Samayeli2 20:1 - LAWA A BOO SONBORE

¹ Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

LAWA A BOO SONBORE 2011

¹ Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Samayeli2 20:1 Iomraidhean Croise

Siin Giala 46:21

Bɛnzamɛn laanka a nɛnyaanan: Belaa, Bekɛri, Asibeli, Geraa, Naaman, Ehii, Rɔsi, Mupimu, Hupimu, Arde.

Samayeli2 15:10

Abusalɔn minin dia Izirayeli minin lɛn tumaa li, á pɛ ǹ nɛ: – Bɛ̀ ká bɛn wuu ma lɔn, ka n lɛ dɛ ka pɛ: «Abusalɔn kii baa Ebrɔn.»

Samayeli2 16:11

Davida pɛ Abisayii laanka a dí-nyalin tumaa nɛ: «Bɛ̀ maa nɛgiĩ, masɛ din a yɛ ǹ nɛ tá giɛ li a ma nyin bɔ, sanparɛ ka Bɛnzamɛn tɔrɔ min kɔsɔ kɛ nɛ? Bɛ̀ Dɛnaa Lawa na á pɛ nɛ, mà a lɛn baraa lɛ bíi, ka toa a bíi.

Samayeli2 16:7

Simeyii goã màn mɛn diɛ a lɛn babaraa bíi lɛ gɔ́ɔ̃ nɛ, bɛ n ka kɛ nɛ: «Woo n nə n bɔ kànaa, woo n nə n bɔ kànaa, min babaraa, gɛ̀-dɛle.

Samayeli2 18:17

Ǹ nə́ Abusalɔn gere saa, ǹ nə́ zũ nyankɔrɔ gole kɔn nɛ daã lɛ nɛ, ǹ nə́ kɔlɔ goa, ǹ nə́ dɛrɛ kɔn la a lalan. Bɛa biikoo li, bɛ̀ Abusalɔn a zia-baalin lɛn gogoonmaa á baa la woe piɛ.

Samayeli2 20:2

Izirayeli minin lɛn tumaa sawaa ǹ nə́ n bɔ Davida kio, ǹ nə́ kaa Bikrii a nɛgiĩ Sebaa kio. Sɛnɛ, Zudaa minin lɛn sɛn nə lɛ kɔ ǹ nə́ n na ǹ kii lɛ ganaa wa. A kũ Zurdɛ̃ tà lɛ-a ganaa, ǹ nə́ da zii miɛ̃, yǎa Zeruzalɛmu kiwi.

Samayeli2 20:22

Lɔ lɛ woo dɔ zaman lɛ tumaa li ka a sii-doɛ̃ boo lɛ nɛ, a ná a yɔrɔ nyaa ǹ nɛ. Ǹ nə́ Bikrii a nɛgiĩ Sebaa mìi kuru, ǹ nə́ zũ Zoabu la. Bɛ kio, Zoabu bɛn pɛ. Zia-baalin lɛn nə́ n zɔ̃ ǹ nə́ n bɔ kiwi lɛ ganaa, ǹ nə́ sasawaa, didie woo piɛ. Zoabu sɛ nə́ n bɔyaa á woo kii li Zeruzalɛmu.

Samayeli2 23:6

Sɛnɛ, min baraan kɛn tumaa n ka nyan bɛ́ lɔn ǹ tá n nyɛnɛɛ ǹ nɛ, min ba kuĩ ka a gɔn nɛ wa.

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

KZS2 10:16

Izirayeli minin lɛn bɛ ǹ nə́ yɛ mà kii lɛ ba n too koe ǹsɛn lon wa, ǹ na a lɛ si ǹ nə́ pɛ: «Wɔa sii kɔn ba Davida wɔ li wa! Wɔa sii kɔn ba kun Zesee a nɛgiĩ kɛ wɔ n wa! Izirayeli minin, ka wɔ n ta piɛ! Nsɛ Davida a nɛgiĩ, ga n gána walan sisia kəni!» Yǎa Izirayeli minin nə kiɛ̃ ǹ wo piɛ.

KZS2 10:6

Min golen mɛnɛn nə goã dí nyɛɛ ǹ di Salomɔn giulun bɛ̀ a yii bɛ́ tɔn koo, kii Roboamu nɔ̀n da bɛn la ka doroo ne á pɛ: «Ka n yiri waa koe ma la, ma die ma zaman kɛ lɛ si ni?»

Loen 17:13

Dɛnaa Lawa, n din yoo n nə n da ǹ lɛ, n nə ǹ dɛ n nə ǹ kaa tán. N din ma kirisibaa zɔ́ɔn lɛn ganaa, ka n gɔya sa kɛ nɛ.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Suusun 25:8

N sii mɛn yɛ, n nyan saa lɛlɛ n bɛ pɛ fufuu kiri wɔ ǹ bǎã-n wa. Bɛ̀ n zɔ́ɔ nyaa mà sonbore ba n lon wa, ma nə n biɛ lɔn bɛ kio?

Suusun 26:21

Nyɔɔ bɛ́ tɛ nàn biɛ lɔn, gɔn bɛ́ toɛ tɛ á kuĩ lɔn, zia-dali n tɛ zoɛ̃ zia ganaa miɛ̃.

Marki 3:24

Bɛ̀ gána mɛn a minin tá zia diɛ kɔn ganaa, bɛa gána lɛ a boe la a bǐɛ̃ kɔ wa.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Zaã a sɛ́wɔ 13:8

Piɛrɛ tɔ́n pɛ nɛ: «Boɛɛ wa! N ba masɛ gòãn pii wa!» Yezu mà Piɛrɛ ganaa: «Bɛ̀ man gòãn pii wa, n màn kɔ́n gii ba kun ka masɛ-n doo wa.»

Timəə dí-pɛn 13:13

Kaa Lawa, Dɛnaa Lawa kiwin mɛnɛn lɛn kɔ ka la mà ka giã ǹ nɛ, kɔntan ka á re miɛ ǹ kɔn pinaa,

Sii yɔrɔ-bɔlen 19:22

Ǹ bɛ́ tán màn bii pɔpasɛ pɔpasɛ, bɛ̀ kiwi lɛ a minin nə́ ke die. Min gɛsɛn manɛ. Ǹ nə́ kion lɛ lɛnpɛnɛ, ǹ nə́ kiɛnlɛ dɛdɛ. Giĩ gole mɛn bɛ́ kiondɛnaa lɛa, ǹ nə́ pɛ bɛ-n kɛnɛn: «Giĩ kɛ lɛ á wɔ n kion, a bɔ n soo ne, màn mɛn bɛ́ toɛ, wɔsɛn nə giã kun ni.»

Sii yɔrɔ-bɔlen 3:27

A din dɔ walan lɔn, a na á bɛn pɛ Efrayimu a kele yii kɛ nɛ. Izirayeli minin lɛn nə́ gisĩ kun ni ǹ nə́ n bɔ kele lɛ la, a din nə́ ǹ nyɛɛnɛ.

Uruti 2:3

Á woo ɔrzi bún lɛ bɔ wuru kɔn nɛ, ɔrzi-kurulin lɛn basa la. A mìi kɔɔ̃n kɔ, á woo yaa bɛ̀ bǎã lɛ n Elimelɛkin tanlɛ min Boazi wɔ lɛa.

Samayeli1 13:2

Sayulu giĩ duu sɔɔ (3 000) bɔ Izirayeli gána nɛ. A duu paa (2 000) goã kun ka a din ni Mikmaasi kiwi, ka Betɛli kele la nɛ. Á duu goon (1 000) kɛ dɔ́ goã kun ka Zonaatan nɛ Gibeya, Bɛnzamɛn tɔrɔn tán la. Sayulu zaman gialakun lɛ dia piɛ.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.

Samayeli1 30:22

Min mɛnɛn nə goã ǹ nə́ woo kun ka Davida nɛ, min baraan laanka min kɔrɔn mɛnɛn yii tumaa goã ǹ bii, bɛn nə́ n lɛn saa lon ǹ nə́ pɛ: «Ǹ bɛ́ ǹ bie ǹ nə́ daa kun ka wɔsɛn nɛ wa, wɔ wusoo wɔ́ mànan mɛnɛn si, bɛ kɔn ba miɛ̃ ǹ nɛ wa, bɛ̀ á n bɔ ǹ lɔn laanka ǹ nɛnyaanan nɛ. Ǹ die ǹ bɛn lɛn kũ, ǹ nə n ta ǹ nɛ!»