Samayeli2 16:11 - LAWA A BOO SONBORE

¹¹ Davida pɛ Abisayii laanka a dí-nyalin tumaa nɛ: «Bɛ̀ maa nɛgiĩ, masɛ din a yɛ ǹ nɛ tá giɛ li a ma nyin bɔ, sanparɛ ka Bɛnzamɛn tɔrɔ min kɔsɔ kɛ nɛ? Bɛ̀ Dɛnaa Lawa na á pɛ nɛ, mà a lɛn baraa lɛ bíi, ka toa a bíi.

LAWA A BOO SONBORE 2011

¹¹ Davida pɛ Abisayii laanka a dí-nyalin tumaa nɛ: «Bɛ̀ maa nɛgiĩ, masɛ din a yɛ ǹ nɛ tá giɛ li a ma nyin bɔ, sanparɛ ka Bɛnzamɛn tɔrɔ min kɔsɔ kɛ nɛ? Bɛ̀ Dɛnaa Lawa na á pɛ nɛ, mà a lɛn baraa lɛ bíi, ka toa a bíi.

Samayeli2 16:11 Iomraidhean Croise

Siin Giala 15:4

Dɛnaa tɔ́n pɛ-n kɛnɛn: «Bɛ bie re n kíɛ̃ siɛ wa dɛ. N din gɔ́ɔ̃gɔ́ɔ̃ ǹ nɛ n die n kíɛ̃ siɛ.»

Siin Giala 45:5

Sɛnɛ, sisia, ka baran n yɔrɔ kɔsɛ, ka foo busu ka dinin li, ka maa sã sii kɛ laanka maa tá kànaa kɛ-n wa. A giala, Lawa na á ma dia ka nyɛɛn kànaa, màn mɛn bɛ́ toɛ, ka kirisibaa.

Samayeli2 20:1

Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Samayeli2 7:2

Ǹ kɔn pinaa, á pɛ Lawa a boo gii-dali Natan nɛ: «Ga, masɛ bɛ́ giã-n kion mɛn nɛ, maǹ nə́ bɛ dɔ ka da kaka gɔn nɛ. Sɛnɛ, Lawa a *lɛ kɔ kɔn la ǹ goo kɛ bɛ́ koa-n bǎã mɛn nɛ, mɔnaa kion ne. Ma n wàa taasɛ?»

Kiin2 19:37

Sɛnɛ, ǹ kɔn pinaa a toa kuməə-n tán a dì kion Nisirɔki giulun, a nɛgiĩ min paa, Adramelɛki laanka Saresɛɛrɛ nɛ, bɛn nə́ dɛ ka gɔya nɛ, ǹ nə́ baa si ǹ nə́ woo Araraa gána nɛ. A nɛgiĩ Asaradɔn na á kii baa a bǎã nɛ.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

Loen 109:28

Ǹsɛn man lɛn baraa bíi ma li sɛnɛ, nsɛ n barka diɛ ma-a. Maǹ nə́ yoo ǹ nə́ n gòãn dii ma ganaa, sɛnɛ, sìi nə́ ǹ kũ, n dí-nyali sɛ nə́ n nyɛnyɛɛ.

Ezekieli 14:9

Ta Lawa a boo gii-dali ni, bɛ̀ á toa ǹ nə́ bebele ǹ nə́ da boo-diɛ ganaa, masɛ din Dɛnaa Lawa n má bɛa boo gii-dali kɛ lɛ sã. Ma á re yui bɛa dɛnaa gialaa, ma dɛ ma bɔ maa zaman, Izirayeli minin kɛn bii.

Ezekieli 20:25

Landa siin mɛnɛn bɛ́ ǹ ba re kuu biɛ ǹ nɛ wa, ka sii yɔrɔ bɔ ǹ boon mɛnɛn dɔn bɛ́ ǹ ba re toɛ ǹ yii goã koo wa, ma bɛn kɔ ǹ la.

Matiə 10:21

Minin tá re ǹ dinin dɔɔ̃nɔn koe pàã gɛ̀ la, díin tá re zɛnɛɛ ǹ nɛnyaanan manɛ miɛ̃, nɛnyaanan tá re n bɔyɛɛ ǹ yɛ wolen li ǹ nə ǹ kɔ pàã gɛ̀ la.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.