Samayeli2 17:14 - LAWA A BOO SONBORE

¹⁴ Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

LAWA A BOO SONBORE 2011

¹⁴ Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Samayeli2 17:14 Iomraidhean Croise

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 15:34

Á soɛ, n nə n bɔyaa n wo Zeruzalɛmu kiwi gɔ́ɔ̃ nɛ, n pɛ Abusalɔn nɛ kɛnɛn: «Kii ganaa, masɛ n die dí nyɛɛ n nɛ. Lɛlɛ, má goã dí nyɛɛ n di Davida nɛ.» Sɛnɛ, kanna, ma nə n din a dí-nyali lɛa. Bɛ̀ n zɛnaa miɛ̃, n tá re boe la n Ayitofɛli a doree babaraa kɛ ziziɛ̃, n masɛ wɔ bǐɛ̃ kɔ nɛ.

Samayeli2 16:23

Ayitofɛli goã doro ǹ boon mɛnɛn koe bɛa biikoo li, minin màn nə́ goã ǹ sii ka Lawa dinmaa na á ǹ pɛ. Ayitofɛli a minin doro ǹ boon lɛn tumaa na á goã miɛ̃. Ta a nə ǹ koe Davida la, ta a nə n koe Abusalɔn la, a din goon ne.

KZS2 10:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

KZS2 10:8

Sɛnɛ, Roboamu min golen lɛn doroo si wa. Nɛ tenən mɛnɛn bɛ́ ǹ nə́ yoo tán kũ ka a din ni, ǹ nə́ dí nyɛɛ nɛ, á woo nɔ̀n da bɛn la.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

KZS2 25:20

Sɛnɛ, Amasiya nə n too kɔ a lon wa. A giala Lawa n li mà a Amasiya laanka a sɔraasin wɔ ǹ zɔ́ɔn gɔn, ǹ bɔyaa Edɔmu minin dìn guguru kɔ kɛ a lɛa.

Nehemii 4:15

Wɔ́ goã dí lɛ nyɛɛ. Sɛmiɛ̃n man nə́ goã wɔa talɛɛ gɔn, a kũ wɔlɔ a fulii ganaa a wo leeren bɔ biikoo yaa.

Zɔbu 12:17

A n màn-dɔ̃lin yiri penpelen diɛ, a kiri-wɔlen yiri lɔlɔkɔn.

Loen 9:15

màn mɛn bɛ́ toɛ, ma n tɔ bɔ n zɛnaa ǹ siin kɛn tumaa a lɛa, Zeruzalɛmu minin kɛn kɔn paã ǹ bǎã nɛ. N kirisibaa mɛn kɔ ma la, ma á re n nyɛnyɛɛ bɛa lɛa.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Bɔ bɛ̀rɛbaa nɛ 9:16

Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Amɔɔsi 9:3

Ta maǹ nə́ woo n duru Karmɛli kele kɛ mìi ni, ma á re woe giɛ ǹ li walan, ma ǹ kũ ma gisĩ ǹ ni. Ta maǹ nə́ n duru masɛ la yìsi mu giulun, ma á re yìsi mu li ǹ miɛ̃ kɛ diɛ ǹ ganaa, bɛ á re sɔn dodoe ǹ ganaa walan.

Luku 16:8

Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.