Samayeli2 15:21 - LAWA A BOO SONBORE

²¹ Itayii tɔ́n kii lɛ si á pɛ nɛ: «Ka Dɛnaa Lawa Yiikoonaa kɛ tɔ nɛ, a maa dɛnaagiĩ kii kɛ yii toa koo, n bɛ́ re goɛ̃ bǎã mɛn nɛ, ta ma n giɛ̃, ta ma n liɛ, masɛ dɔ á walan.»

LAWA A BOO SONBORE 2011

²¹ Itayii tɔ́n kii lɛ si á pɛ nɛ: «Ka Dɛnaa Lawa Yiikoonaa kɛ tɔ nɛ, a maa dɛnaagiĩ kii kɛ yii toa koo, n bɛ́ re goɛ̃ bǎã mɛn nɛ, ta ma n giɛ̃, ta ma n liɛ, masɛ dɔ á walan.»

Samayeli2 15:21 Iomraidhean Croise

Samayeli2 15:22

Davida tɔ́n pɛ Itayii ni: «Kiɛ̃ nyɛɛnɛ.» Gaatin giĩ Itayii kiɛ̃ nyɛɛnɛ ka a minin tumaa nɛ, ka nɛnyaanan mɛnɛn tumaa bɛ́ kun ni.

Kiin2 2:2

Yilii pɛ Yiliizee ne: «Bǐɛ̃ kɔ n golee kànaa, a giala Dɛnaa Lawa n ma diɛ yǎa Betɛli kiwi.» Yiliizee ná a lɛ si kɛnɛn: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ nə́ tɔ́n kiɛ̃, ǹ nə́ woo Betɛli.

Kiin2 2:4

Yilii pɛ Yiliizee-n doo: «Bǐɛ̃ kɔ n golee kànaa, a giala Dɛnaa Lawa n ma diɛ Zerikoo.» Yiliizee ná a lɛ si: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ nə́ kiɛ̃ ǹ nə́ woo dɔ Zerikoo.

Kiin2 2:6

Yilii wusoo á pɛ Yiliizee ne: «Bǐɛ̃ kɔ n golee kànaa a giala Dɛnaa Lawa n ma diɛ Zurdɛ̃ tà lɛ-a.» Yiliizee ná a lɛ si: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ dinin min paa kiɛ̃ ǹ nə́ woo.

Kiin2 4:30

Nɛginin lɛ a náa tɔ́n pɛ, n dɔ bɛ́ nə n tan, Dɛnaa Lawa Yiikoonaa lɛ tɔ nɛ, ma ba n boe n li wa. Yiliizee tɔ́n yoo á kɔ lɔ lɛ lɛ.

Suusun 17:17

Giaáran man kɔɔ̃n kɔn biikoo tumaa li. Dɔɔ̃n wɔ n ka biikoo kaka nɛ.

Suusun 18:24

Giaára gigiã á boe la ǹ bɔ̀n da min ganaa. Sɛnɛ, giaára sonbore la dɔɔ̃n nɛ.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Korɛnti2 7:3

Ma bie boo kɛ pii ka nɛ, ma á kiri diɛ ka la wa. A giala, má saa lɛlɛ má pɛ, máa kaa sii n kaka ma ganaa, bɛ lɛ-n wɔ á kun baraanɛ yiikoonaabaa-n ka gɛ̀ gɔ́ɔ̃ nɛ.

Samayeli1 20:3

Davida nə́ n liɛ á pɛ doo: «Zonaatan n di lɛ tá doɛ̃ taãn-taãnɛ, mà maa sii á kaka n gɔn. N di lɛ á maa á pɛ a gɔ́ɔ̃ nɛ, mà Zonaatan ba siĩni a bɔ kɛ siére-a wa, màn mɛn bɛ́ toɛ, a foo baran busu wa. Sɛnɛ, Dɛnaa Lawa yii á koo, n dɔ yii á tɔn koo. Bɛa liere banban. Gɛ̀ gɔn dɔ masɛ ganaa á nya.»

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.