Samayeli2 21:12 - LAWA A BOO SONBORE

¹² Davida yoo, á woo Sayulu laanka a nɛgiĩ Zonaatan wen si Zabɛsi kiwi a pàãdɛnan kɛn la, Galaati gána nɛ. Sonbore, Filisiti minin bɛ́ ǹ nə́ Sayulu dɛ Gilboa ǹ mɛn pinaa, maǹ ná a laanka Zonaatan gere lɔɔ lon bii-a Bɛti-Seyan kiwi. Zabɛsi minin lɛn dɔn man nə́ woo ǹ geren lɛn koã walan.

LAWA A BOO SONBORE 2011

¹² Davida yoo, á woo Sayulu laanka a nɛgiĩ Zonaatan wen si Zabɛsi kiwi a pàãdɛnan kɛn la, Galaati gána nɛ. Sonbore, Filisiti minin bɛ́ ǹ nə́ Sayulu dɛ Gilboa ǹ mɛn pinaa, maǹ ná a laanka Zonaatan gere lɔɔ lon bii-a Bɛti-Seyan kiwi. Zabɛsi minin lɛn dɔn man nə́ woo ǹ geren lɛn koã walan.

Samayeli2 21:12 Iomraidhean Croise

Samayeli2 1:21

Gilboa kelen lɛn, pele nyan kɔ ka la doo wa, la nyan kaa ka la doo wa. Wuru nyan yɛ walan doo, ǹ màn lɛ bibinaa bɔ a-n wa. A giala, walan lɛ nɛ, zia-baalin goóro *gɔ̀ baa. Sayulu a goóro ke, nyɔɔ goã n loe a ganaa wa,

Samayeli2 1:6

Tɔntɔraagiĩ lɛ tɔ́n pɛ nɛ: – Sii lɛ bɛ́ n zɛnɛɛ, bɛ̀ masɛ n Gilboa kele la. Ma bɛ́ giɛ, bɛ̀ Sayulu á ke walan n din we a sɛmiɛ̃ lɛ, zɔ́ɔn ziabaa ǹ wotoron laanka sùidɛnan nə́ giɛ li ǹ nə́ doe a ganaa.

Samayeli2 2:4

Zudaa minin nə́ daa, ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa kii lɛa Zudaa gána mìi la. Ǹ nə́ daa pɛ Davida nɛ, mà Zabɛɛsi kiwi mɛn bɛ́ Galaati gána nɛ, mà bɛ lɛ a minin man nə́ Sayulu gere bĩ.

Samayeli2 21:11

Ayia a nɛlɔ Rispaa kɛ lɛ á goã Sayulu a lɔ lɛa, bɛ sii mɛn zɛnaa, ǹ ná a boo da Davida nɛ.

Samayeli2 21:13

Davida Sayulu laanka a nɛgiĩ Zonaatan wen lɛn waa Zabɛsi á woo ǹ ne. Ǹ min sɔbaa mɛn dɔ dɛ, ǹ nə́ bɛn dɔn wen waa,

KZS1 10:1

Filisiti minin nə́ yoo ka zia nɛ Izirayeli minin ganaa. Izirayeli minin lɛn nə́ n gòã da baa nɛ ǹ nyɛɛnɛ. Sɛnɛ, Filisiti minin lɛn nə́ ǹ dɛ ǹ nə́ ǹ kaa tán Gilboa kele la.

KZS1 10:12

Giĩ mɛnɛn tumaa bɛ́ doa boe bɛn nə́ tɔ́n woo Sawulu laanka a nɛgiĩn lɛn geren goa ǹ nə́ daa ǹ nɛ Zaabɛsi. Ǹ nə́ ǹ wen bĩ tán Zaabɛsi kiwi a Terebɛnti da kɛ giulun. Bɛ kio, ǹ nə́ n lɛ sɔɔ lɛawaa sɔbaa

KZS1 10:8

Bɛa lɛawaa, min mɛnɛn nə́ gã, Filisiti minin lɛn nə́ daa mà man die bɛn mànan wɛɛ, ǹ nə́ tɔ́n Sayulu laanka a nɛgiĩ sɔɔ lɛ yɛ tán ǹ nə́ gã Gilboa kele la.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Samayeli1 28:4

Ǹ kɔn pinaa Filisiti minin lɛn nə́ n sɔkɔn, ǹ nə́ daa giã Sunɛmu. Sayulu dɔ́ Izirayeli minin tumaa sɔkɔn, ǹ nə́ giã Gilboa.

Samayeli1 31:1

Filisiti minin lɛn nə́ yoo ka zia nɛ Izirayeli minin ganaa. Izirayeli minin lɛn nə́ n gòã da baa nɛ Filisiti minin lɛn nyɛɛnɛ, sɛnɛ, Filisiti minin lɛn nə́ ǹ dɛ ǹ nə́ ǹ kaa tán Gilboa kele la.

Samayeli1 31:3

Zia lɛ a guguru yɔrɔ na á n dia Sayulu la. Min mɛnɛn bɛ́ sa zuĩ, bɛn gɔn Sayulu kũ, á wɔ a ganaa.

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.