Samayeli2 2:5 - LAWA A BOO SONBORE

⁵ Davida minin dia Zabɛɛsi kiwi, Galaati gána nɛ, á pɛ ǹ nɛ: «Ka bǐɛ̃ mɛn zɛnaa kaa dɛnaagiĩ Sayulu ni, ka lɛ kɔ ka a gere dɔ bĩ, Dɛnaa Lawa die a barka da ka ganaa bɛa lɛa.

LAWA A BOO SONBORE 2011

⁵ Davida minin dia Zabɛɛsi kiwi, Galaati gána nɛ, á pɛ ǹ nɛ: «Ka bǐɛ̃ mɛn zɛnaa kaa dɛnaagiĩ Sayulu ni, ka lɛ kɔ ka a gere dɔ bĩ, Dɛnaa Lawa die a barka da ka ganaa bɛa lɛa.

Samayeli2 2:5 Iomraidhean Croise

Siin Giala 14:19

Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu.

Siin Giala 14:22

Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.

Samayeli2 15:20

Nsɛ n da gunun wole lɛa, ma a boe la pelo gɔrɔ, ma n kũ ma n da kun ka wɔ dinin ni man bibiĩ n ni wa, a da yaa, ma dinmaa lɛ din ba maa woo ǹ bǎã doɛ̃ wa. N bɔyaa kun ka n dɔɔ̃nɔn lɛn nɛ ka woo. Lawa die a goã kunun n ni, a bǐɛ̃ zɛnaa n nɛ!»

Samayeli2 21:12

Davida yoo, á woo Sayulu laanka a nɛgiĩ Zonaatan wen si Zabɛsi kiwi a pàãdɛnan kɛn la, Galaati gána nɛ. Sonbore, Filisiti minin bɛ́ ǹ nə́ Sayulu dɛ Gilboa ǹ mɛn pinaa, maǹ ná a laanka Zonaatan gere lɔɔ lon bii-a Bɛti-Seyan kiwi. Zabɛsi minin lɛn dɔn man nə́ woo ǹ geren lɛn koã walan.

Loen 115:15

Dɛnaa Lawa die a barka da ka ganaa, asɛ mɛn bɛ́ á lon laanka tán zɛnaa.

Zozoe 2:14

Giĩn lɛn nə́ tɔ́n pɛ nɛ: «Wɔsɛn tá re wɔ dinin koe n lɛa. Yǎa n baran wɔsɛn boo da min ni wa. Bɛ̀ Dɛnaa Lawa gána lɛ kɔ wɔ la ǹ mɛn waáraa, wɔ á re koe wɔ bɔlɔ lɛ, wɔ bǐɛ̃ zɛnaa n nɛ.»

Sii yɔrɔ-bɔlen 21:8

Ǹ nə́ tɔ́n nɔ̀n da: «Izirayeli tɔrɔn lɛn bii, min tan, a na a da Dɛnaa Lawa yɔrɔ-a Mispaa kiwi wa?» Bɛ á zɛnɛɛ, bɛ̀ Zabɛsi kiwi mɛn bɛ́ Galaati gána nɛ, bɛn min kɔn da lɛ-sɔkɔn bǎã lɛ-n wa.

Uruti 1:8

Naomii tɔ́n pɛ ǹ manaa min paa lɛ-n kɛnɛn: A bɛ́ miɛ̃, didie wusoo a wo ǹ dan li. Ka bǐɛ̃ gole mɛn zɛnaa masɛ laanka woo wolen kɛn manɛ, Dɛnaa Lawa die a zɛnaa ka dɔn man miɛ̃.

Uruti 2:20

Naomii tɔ́n pɛ ǹ manaa lɛ nɛ: «Dɛnaa Lawa die a barka da n ganaa asɛ mɛn bɛ́ a ba a makara-doɛ̃ kɛ toɛ walan yiikoonaan wɔ paǹ li wa, a toɛ walan geren dɔn wɔ paǹ li wa.» Bɛ kio, Naomii pɛ nɛ: «Bɛa giĩ lɛn wɔsɛn dinin min taãn lɛa, wɔsɛn sii n doe a din lɛ ganaa.»

Uruti 3:10

Boazi tɔ́n pɛ nɛ: «Maa nɛlɔ, Dɛnaa Lawa die a barka da n ganaa. N bɔlɔgoondɛnaabaa ǹ sii mɛn zɛnaa sisia, bɛ á gole á la bibinaa wɔ kɛ nɛ. A giala, n baa si tɔntɔraa doobaan hinlaa a pàãman kio wa.

Samayeli1 11:1

Naasi n Amɔn tɔrɔ lɛa. Á woo Zaabɛsi kiwi gialaa, Galaati gána nɛ, á kũ. Zaabɛsi minin tumaa pɛ Naasi ni: «Lɛ kɔ, wɔ giã kun ka là nyantoro ne, wɔ á re dí nyɛɛ n nɛ.»

Samayeli1 11:9

Min mɛnɛn nə goã ǹ nə́ daa boo lɛ pɛ, ǹ nə́ pɛ bɛn manɛ mà ǹ wo pɛ Zaabɛsi minin manɛ kɛnɛn Galaati Gána nɛ: «Biɛ̃, wasa bɛ́ re parɛɛ taãnɛ ǹ mɛn waáraa, ka á re dɔmalɛ yii.» Ǹ nə́ kiɛ̃ ǹ nə́ daa pɛ Zaabɛsi minin manɛ. Zaabɛsi minin foo kɔɔ̃n kɔ.

Samayeli1 15:13

Samayeli woo Sayulu li, Sayulu pɛ nɛ: «Dɛnaa Lawa die a barka da n ganaa. Dɛnaa Lawa màn mɛn pɛ, ma bɛ zɛnaa.»

Samayeli1 23:21

Sayulu nə́ n toa: «Ma makara ka dinin mɛnɛn kũ, Dɛnaa Lawa die a barka da ka ganaa.

Samayeli1 24:19

N bǐɛ̃ mɛn zɛnaa masɛ-n pelo, ma bɛ yɛ. A giala, Dɛnaa Lawa goã á ma wɔ n gɔn, sɛnɛ, n ma dɛ wa.