Samayeli2 14:2 - LAWA A BOO SONBORE

² Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

LAWA A BOO SONBORE 2011

² Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

Samayeli2 14:2 Iomraidhean Croise

Siin Giala 38:19

Á yoo á woo piɛ, a ná a mɔnaa lɛ bɔ a mìi lɛ, á na a giɔɔrɔbaa ǹ mɔnaan goa, á ǹ wɔ.

Samayeli2 11:26

Urii a lɔ bɛ́ á ma, mà ǹ zuũ Urii lɛ gã, á ná a gɛ̀ wuu pɛ.

Samayeli2 12:20

Bɛa biikoo li, Davida yoo á n bɔ tán, á n zoo á nyɔɔ giĩ kɔɔ̃n lɔ a din ganaa, á mɔnaa kɔsɔn wɔ. Bɛ kio, á woo wɔ Dɛnaa Lawa a kion, á kaa tán á ná a guguru kɔ. A bɛ́ á n bɔyaa á woo piɛ, á pɛ mà ǹ da ka màn-bii ni. Ǹ nə́ màn-bii kɔ la á bii.

Samayeli2 20:16

Bɛa biikoo li, lɔ sii-dɔ̃li goon nə́ n toa kiwi gɔ́ɔ̃ nɛ, á n lɛ dɛ á pɛ: – Ka n too kɔ, ka n too kɔ! Ka pɛ Zoabu ni mà a n zɔ̃ a dɔ yǎa kànaa. «Ma tá li ma boo da nɛ.»

Samayeli2 23:26

Elisi ni boe Palti, Ikɛsi a nɛgiĩ Iraa nɛ boe Tekoa,

Kiin1 14:2

Zeroboamu tɔ́n pɛ a lɔ nɛ: «Ma nə n nyankoe, yoo n wo Siiloo. N nə n giã ǹ gɔn bɔyaa n tɔn woo, màn mɛn bɛ́ toɛ minin baran dɔ̃ mà maa a lɔ nə n nɛ wa. Lawa a boo gii-dali Ayia n giã-n Siiloo lɛ nɛ. A din Ayia lɛ na á goã á pɛ ma nɛ mà ma á die zaman kɛ lɛ a kii biɛ.

Kiin1 14:5

Sɛnɛ Dɛnaa Lawa goã á pɛ Ayia nɛ: «Á ke, Zeroboamu a lɔ tá zii la die, a n die nɔ̀n diɛ n la ka a nɛginin busulə a sii ni. N die n pɛ nɛ kɛnɛn ka kɛnɛn. Lɔ lɛ bɛ́ re doe, a tá re n din biɛ ka min kɔsɔ nɛ.»

KZS2 11:6

Bɛtlehɛmu ni, Etamu ni, Tekoa nɛ,

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Nehemii 3:27

Ǹ kio wɔlɔ-a, Tekoa kiwi minin nə́ goã kungɔn lɛ a paǹ kɔsɔ zɛnɛɛ sanabolo gole solo kɛ yɔrɔ-a, a da yǎa Ofɛli kungɔn kɛ li.

Nehemii 3:5

Tekoa minin dɔn nə́ goã ǹ genli dí nyɛɛ. Sɛnɛ Tekoa minin lɛn min yii guguru-an nə lɛ kɔ ǹ nə́ dí nya ǹ mìilandɛnan lɛn man wa.

Loen 104:15

yɔ n minin foo kɔɔ̃n koe, nyɔɔ nə ǹ yɔrɔ zɔ́nɛ, màn-bii n pàã koe ǹ la.

Boo-laakalaali 9:8

Nyaǹ bɔ ǹ mɔnaan wɔ biikoo yii li, n nə n nyɛnyɛɛ sɔnbɔraanɛ.

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Amɔɔsi 1:1

Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da.

Matiə 6:17

Sɛnɛ, nsɛ, bɛ̀ n nə́ n lɛ sɔɔ, n yɔrɔ pii, n nə n mìi wɔraa,

Uruti 3:3

Yoo n nə n zoo, n nyɔɔ gìĩ kɔɔ̃n lɔ, n nə n mɔnaa sonboren wɔ, n wo ɔrzi duwəə ǹ bǎã lɛ nɛ. Sɛnɛ, n baran n din nyaa wa, yǎa Boazi lɛ màn bii a nyɛɛ, a mu mii.