Samayeli2 19:4 - LAWA A BOO SONBORE

⁴ Bɛa pinaa kɛ lɛ nɛ, zaman lɛ na á n duru á kaa kiwi gɔ́ɔ̃ nɛ, ka n pɛ mà min mɛnɛn bɛ́ ke ǹ nə́ baa si zia la, sìi nə́ ǹ ganaa.

LAWA A BOO SONBORE 2011

⁴ Bɛa pinaa kɛ lɛ nɛ, zaman lɛ na á n duru á kaa kiwi gɔ́ɔ̃ nɛ, ka n pɛ mà min mɛnɛn bɛ́ ke ǹ nə́ baa si zia la, sìi nə́ ǹ ganaa.

Samayeli2 19:4 Iomraidhean Croise

Samayeli2 14:1

Seruzaa a nɛgiĩ Zoabu yɛ mà kii Davida a taasiɛ nə́ n bɔyaa Abusalɔn wɔ paǹ li.

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Samayeli2 19:3

Gɔ̀lɔ̀baa lɛ nə́ n bɔyaa bɛa pinaa, á yɔrɔ kɔsiɛ baa zaman lɛ tumaa gɔn. A giala, zaman lɛ ma minin lɛ-n bɛa pinaa kɛ lɛ nɛ mà kii a nɛgiĩ lɛ a gɛ̀ ná a foo ziziɛ̃ parsiini.

Samayeli2 19:5

Kii lɛ sɛ na á goã á n gɔnɔn kɔ a yɔrɔ lɛ. A na á goã n lɛ dii kɔsɛkɔsɛ á n pii: «E, maa nɛ Abusalɔn, Abusalɔn, wui maa nɛ, maa nɛ!»