Samayeli2 16:8 - LAWA A BOO SONBORE

⁸ Ń Sayulu a kion minin mɛnɛn dɛ, ń giã a kiibaa la, Dɛnaa Lawa n bɛ lɛ a dɔlɔ boe n ganaa. Dɛnaa Lawa na á kiibaa lɛ si n la, á kɔ n nɛgiĩ Abusalɔn la. N din nə́ ke nɔmaa gɔ́ɔ̃-n kəni. A giala, gɛ̀-dɛle nə n ne.»

LAWA A BOO SONBORE 2011

⁸ Ń Sayulu a kion minin mɛnɛn dɛ, ń giã a kiibaa la, Dɛnaa Lawa n bɛ lɛ a dɔlɔ boe n ganaa. Dɛnaa Lawa na á kiibaa lɛ si n la, á kɔ n nɛgiĩ Abusalɔn la. N din nə́ ke nɔmaa gɔ́ɔ̃-n kəni. A giala, gɛ̀-dɛle nə n ne.»

Samayeli2 16:8 Iomraidhean Croise

Samayeli2 1:16

Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Samayeli2 19:19

Ǹ mu la ǹ goo mɛn kɔ kii la, bɛ na á goã tà kuri, á n woe kii a kion minin goɛ tà kio. A bɛ́ á Zurdɛ̃ tà kuru ǹ mɛn waáraa, Geraa a nɛgiĩ Simeyii kaa tán a giulun a guguru kɔ ǹ sii lɛa.

Samayeli2 19:21

A giala, ma á doɛ̃ máa ma sii baraa zɛnaa. Sɛnɛ, pelo, ma din nə ke má daa n da maa dɛnaagiĩ kii lɛ, gɔsɛ a lɛ̀gɔn la gána minin kɛn tumaa nyɛɛnɛ.»

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Samayeli2 21:9

Davida bɛn lɛn kɔ Gabawɔ̃ minin lɛn la, ǹ nə́ ǹ bɔlɔ da biɛ nɛ kele la, Dɛnaa Lawa yɔrɔ-a. Bɛa min sɔbaa lɛ tumaa gã kun. Ǹ dɛ biikoo lɛ na á kɔnpɛ ka *ɔrzi kurii giala kɔ biikoo ne.

Kiin1 2:8

Bɛnzamɛn tɔrɔ Simeyii lɛ á ke n genli, Gera a nɛgiĩ lɛa boe Bawurimu kiwi. Ma bɛ́ woe Manayimu ǹ mɛn pinaa, á pɛ mà koe die a bɔ ma ganaa. Sɛnɛ, a bɛ́ á daa n da ma lɛ Zurdɛ̃ tà lɛ-a, ma liɛ wɔ nɛ ka Dɛnaa Lawa tɔ nɛ, má ma a re a nyín boe wa.

Loen 3:2

Dɛnaa Lawa, maa zɔ́ɔn nə́ mɔnaa-n parɛ! Min mɛnɛn bɛ́ yui ma gialaa, ǹ tá mɔnaa-n parɛ!

Loen 4:2

Ee Lawa, n din mɛn bɛ́ sii doɛ̃ ma la. Bɛ̀ ma á n bíi we, n ma lɛ si. Má goã fuu-n lɛlɛ, n din piɛ̃ kaa ma-a. Makara bɔ ma-a doo, n maa nyankɔ si.

Loen 55:3

N yiri kɔ ma li, n maa nyankɔ si. Maa foo ziziɛ̃ gɔ́ɔ̃ nɛ, ma nə n yiri binbirin boe, man busu ǹ boon diɛ.

Loen 7:4

Dɛnaa Lawa, maa Lawa, maǹ pii mà ma zɛ̀rɛ nɛ. Bɛ̀ má zɛnaa ka ǹ bɛ́ pii lɔn, bɛ̀ ma din gɔn kɛ sii la sonbore,

Suusun 26:2

Leere bàan bɛ́ kiɛ̃ lon lɔn, bàan bɛ́ yui tán lɔn, liɛ mali mɛn bɛ́ mìi ba la wa, bɛa min kuĩ wa.

Sii-nyaan 16:6

Minin lɛn bɛ́ ǹ nə́ n min sonboren laanka n boo gii-dalin mà kaa tán, bɛ lɛ nɛ, ma dɔ mà kɔ ǹ la, máa ǹ mi. Ǹ tá kɔnboe ka bɛ nɛ!»

Sii yɔrɔ-bɔlen 9:24

Sonbore ne, a sii babaraa mɛn zɛnaa Yerubaali a nɛgiĩ pɔsɔbaa kɛ nɛ, yǎa bɛa gɛ̀-dòo nə n boe a ganaa. Ǹ mìi gɔ́ɔ̃ ǹ sii n doe ǹ dɔɔ̃n Abimelɛki lɛ din ganaa, asɛ mɛn bɛ́ á ǹ dɛ. Ǹ mìi gɔ́ɔ̃ ǹ sii n doe Sisɛmu kiwidɛnan lɛn dɔn ganaa, ǹsɛn mɛnɛn bɛ́ ǹ nə́ n dɔ Abimelɛki lɛ, á ǹ dɔɔ̃nɔn lɛn dɛ.