Samayeli2 16:16 - LAWA A BOO SONBORE

¹⁶ Davida a giaáraagiĩ, Arkaan giĩ Usayii woo á dɔ Abusalɔn li, á pɛ nɛ: «Kii ganaa, n Lawa die a n gɔn belebɔ a nɛ! Lawa die a n gɔn belebɔ a nɛ!»

LAWA A BOO SONBORE 2011

¹⁶ Davida a giaáraagiĩ, Arkaan giĩ Usayii woo á dɔ Abusalɔn li, á pɛ nɛ: «Kii ganaa, n Lawa die a n gɔn belebɔ a nɛ! Lawa die a n gɔn belebɔ a nɛ!»

Samayeli2 16:16 Iomraidhean Croise

Samayeli2 15:32

Davida dɔ kele lɛ mìi ni, ǹ bɛ́ kiɛ tán Lawa yɔrɔ-a bǎã mɛn nɛ, bɛ̀ ǹ na a guguru kɔ. A bɛ́ doe walan, bɛ̀ Arkaan giĩ Usayii á ke die a li, a mɔnaa n tɔtoɛ̃nɛ, a mìi tumaa n tii lɛa.

Samayeli2 15:34

Á soɛ, n nə n bɔyaa n wo Zeruzalɛmu kiwi gɔ́ɔ̃ nɛ, n pɛ Abusalɔn nɛ kɛnɛn: «Kii ganaa, masɛ n die dí nyɛɛ n nɛ. Lɛlɛ, má goã dí nyɛɛ n di Davida nɛ.» Sɛnɛ, kanna, ma nə n din a dí-nyali lɛa. Bɛ̀ n zɛnaa miɛ̃, n tá re boe la n Ayitofɛli a doree babaraa kɛ ziziɛ̃, n masɛ wɔ bǐɛ̃ kɔ nɛ.

Samayeli2 15:37

Davida a giaáragiĩ Usayii wusoo á woo kiwi gɔ́ɔ̃ nɛ. A bɛ́ doe, bɛ̀ Abusalɔn dɔ n we Zeruzalɛmu kiwi.

Kiin1 1:25

A giala, pelo Adoniya woo wúlu bɔ ka dii gɔ̀lɔ̀n nɛ, ka dii nɛ kasiɛ̃ wolen ne, ka sère didi ni. Á lɛ dia kii lɛ a nɛgiĩn tumaa la, á lɛ dia sɔraasin goledɛnan laanka Lawa a wúlu-bɔle Abiataara la. Ǹ tá a gialaa màn bii, màn mii Adoniya yɔrɔ-a, ǹ nə́ pii: «Kii Adoniya die a nyín sasa yɛ!»

Kiin1 1:34

Walan nɛ, Lawa a wúlu-bɔle Sadɔki laanka Lawa a boo gii-dali Natan tá re nyɔɔ loe Salomɔn ganaa ǹ koa Izirayeli a kii lɛa. Ka die ka bɛn pɛ bɛa biikoo li, ka n lɛ dɛ ka pɛ: «Kii Salomɔn die a nyín sasa yɛ!»

Kiin1 4:5

Min mɛnɛn nə goã kiwin sii yɔrɔ boe, Natan a nɛgiĩ Azaria na á goã bɛn mìi la. Natan a nɛgiĩ Zabuudi na á goã Lawa a wúlu-bɔle lɛa, yiri kɔ kii la wole lɛa.

Kiin2 11:12

Zozadaa tɔ́n kii a nɛginin lɛ kũ á soo ne, á kii bafolo wɔ a mìi-a, á lɛ kɔ kɔn la ǹ sɛ́wɔ kɔ la. Ǹ nə́ kii a nɛginin lɛ koa kii lɛa, ǹ nə́ nyɔɔ lɔ a ganaa. Bɛ kio, ǹ nə́ ǹ gɔn dɛ, ǹ nə́ n lɛ dɛ: Kii lɛ die a nyin sasa yɛ.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Samayeli1 10:24

Samayeli pɛ zaman lɛ tumaa nɛ: «Min mɛn bɛ́ Dɛnaa Lawa bɔ, ká yɛ? A miã banban kun ka zaman lɛ-n wa.» Zaman lɛ tumaa nə́ n lɛ dɛ ka foo ne: «Lawa na a gɔn belebɔ a nɛ!»