Samayeli2 19:43 - LAWA A BOO SONBORE

⁴³ Zudaa minin lɛn tumaa tɔ́n pɛ Izirayeli minin lɛn manɛ. Dɔɔ̃nbaa tá wɔsɛn laanka kii lɛ bii á la ka nɛ. Wàa na á baa kasɛn foo á yui bɛ taman yii. Kii lɛ na á màn-bii kɔ wɔsɛn la wɔ́ bii? Kii lɛ na á màn bɔ á kɔ wɔsɛn la?

LAWA A BOO SONBORE 2011

⁴³ Zudaa minin lɛn tumaa tɔ́n pɛ Izirayeli minin lɛn manɛ. Dɔɔ̃nbaa tá wɔsɛn laanka kii lɛ bii á la ka nɛ. Wàa na á baa kasɛn foo á yui bɛ taman yii. Kii lɛ na á màn-bii kɔ wɔsɛn la wɔ́ bii? Kii lɛ na á màn bɔ á kɔ wɔsɛn la?

Samayeli2 19:43 Iomraidhean Croise

Samayeli2 19:14

Ka pɛ Amasaa dɔ nɛ: «N bɛ́ masɛ din wɔ taãn lɛa, bɛ̀ má n koa Zoabu bǎã nɛ, maa zia-baalin kɛn goledɛnaa lɛa miɛ̃ duduu wa, Lawa die a dɔlɔ babaraa bɔ ma ganaa!»

Samayeli2 19:9

Bɛ kio, kii yoo á daa giã tán kiri wɔ ǹ bǎã nɛ. Ǹ nə́ pɛ zaman lɛ tumaa nɛ: «Á ke, kii á giã-n tán kiri wɔ ǹ bǎã nɛ.» Zaman lɛ tumaa daa n sɔkɔn kii li. Izirayeli minin lɛn tumaa na á goã ǹ nə́ baa si, didie woo a din a piɛ.

Samayeli2 20:1

Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Samayeli2 20:6

Davida tɔ́n pɛ Abisayii ni: «Kanna kəni, Bikrii a nɛgiĩ Sebaa bɛ́ re màn mɛn zɛnɛɛ wɔsɛn manɛ, bɛ á re baraa koe, a la Abusalɔn wɔ kɛ nɛ. N dinmaa yoo, n maa dí-nyalin kɛn kũ, n Sebaa kio loo, màn mɛn bɛ́ toɛ, a baran duru ǹ bǎã kaka yɛ kiwi kɔn nɛ, n yaa kiɛ̃ papaɛ̃ wɔ la wa.»

Samayeli2 5:1

Izirayeli tɔrɔn lɛn tumaa daa dɔ Davida li Ebrɔn, ǹ nə́ pɛ nɛ: – Wɔsɛn nə́ ke, wɔ nə n din wɔ taãn-taãnan lɛa.

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Suusun 17:14

Bɛ̀ n zia giala kɔ, ma nə n mu tii lɛ bũ. Zia lɛ laan bɛ̀ a n yui, n basã.

Suusun 18:19

Dɔɔ̃n mɛn bɛ́ ń sii la la, a dɔmali á kaka á la kiwi mɛn bɛ́ ǹ nə́ kungɔn pɛnɛ a ganaa. Zia dɔ n foo soɛ, ka goo nɛ á ke kiɛnlɛ soɛ lɔn.

Rɔmu minin 12:21

N baran toa sii baraa boo n la wa, sɛnɛ, sii baraa naa ka sii bǐɛ̃ nɛ.

Galaasi minin 5:15

Sɛnɛ, bɛ̀ ka á sɔndoe kɔn ganaa ka n kɔn soɛ̃, ka yiri bɔ. Bɛ bie wa, ka n die kɔn ziziɛ̃.

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Galaasi minin 5:26

Wɔ nyan din-koalin baa wa. Ga kɔn lɛ li nyan goã wɔ bii wa, yii bɔ kɔn gɔn màn li dɔ nyan goã wa.

Filipi minin 2:3

Ka baran sii kɔ́n zɛnaa ka foo a wuu-pɛ nɛ, ka din gole kɔ-n wa. Sɛnɛ, ka n dinin boɛɛn kɔ, ka min kɔsɔn pɛsã kɔ ka dinin manɛ.

Zaaki 1:20

A giala, bɛ̀ min foo yoo, a bɛ́ sii mɛn zɛnɛɛ bɛ gɔ́ɔ̃ nɛ, bɛa boe la a goã pepere Lawa yɔrɔ-a wa.

Sii yɔrɔ-bɔlen 8:1

Efrayimu tɔrɔn lɛn nə́ pɛ Zediɔ̃ nɛ: «N bɛ́ woe zia biɛ Madiã minin lɛn ganaa n nə́ n ba wɔsɛn bíi wa, bɛa zɛnaa wɔsɛn nɛ miɛ̃ kɛ giala n ka wàa nɛ?» Ǹ nə́ bɛa zia da a ganaa taãn-taãnɛ.

Sii yɔrɔ-bɔlen 9:23

Bɛ kio, Lawa Abimelɛki laanka Sisɛmu kiwidɛnan lɛn kaa kɔn. Sisɛmu kiwidɛnan lɛn nə́ n bɔyaa Abimelɛki li.