Samayeli2 17:23 - LAWA A BOO SONBORE

²³ Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

LAWA A BOO SONBORE 2011

²³ Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Samayeli2 17:23 Iomraidhean Croise

Samayeli2 15:12

Abusalɔn bɛ́ wúlu mànan lɛn dii ǹ mɛn waáraa, á minin dia Giloo kiwi, mà ǹ wo lɛ dia Giloon giĩ Ayitofɛli la. Bɛa giĩ lɛ na á goã yiri koe Davida la. Abusalɔn a minin lɛn nə́ daa ǹ nə́ mɔnaa. Ǹ kɔn wɔ ma lɛ pàã daa á gole kɔ, kii lɛ a bɔ a daa boo wɔ paǹ li.

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 16:23

Ayitofɛli goã doro ǹ boon mɛnɛn koe bɛa biikoo li, minin màn nə́ goã ǹ sii ka Lawa dinmaa na á ǹ pɛ. Ayitofɛli a minin doro ǹ boon lɛn tumaa na á goã miɛ̃. Ta a nə ǹ koe Davida la, ta a nə n koe Abusalɔn la, a din goon ne.

Samayeli2 17:22

Davida laanka a tá-kun wolen lɛn tumaa yoo ǹ nə́ zii saa, ǹ nə́ Zurdɛ̃ tà kuru. Wɔlɔ fulu á daa ǹ kɔn yaa, bɛ̀ a ná a tɔn Zurdɛ̃ tà lɛ kuru wa.

Kiin1 16:18

Zimri bɛ́ á yɛ mà ǹ nə́ kiwi lɛ kũ, kii kion lɛ a paǹ mɛn bɛ́ duru ǹ bǎã lɛa, á wɔ walan. Á tɛ da kion lɛ-a, a lalan, á gã a nɛ.

Kiin2 20:1

Bɛa biikoo lɛ li, busu kɔn Ezekiasi kũ, á woo dɔ gɛ̀ gɔn la. Amɔsi a nɛgiĩ Izayii lɛ Lawa a boo gii-dali lɛa, bɛ daa yaa, á pɛ nɛ: – Dɛnaa Lawa n kɛ pii: «N gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Zɔbu 31:3

Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

Loen 109:20

Taarɛ! Dɛnaa Lawa n die ma zɛ̀rɛ-baalin lɛn sarɛɛ bɛa yɔrɔ kɛ lɛ la, min mɛnɛn lɛn bɛ́ boo baraa diɛ ma ganaa.

Loen 5:10

Sonbore goon ba soe ǹ lɛ-n wa, ǹ ba taasiɛ kɔsɔ we wa, yǎa basaã, ǹ gɔ́ɔ̃ kɛ n ka gere yala bɛ́ lɔn, ǹ lɛwɔn ba boo goon diɛ wa.

Loen 55:23

N taasiɛ siin tumaa kɔ Dɛnaa Lawa la. Á re pàã koe n la. A re toɛ min pepere lɛ tatalaa duduu wa.

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Suusun 19:3

Minbuiin nɛn sii kooro zɛnaan man toɛ ǹ tá siɛ̃. Bɛ kio, ǹ foo n yoo-n Dɛnaa Lawa li.

Izayii 38:1

Bɛa waáraa, gɛ̀ busu kɔn na á kii Ezekiasi kũ. Lawa a boo gii-dali Amɔsi a nɛgiĩ Izayii woo n yii kɔ li, á pɛ nɛ. Dɛnaa Lawa n kɛ pii: «Sisia, n gɔ́ɔ̃ pɛ n kion minin manɛ. A giala, busu lɛ a re n toɛ wa, n tá re giɛ̃.»

Matiə 27:5

Zudaasi nə́ n gɔn bɔ wɔrɔ lɛ ganaa, á pɛsɛ̃ tán Lawa a kion, á soo á woo n din bɔlɔ da biɛ nɛ.