Samayeli2 19:1 - LAWA A BOO SONBORE

¹ Kii bɛ ma lɔn, a gɔ̀nɔn bìn da. Bɛ kio, á dii a kion kɛ nɛ *kiwi a kiɛnlɛ lalan, á n lɛ da wuu ni. A na á goã tɔ we bɛ̀ á n pii: «E, Abusalɔn, wui maa nɛ, maa nɛ, maa nɛ Abusalɔn! Toa bɛ̀ ma dinmaa lɛ n má gã n bǎã nɛ! E, Abusalɔn, wui maa nɛ, maa nɛ!»

LAWA A BOO SONBORE 2011

¹ Kii bɛ ma lɔn, a gɔ̀nɔn bìn da. Bɛ kio, á dii a kion kɛ nɛ *kiwi a kiɛnlɛ lalan, á n lɛ da wuu ni. A na á goã tɔ we bɛ̀ á n pii: «E, Abusalɔn, wui maa nɛ, maa nɛ, maa nɛ Abusalɔn! Toa bɛ̀ ma dinmaa lɛ n má gã n bǎã nɛ! E, Abusalɔn, wui maa nɛ, maa nɛ!»

Samayeli2 19:1 Iomraidhean Croise

Siin Giala 37:35

A nɛgiĩ gialakunun laanka a nɛlɔn bɛ́, ǹ nə́ daa ǹ mɛn waáraa, mà maǹ a lɛ tiɛ̃, á n piã. A na á goã pii: «Yǎa masɛ yɔrɔ kɔsiɛmaa woe, maa nɛgiĩ lɛ yiɛ geren piɛ.» Ǹ di lɛ na a gɛ̀ wuu pɛ miɛ̃.

Samayeli2 18:12

Sɛnɛ giĩ lɛ pɛ Zoabu ni: – Ta n din nə wɔrɔ duu goon kiɛ ma gɔn, masɛ a re n gɔn diɛ kii a nɛgiĩ ganaa wa. A giala, kii bɛ́ n gɔn wɛɛ n laanka Abisayii ni ka Itayii ni ǹ mɛn pinaa, wɔsɛn dɔn too ma: «Min kɔn nyan toa a n gɔn da Abusalɔn ganaa wa.»

Samayeli2 18:14

Zoabu tɔ́n pɛ nɛ: «Biikoo ba masɛ gɔn ma golee n li kɛnɛn wa.» Á sɛmiɛ̃ sɔɔ goa a gɔn, á woo ǹ dere Abusalɔn tìãbii. Bɛ á zɛnɛɛ, bɛ̀ Abusalɔn yii á tɔn koo lon, da gole lɛ gùrù ganaa.

Samayeli2 18:20

Zoabu tɔ́n pɛ nɛ: «Pelo a boo kɛ lɛ, a pɛle bie ka nsɛ-n wa. Lɛawaa kɔsɔ-a, n tá die woe boon pii. Sɛnɛ, pelo wɔ ke, ǹ ba woe bɛ pii wa, a giala, bɛ n kii a nɛgiĩ a gɛ̀ boo lɛa.»

Samayeli2 18:5

Bɛ kio, kii nə́ n gɔn waa Zoabu ni ka Abisayii laanka Itayii ni, á pɛ ǹ nɛ: «Ka tɔntɔraagiĩ Abusalɔn lɛ kũ doɛ̃ masɛ din taman yii.» Zaman lɛ tumaa kii lɛ ma bɛa gɔn waa ǹ boo lɛ diɛ goledɛnan lɛn tumaa nɛ Abusalɔn wɔ paǹ li.

Samayeli2 19:2

Min nə́ daa pɛ Zoabu ni: «Á ke, kii á wuu pii, n duduwii Abusalɔn a gɛ̀ lɛ taman yii.»

Suusun 17:25

Nɛgiĩ yiriwɛɛnaa n foo busii lɛa ǹ di ganaa. Min mɛn yɛ á da kanaa, a n foo ziziɛ̃ lɛa bɛ ganaa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.