Samayeli2 19:9 - LAWA A BOO SONBORE

⁹ Bɛ kio, kii yoo á daa giã tán kiri wɔ ǹ bǎã nɛ. Ǹ nə́ pɛ zaman lɛ tumaa nɛ: «Á ke, kii á giã-n tán kiri wɔ ǹ bǎã nɛ.» Zaman lɛ tumaa daa n sɔkɔn kii li. Izirayeli minin lɛn tumaa na á goã ǹ nə́ baa si, didie woo a din a piɛ.

LAWA A BOO SONBORE 2011

⁹ Bɛ kio, kii yoo á daa giã tán kiri wɔ ǹ bǎã nɛ. Ǹ nə́ pɛ zaman lɛ tumaa nɛ: «Á ke, kii á giã-n tán kiri wɔ ǹ bǎã nɛ.» Zaman lɛ tumaa daa n sɔkɔn kii li. Izirayeli minin lɛn tumaa na á goã ǹ nə́ baa si, didie woo a din a piɛ.

Samayeli2 19:9 Iomraidhean Croise

Samayeli2 15:14

Davida tɔ́n pɛ a dí-nyalin manɛ, ǹ mɛnɛn lɛn bɛ́ kun ni Zeruzalɛmu: «Ka yoo wɔ baa si, a giala, la ǹ gɔn kɔn ba wɔ la Abusalɔn yɔrɔ-a wa. Ka n nanaa wɔ woo. Bɛ̀ bie wa, Abusalɔn tá re n nanaɛ a dɔ wɔ ganaa, a basaã kɔ wɔ nɛ, a kiwi minin lɛn tumaa dɛ.»

Samayeli2 18:17

Ǹ nə́ Abusalɔn gere saa, ǹ nə́ zũ nyankɔrɔ gole kɔn nɛ daã lɛ nɛ, ǹ nə́ kɔlɔ goa, ǹ nə́ dɛrɛ kɔn la a lalan. Bɛa biikoo li, bɛ̀ Abusalɔn a zia-baalin lɛn gogoonmaa á baa la woe piɛ.

Samayeli2 19:10

Izirayeli tɔrɔn lɛn tumaa bii, minin man nə́ goã n dinin zɛ̀rɛ biɛ ǹ nə́ pii: «Kii lɛ din na á goã, á wɔ gɔsɛ, á wɔ bɔ wɔa zɔ́ɔn gɔn, a din na á goã á wɔ si Filisiti minin kɛn la. A din nə ke, á baa si á gána toa, màn mɛn bɛ́ toɛ, a kanbaa Abusalɔn ganaa.

Samayeli2 19:40

Kii Davida laanka a minin lɛn tumaa Zurdɛ̃ tà kuru. Bɛ kio, kii nə́ n sɔɔ Barzilayii ni, á barka da a ganaa. Barzilayii sɛ nə́ n bɔyaa á woo a bǎã nɛ.

Samayeli2 22:44

Ń ma kanbaa maa zaman kɛa gòãn-dii ganaa. Ń ma koa tɔrɔn mìi la, tɔrɔn mɛnɛn dinin bɛ́ ma a ǹ doɛ̃ wa, bɛn nə́ ke dí nyɛɛ ma nɛ.

Samayeli2 5:20

Davida woo Baali-Perasimu, á boo Filisiti minin lɛn la walan. Davida tɔ́n pɛ: «Dɛnaa Lawa na á masɛ a zɔ́ɔn sawaa á ǹ bɔ ma nyɛɛnɛ ka tà na á toɛ̃ a mu n baa sii.» Bɛ lɛ na á toa ǹ nə́ tɔ́n bɛa bǎã lɛ tɔ kɔ: "Kaa ǹ bii ni ǹ bǎã".

Loen 18:43

Má ǹ suu ka gusuũ bɛ́ lɔn piɛ̃ li, má tɔtɔrɔ ǹ la ka bɛrɛɛ bɛ́ lɔn zii gialaa.

Bɔ bɛ̀rɛbaa nɛ 32:24

Má tɔ́n pɛ ǹ nɛ kəni máa sana n die lon? Ǹ nə́ ǹ waa ǹ toon ne, ǹ nə́ daa ǹ kɔ ma la. Má sana lɛ kaa tɛ-n, á yo, bɛ na á diin nɛ kɛ baa.

Samayeli1 17:50

Bɛa gɔn kɛ lɛ la, Davida gɔ̀lɔ̀baa yɛ Filisiti min lɛ la, ka baragii laanka kɔlɔ nɛ. A laanɛ gɔya sa goã Davida gɔn wa, á Filisiti min lɛ dɛ á gã.

Samayeli1 18:25

Sayulu nə́ n toa: – Ka pɛ Davida-n kɛnɛn: «Kii lɛ bɛ́ giɛ màn mɛn dinsɔɔ̃ li, a nɛlɔ lɛ a gɔn si ǹ wɔ lɛa, bɛ n ka Filisiti min giulun lɛpii paabiɛ nɛ (100), a kii lɛ a dòo bɔ nɛ a zɔ́ɔn ganaa.» Sayulu gɔ́ɔ̃ na á goã a ganaa bɛa yɔrɔ kɛ lɛ la, mà Filisiti minin lɛn gɔn nə dɔ Davida ganaa.

Samayeli1 19:5

Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»