ́ lɔn. Sɛnɛ, Moabu tɔrɔn lɛn man nə́ goã ǹ bíi Emimu tɔrɔn.

Timəə dí-pɛn 2:21

Pàã na á goã ǹ lon, ǹ nə́ gigiã, sɔsɔrɔ ka Anaaki tɔrɔn kɛn bɛ́ lɔn. Sɛnɛ, Dɛnaa Lawa nə́ ǹ dɛ, á ǹ bɔ Amɔn tɔrɔn lɛn nyɛɛnɛ. Bɛn nə́ ǹ bǎã si, ǹ nə́ giã a nɛ.

Timəə dí-pɛn 3:11

Basanan kii Ɔgu dinsɔɔ̃ na á goã Refayimu tɔrɔn lɛn min giala-nyɔmiɛ̃ lɛa. Ǹ na a gere da goo mɛn nɛ, fɔlɔ goo ne. A din lɛ n ke tɔn Amɔn tɔrɔn kɛn kiwi Rabaa. A sasabaa n mɛtərə sii ka talɛɛ, a gɔ́ɔ̃ a golebaa n mɛtərə paa.

Timəə dí-pɛn 9:2

Sanparɛ Anaaki tɔrɔn kɛn mɔnaa nɛ, sɔsɔrɔ dɔn. Ka tá doɛ̃, ǹ bin pɛ, ká ma dɔn dinin mà die n boe la a golee Anaaki tɔrɔn kɛn nyɛɛnɛ?

Zozoe 11:22

Anaaki tɔrɔ goã Izirayeli gána-n doo wa, yǎa Gaazaa kiwi ka Gaati laanka Asidɔdi kiwi ni.

Zozoe 15:14

Kalɛbu Anaaki tɔrɔn kɛn tanlɛ sɔɔ kɛa minin loo á ǹ bɔ walan: Sesayii a tanlɛ minin manɛ, Ayiman wɔn nɛ ka Talmayii wɔn nɛ. Bɛn man Anaaki tɔrɔn lɛa.

Samayeli1 17:7

A sɛmiɛ̃ mɛn goã a gɔn bɛ na á goã gole ka kurunbirin ni. Sɛmiɛ̃ lɛ a nàn a gugurubaa goã á dɔ kilo sɔbaa kɛ miã. Min mɛn goã góoro guĩ, bɛ́ goã tɔ we Goliati nyɛɛn nɛ.