Samayeli2 21:10 - LAWA A BOO SONBORE

¹⁰ Ayia a nɛlɔ Rispaa mɔnaa kəkə saa á naa tán gɛ̀fu la. Á giã walan, a saa ɔrzi kurii waáraa ganaa, yǎa la wusoo á kaa, á daa nɛnyaanan lɛn gere yaa tán. Bɛ̀ lɛ̀ waa, a toɛ bàanan tá miɛ̃ ǹ gere la wa. Tèlò-n, a na á goã don màn babaraan lui ǹ gere ganaa.

LAWA A BOO SONBORE 2011

¹⁰ Ayia a nɛlɔ Rispaa mɔnaa kəkə saa á naa tán gɛ̀fu la. Á giã walan, a saa ɔrzi kurii waáraa ganaa, yǎa la wusoo á kaa, á daa nɛnyaanan lɛn gere yaa tán. Bɛ̀ lɛ̀ waa, a toɛ bàanan tá miɛ̃ ǹ gere la wa. Tèlò-n, a na á goã don màn babaraan lui ǹ gere ganaa.

Samayeli2 21:10 Iomraidhean Croise

Siin Giala 40:19

Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

Samayeli2 21:11

Ayia a nɛlɔ Rispaa kɛ lɛ á goã Sayulu a lɔ lɛa, bɛ sii mɛn zɛnaa, ǹ ná a boo da Davida nɛ.

Samayeli2 3:7

Lɔ kɔsɔ goã Sayulu gɔn li, a tɔ n Rispaa, Ayiyaa a nɛlɔ nɛ. Ǹ kɔn pinaa, Isbosɛti pɛ Abnɛɛrɛ nɛ: «Wàa na á baa ń giã kun ka masɛ a díi a lɔ nɛ?»

Kiin1 21:27

Akaabu bɛ́ á bɛa boon lɛn ma, á na a mɔnaan kũ á tɔtoɛ̃, á gɛ̀ koa ǹ mɔnaa wɔ a din-a, á n lɛ sɔɔ. A na á goã wɛɛ tán ka bɛa gɛ̀ koa ǹ mɔnaa lɛ nɛ a ganaa. A na á goã tɔ dɔ we ne sɛlɛlɛ nɛ.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Ezekieli 39:4

N din ni, n sɔraasin ni ka zaman mɛn tumaa dɔ bɛ kunun n ni, ka tumaa á re giɛ̃ Izirayeli a kelen kɛn la. Ma á re n gere koe zèwon la, bàan mɛn tumaa bɛ́ siĩ mui, ka don màn babaraan tumaa nɛ.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Zowɛli 1:18

Á ke, tɔɔn lɛ-baa ba nɛn wa! Diin manə n binbirin boe, buu sɔ̃ ǹ bǎã banban. Bòen laanka sèren, bɛn dɔn dinin nə́ pɛpɛrɛ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zakarii 10:1

Ka la mu nyɔɔbaa nyankɔ Dɛnaa Lawa la, a din nə die ka la nɛ. Á re la gigiã koe ka la, kaa wuru gɔ́ɔ̃gɔ́ɔ̃ ǹ mànan nə siĩn kɔ.

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Timəə dí-pɛn 21:13

dɔnkɛ mɛn goã a ganaa bɛ̀ ǹ bɛ́ kuĩ kòso nɛ lɛa a bɛ bɔ, a giã giĩ lɛ a kion, a na kɔn-a ke ǹ di laanka ǹ dan nɛ, a bɛa wuu pɛ mui goon lɛpiɛ̃. Bɛ kio kəni, giĩ lɛ á boe la a n mɔrɔ a ganaa a n zuũ baa, lɔ lɛ na a dɔ wɔ baa.

Timəə dí-pɛn 21:22

Bɛ̀ min na á sii baraa zɛnaa a doamaa-n ka gɛ̀ nɛ, bɛ̀ ká dɛ ká a gere lɔɔ lon da ganaa,

Timəə dí-pɛn 21:23

ka nyan toa a gere lɛ lɛ̀ waa da lɛ ganaa wa. Ka doamaa-n ka bĩ a din pinaa. A giala, bɛ̀ ǹ nə́ min dɔ gere lɔɔ lon miɛ̃, Lawa na á koe bɔ bɛa dɛnaa ganaa. Bɛ lɛ nɛ, kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka nyan toa ka a tán zaãbaa wa.

Samayeli1 17:44

Filisiti min lɛ pɛ Davida-n doo: «Kiɛ̃ n da kànaa, man siĩ kɔ bàanan laanka don mànan la.»

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.